ಪುಣೆ – ತನ್ನ ಅನೈತಿಕ ಸಂಬಂಧ ಮರೆಮಾಚಲು ತನ್ನ ಸ್ವಂತ ಮಗಳ ಸ್ನಾನದ ವಿಡಿಯೋ ವೈರಲ್ ಮಾಡಿದ ತಾಯಿ

ಪುಣೆ ಎಪ್ರಿಲ್ 17: ತನ್ನ ಅನೈತಿಕ ಸಂಬಂಧದ ಬಗ್ಗೆ ಮಗಳು ಬಹಿರಂಗಪಡಿಸುತ್ತಾಳೆ ಎಂದು ಮಹಿಳೆಯೊಬ್ಬರು ತನ್ನ ಮಗಳು ಸ್ನಾನ ಮಾಡುವ ಬಟ್ಟೆ ಬದಲಾಯಿಸುವ ವಿಡಿಯೋ ಮಾಡಿ ಅದನ್ನು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಮಾಡಿದ ಘಟನೆ ಪುಣೆಯಲ್ಲಿ ನಡೆದಿದ್ದು, ಇದೀಗ ಆರೋಪಿ ಮಹಿಳೆಯನ್ನು ಪೊಲೀಸರು ಅರೆಸ್ಟ್ ಮಾಡಿದ್ದಾರೆ.

36 ವರ್ಷದ ಮಹಿಳೆ ಯುವಕನೊಂದಿಗೆ ಅಕ್ರಮ ಸಂಬಂಧ ಹೊಂದಿದ್ದಳು, ಈ ವಿಚಾರ ಮಹಿಳೆಯ 14 ವರ್ಷದ ಮಗಳಿಗೆ ತಿಳಿದಿತ್ತು, ಆ ಬಾಲಕಿ ಅದನ್ನು ಮನೆಯ ಮಾಲೀಕರಿಗೆ ತಿಳಿಸಿದ್ದಳು. ಈ ಹಿನ್ನಲೆ ಮಹಿಳೆ ತನ್ನ ಮಗಳನ್ನು ಅನೈತಿಕ ಸಂಬಂಧದ ಬಗ್ಗೆ ತನ್ನ ಸಂಬಂಧಿಕರಿಗೆ ಮಾಹಿತಿ ನೀಡುವ ಸಾಧ್ಯತೆ ಹಿನ್ನಲೆ ಅವರ ಗಮನ ಬೇರೆಡೆ ಸಳೆಯಲು ತನ್ನ ಮಗಳು ಬಟ್ಟೆ ಬದಲಾಯಿಸುವ ಹಾಗೂ ಸ್ನಾನ ಮಾಡುತ್ತಿರುವ ವೇಳೆ ವಿಡಿಯೋ ಮಾಡಿ ಅದನ್ನು ಸಾಮಾಜಿಕ ಜಾಲತಾಣದಲ್ಲಿ ಅಪ್ಲೋ಼ಡ್ ಮಾಡಿದ್ದಳು. ಅಲ್ಲದೆ ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡಿದ್ದಳು.

