ಪೊಲೀಸ್ ಬಸ್ ಹಾಗೂ ಮೀನು ಲಾರಿ ಅಪಘಾತ – ನಾಲ್ವರಿಗೆ ಗಾಯ

ಪೊಲೀಸ್ ಬಸ್ ಹಾಗೂ ಮೀನು ಲಾರಿ ಅಪಘಾತ – ನಾಲ್ವರಿಗೆ ಗಾಯ

ಮಂಗಳೂರು ಡಿಸೆಂಬರ್ 1: ಪೋಲೀಸ್ ಬಸ್ ಹಾಗೂ ಮೀನು ಸಾಗಾಟ ಲಾರಿ ನಡುವೆ ಅಫಘಾತ ನಡೆದಿದ್ದು, ನಾಲ್ವರಿಗೆ ಗಾಯಗಳಾಗಿವೆ. ಇಂದು ಮುಂಜಾನೆ ಪಂಪುವೆಲ್ ಬಳಿ ಈ ದುರ್ಘಟನೆ ನಡೆದಿದೆ. ಮಂಗಳೂರು ಕಡೆ ಬರುತ್ತಿದ್ದ ಪೋಲೀಸ್ ಬಸ್ ಹಾಗೂ ಕೇರಳ ಕಡೆ ಸಂಚರಿಸುವ ಮೀನಿನ ಲಾರಿಗಳು ಮುಖಾಮುಖಿ ಡಿಕ್ಕಿ ಹೊಡೆದಿದೆ.

ಈ ಸಂಬಂಧ ಲಾರಿ ಮತ್ತು ಪೋಲೀಸ್ ಬಸ್ ಚಾಲಕ ಸೇರಿದಂತೆ ನಾಲ್ವರಿಗೆ ಗಂಭೀರ ಗಾಯಗಳಾಗಿವೆ. ಗಾಯಗೊಂಡವರನ್ನು ಸಮೀಪದ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಘಟನಾ ಸ್ಥಳಕ್ಕೆ ಮಂಗಳೂರು ಪೋಲೀಸ್ ಕಮಿಷನರ್ ಟಿ.ಆರ್.ಸುರೇಶ್ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.