ನಂತೂರು ಸರ್ಕಲ್ ನಲ್ಲಿ ಕೆಟ್ಟು ನಿಂತ ಕಾರನ್ನು ತಳ್ಳಿದ ಟ್ರಾಫಿಕ್ ಪೊಲೀಸ್ ದೇವರಾಜ್

ನಂತೂರು ಸರ್ಕಲ್ ನಲ್ಲಿ ಕೆಟ್ಟು ನಿಂತ ಕಾರನ್ನು ತಳ್ಳಿದ ಟ್ರಾಫಿಕ್ ಪೊಲೀಸ್ ದೇವರಾಜ್

ಮಂಗಳೂರು ಅಕ್ಟೋಬರ್ 19: ರಾತ್ರಿ ಟ್ರಾಫಿಕ್ ನಲ್ಲಿ ಕೆಟ್ಟು ನಿಂತ ಕಾರನ್ನು ಟ್ರಾಫಿಕ್ ಪೊಲೀಸ್ ತಳ್ಳಿ ಕಾರಿನ ಸವಾರರಿಗೆ ಸಹಾಯ ಮಾಡಿದ ಘಟನೆ ನಡೆದಿದೆ.

ಮಂಗಳೂರಿನ ಸದಾ ಟ್ರಾಫಿಕ್ ಜಾಮ್ ಆಗುವ ನಂತೂರ್ ಸರ್ಕಲ್ ನಲ್ಲಿ ಕಾರೊಂದು ಕೆಟ್ಟು ನಿಂತಿತ್ತು. ಇದನ್ನು ಗಮನಿಸಿದ ಅಲ್ಲೆ ಟ್ರಾಫಿಕ್ ಕಂಟ್ರೋಲ್ ಮಾಡುತ್ತಿದ್ದ ಪೊಲೀಸ್ ಸಿಬ್ಬಂದಿ ದೇವರಾಜ್ ಅವರು ಕಾರನ್ನು ಒಬ್ಬರೆ ಸುಮಾರು 200 ಮೀಟರ್ ಬದಿಗೆ ತಳ್ಳಿ ಮಾನವೀಯತೆ ಮೆರೆದಿದ್ದಾರೆ.

ಬೆಳಿಗ್ಗೆಯಿಂದ ದೂಳು ಬಿಸಲಿನಲ್ಲೇ ಕೆಲಸ ಮಾಡುವ ಟ್ರಾಫಿಕ್ ಪೊಲೀಸರು ಜನರಿಗೆ ಸುಗಮ ಸಂಚಾರಕ್ಕಾಗಿ ಕೆಟ್ಟು ನಿಂತ ಕಾರನ್ನು ತಳ್ಳುವ ಮೂಲಕ ನಿಜವಾದ ಜನಸ್ನೇಹಿ ಪೊಲೀಸ್ ಆಗಿದ್ದಾರೆ.