ಈ ವರ್ಷ ಜನವರಿಯಲ್ಲಿ ಬಾಲಕಿಯ ಚಿಕ್ಕಮ್ಮನಿಗೆ ಬಾಲಕಿಯ ವಿಡಿಯೋ ಒಂದು ಸಿಕ್ಕಿದ್ದು, ಆಕೆ ಅದನ್ನು ಬಾಲಕಿಗೆ ತಿಳಿಸಿದ್ದಾಳೆ. ಈ ಹಿನ್ನಲೆ ಬಾಲಕಿ ಪೊಲೀಸರಿಗೆ ದೂರು ನೀಡಿದ್ದಳು, ತನಿಖೆ ನಡೆಸಿದ ಬಿಬ್ವೆವಾಡಿ ಪೊಲೀಸರಿಗೆ ವಿಡಿಯೋ ಬಾಲಕಿಯ ತಾಯಿಯ ಮೊಬೈಲ್ ನಿಂದ ಅಪ್ಲೋಡ್ ಆಗಿರುವ ಮಾಹಿತಿ ಸಿಕ್ಕಿತ್ತು, ಬಳಿಕ ಅವರನ್ನು ವಿಚಾರಣೆ ನಡೆಸಿದಾಗ ಈ ಪ್ರಕರಣ ಬೆಳಕಿಗೆ ಬಂದಿದೆ. ಪೊಲೀಸರ ಮಾಹಿತಿ ಪ್ರಕರಣ ಮಹಿಳೆ ಮತ್ತು ಆಕೆಯ ಸ್ನೇಹಿತ ದಿನಗೂಲಿ ಕೆಲಸಗಾರರಾಗಿದ್ದರು. ಇಬ್ಬರು ಅಕ್ರಮ ಸಂಬಂಧ ಹೊಂದಿದ್ದು ಮಗಳಿಗೆ ಗೊತ್ತಾದ ಕಾರಣ ಮಗಳ ವಿಡಿಯೋವನ್ನು ತಾಯಿ ತೆಗೆದು ಬಳಿಕ ತನ್ನ ಸ್ನೇಹಿತನೊಂದಿಗೆ ಸೇರಿ ವೈರಲ್ ಮಾಡಿದ್ದಾರೆ, ಬಾಲಕಿ ಪೊಲೀಸರಿ ದೂರು ನೀಡಿದ ವಿಚಾರ ತಿಳಿಯುತ್ತಿದ್ದಂತೆ ತಾಯಿ ಪುಣೆಯಿಂದ ಪರಾರಿಯಾಗಿದ್ದರು.

ಕಳೆದ ಮೂರು ತಿಂಗಳಿನಿಂದ, ಪೊಲೀಸರು ಸೋಲಾಪುರ, ಧರಶಿವ್, ಛತ್ರಪತಿ ಸಂಭಾಜಿನಗರ ಮತ್ತು ಅಹಲ್ಯಾನಗರ ಜಿಲ್ಲೆಗಳಲ್ಲಿ ಹಾಗೂ ದೌಂಡ್‌ನಲ್ಲಿ ಮಹಿಳೆ ಮತ್ತು ಆಕೆಯ ಗೆಳೆಯನಿಗಾಗಿ ಹುಡುಕಾಟ ನಡೆಸಿದ್ದಾರೆ. “ಶನಿವಾರ, ಖಡಕ್ವಾಸ್ಲಾ ಪ್ರದೇಶದಲ್ಲಿ ಆಕೆಯ ಇರುವಿಕೆಯ ಬಗ್ಗೆ ನಮಗೆ ಸುಳಿವು ಸಿಕ್ಕಿತು. ಆಕೆ ಮತ್ತು ಆಕೆಯ ಸ್ನೇಹಿತೆ ಅಲ್ಲಿನ ಒಂದು ಸಣ್ಣ ಹೋಟೆಲ್‌ನಲ್ಲಿ ತಂಗಿರುವುದು ಕಂಡುಬಂದಿದೆ. ನಾವು ಹುಡುಕಾಟಕ್ಕಾಗಿ ಸ್ಥಳಕ್ಕೆ ತಲುಪಿದೆವು ಮತ್ತು ಅಂತಿಮವಾಗಿ ಭಾನುವಾರ ಸಂಜೆ ಖಡಕ್ವಾಸ್ಲಾ ಅಣೆಕಟ್ಟು ಬಳಿ ಇಬ್ಬರನ್ನು ಗುರುತಿಸಿದೆವು, ಅಲ್ಲಿಂದ ಅವರನ್ನು ವಶಕ್ಕೆ ಪಡೆಯಲಾಯಿತು. ನಾವು ಆಕೆಯ ಸೆಲ್‌ಫೋನ್ ಅನ್ನು ವಶಪಡಿಸಿಕೊಂಡಿದ್ದೇವೆ ಮತ್ತು ಅದನ್ನು ತಜ್ಞರ ವಿಶ್ಲೇಷಣೆಗಾಗಿ ವಿಧಿವಿಜ್ಞಾನ ಪ್ರಯೋಗಾಲಯಕ್ಕೆ ಕಳುಹಿಸಲಾಗುವುದು” ಎಂದು ಪೊಲೀಸರು ತಿಳಿಸಿದ್ದಾರೆ.