ಬೈಕ್ ನಲ್ಲಿ ಪಟಾಕಿ ಸಾಗಿಸುವ ವೇಳೆ ಬ್ಲಾಸ್ಟ್ – ಓರ್ವ ಸಾವು – ಭಯಾನಕ ವಿಡಿಯೋ

ಆಂಧ್ರಪ್ರದೇಶ ನವೆಂಬರ್ 01: ಬೈಕ್ ನಲ್ಲಿ ಪಟಾಕಿ ಸಾಗಿಸುವ ವೇಳೆ ಸ್ಪೋಟಗೊಂಡ ಪರಿಣಾಮ ಬೈಕ್ ನಲ್ಲಿ ಓರ್ವ ವ್ಯಕ್ತಿ ಸಾವನಪ್ಪಿ ಕೆಲವರು ಗಾಯಗೊಂಡ ಘಟನೆ ಆಂಧ್ರಪ್ರದೇಶದ ಎಲೂರು ಪಟ್ಟಣದಲ್ಲಿ ಗುರುವಾರ ನಡೆದಿದೆ.

ಈರುಳ್ಳಿ ಬಾಂಬ್ ಮತ್ತು ಇತರ ಪಟಾಕಿಗಳಿದ್ದ ಬ್ಯಾಗ್ ರಸ್ತೆಯ ಮೇಲೆ ಬಿದ್ದ ನಂತರ ಸ್ಫೋಟಗೊಂಡಿದೆ. ಪರಿಣಾಮ ಸವಾರ ಸ್ಥಳದಲ್ಲೇ ಸಾವನ್ನಪ್ಪಿದ್ದಾನೆ ಎಂಬುದು ಪ್ರಾಥಮಿಕ ತನಿಖೆಯಿಂದ ತಿಳಿದುಬಂದಿದೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ರಸ್ತೆ ಬದಿಯಲ್ಲಿ ನಿಂತಿದ್ದ ಹಿಂಬದಿ ಸವಾರ ಹಾಗೂ ಇತರ ಇಬ್ಬರಿಗೆ ಗಾಯಗಳಾಗಿದ್ದು, ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಸ್ಫೋಟದ ಪರಿಣಾಮ ಎಷ್ಟು ತೀವ್ರವಾಗಿತ್ತು ಎಂದರೆ ಬೈಕ್ ಸವಾರನ ಕಾಲುಗಳು ಮತ್ತು ದೇಹದ ಇತರ ಭಾಗಗಳು ಛಿದ್ರವಾಗಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. ಸ್ಫೋಟ ಸಂಭವಿಸಿದ ಪ್ರದೇಶದಲ್ಲಿ ಇಡೀ ದೂಳು ಆವರಿಸಿದ್ದು, ಕೆಲವರು ಓಡುತ್ತಿದ್ದ ದೃಶ್ಯ ಸಿಸಿಟಿವಿಯಲ್ಲಿ ದಾಖಲಾಗಿದೆ.

#WATCH | One person was killed and six were injured in an accident involving firecrackers in Andhra Pradesh’s Eluru district.
.
.
.#Firecrackers #Roadaccident #Accident pic.twitter.com/ky4ONF0Gxb

— Republic (@republic) October 31, 2024