FILM
‘ಬಾವ ಬಂದರೋ..’ ಹಾಡಿಗೆ ಭರ್ಜರಿ ಸ್ಟೆಪ್ ಹಾಕಿದ ರಾಜ್ ಬಿ. ಶೆಟ್ಟಿ ಗ್ಯಾಂಗ್
ಬೆಂಗಳೂರು, ಆಗಸ್ಟ್ 01: ‘ಸು ಫ್ರಮ್ ಸೋ’ ಸಿನಿಮಾ ರಾಜ್ಯಾದ್ಯಂತ ಭರ್ಜರಿ ಯಶಸ್ಸು ಕಂಡಿದೆ. ಈ ಚಿತ್ರದ ಸಕ್ಸಸ್ ರಾಜ್ ಬಿ ಶೆಟ್ಟಿ ಹಾಗೂ ಟೀಂ ಖುಷಿಪಟ್ಟಿದೆ. ಮೊದಲ ಪ್ರಯತ್ನದಲ್ಲೇ ನಿರ್ದೇಶಕ ಜೆಪಿ ತುಮಿನಾಡ್ ಅವರು ಸಾಕಷ್ಟು ದೊಡ್ಡ ಗೆಲುವು ಕಂಡಿದ್ದಾರೆ. ಈ ಚಿತ್ರದಲ್ಲಿ ಬರೋ ‘ಬಂದರು ಬಂದರು ಬಾವ ಬಂದರು..’ ಹಾಡಿಗೆ ಈಗ ತೂಕ ಬಂದಿದೆ. ಇದಕ್ಕೆ ಕಾರಣ ರಾಜ್ ಬಿ. ಶೆಟ್ಟಿ ಹಾಗೂ ಗ್ಯಾಂಗ್ ಈ ಹಾಡಿಗೆ ಸ್ಟೆಪ್ ಹಾಕಿದೆ. ಈ ವಿಡಿಯೋ ವೈರಲ್ ಆಗಿದೆ.
ಸಿನಿಮಾದಲ್ಲಿ ಬರೋ ‘ಬಾವ’ ಪಾತ್ರ ತುಂಬಾನೇ ಪ್ರಾಮುಖ್ಯತೆ ಪಡೆದಿದೆ. ತೆರೆಮೇಲೆ ಇದ್ದಷ್ಟು ಹೊತ್ತು ನಗಿಸುವ ಕೆಲಸವನ್ನು ಈ ಪಾತ್ರ ಮಾಡುತ್ತದೆ. ‘ಬಂದರು ಬಂದರು ಬಾವ ಬಂದರು..’ ಹಾಡನ್ನು ವಿಶೇಷವಾಗಿ ಬಾವನಿಗಾಗಿಯೇ ಸಂಯೋಜಿಸಲಾಗಿದೆ. ಈ ಕಾರಣದಿಂದಲೇ ಬಾವನ ಎಂಟ್ರಿ ವಿಶೇಷ ಎನಿಸಿಕೊಂಡಿದೆ. ಅಲ್ಲದೆ, ಸಾಂಗ್ ಕೂಡ ಫೇಮ್ ಆಗಿದೆ.
ಈಗ ರಾಜ್ ಬಿ ಶೆಟ್ಟಿ, ಶನೀಲ್ ಗೌತಮ್ ಹಾಗೂ ನಟ, ನಿರ್ದೇಶಕ ಜೆಪಿ ತುಮಿನಾಡು ಅವರು ಈ ಹಾಡಿಗೆ ಸ್ಟೆಪ್ ಹಾಕಿದ್ದಾರೆ. ಯಾವುದೇ ಕೊರಿಯೋಗ್ರಫಿ ಇಲ್ಲದೆ, ತಮ್ಮದೆ ಸ್ಟೈಲ್ನಲ್ಲಿ ರಸ್ತೆ ಮೇಲೆ ‘ಬಾವ’ ಹಾಡಿಗೆ ಸ್ಟೆಪ್ ಹಾಕಿದ್ದಾರೆ ಇವರು. ಈ ವಿಡಿಯೋ ಸಖತ್ ವೈರಲ್ ಆಗಿ ಗಮನ ಸೆಳೆದಿದೆ.
‘ಸು ಫ್ರಮ್ ಸೋ’ ಸಿನಿಮಾ ಜುಲೈ 25ರಂದು ರಿಲೀಸ್ ಆಯಿತು. ಒಂದು ವಾರದಲ್ಲಿ ಸಿನಿಮಾ 20 ಕೋಟಿ ರೂಪಾಯಿಗೂ ಅಧಿಕ ಕಲೆಕ್ಷನ್ ಮಾಡಿದೆ ಎಂದು ವರದಿ ಆಗಿದೆ. ಈ ಚಿತ್ರದಿಂದ ನಿರ್ಮಾಪಕರ ಮೊಗದಲ್ಲಿ ನಗುವಿನ ಅಲೆ ಮೂಡಿದೆ. ಈ ಚಿತ್ರದ ಅಬ್ಬರ ಇನ್ನೂ ಕೆಲವು ದಿನಗಳು ಮುಂದುವರಿಯುವ ನಿರೀಕ್ಷೆ ಇದೆ. ಈ ಚಿತ್ರದಲ್ಲಿ ಪ್ರಕಾಶ್ ತುಮಿನಾಡ್, ದೀಪಕ್ ರೈ ಪಣಾಜೆ ಮೊದಲಾದವರು ನಟಿಸಿದ್ದಾರೆ. ಈ ಸಿನಿಮಾದಲ್ಲಿ ಹಾಸ್ಯದ ಜೊತೆಗೆ ಒಂದು ಗಂಭಿರವಾದ ಸಂದೇಶವನ್ನು ಕೂಡ ಹೇಳಲಾಗಿದೆ.
