LATEST NEWS
ನೀತಿ ಆಯೋಗದ ಮಾಜಿ ಉದ್ಯೋಗಿ ಲಂಡನ್ನಲ್ಲಿ ಟ್ರಕ್ ಹರಿದು ಮೃತ್ಯು..!

ಲಂಡನ್: ನೀತಿ ಆಯೋಗದ ಮಾಜಿ ಉದ್ಯೋಗಿ ಚೇಸ್ತಾ ಕೊಚ್ಚಾರ (36) ಲಂಡನ್ನಲ್ಲಿ ನಡೆದ ರಸ್ತೆ ಅಪಘಾತದಲ್ಲಿ ಮೃತಪಟ್ಟಿದ್ದಾಳೆ. ನೀತಿ ಆಯೋಗದ ಮಾಜಿ ಉದ್ಯೋಗಿಯಾಗಿದ್ದ ಹಾಗೂ ಸದ್ಯ ಲಂಡನ್ನ ‘ಲಂಡನ್ ಸ್ಕೂಲ್ ಆಫ್ ಎಕಾನಾಮಿಕ್ಸ್’ನಲ್ಲಿ ಪಿಎಚ್.ಡಿ ಅಧ್ಯಯನ ಮಾಡುತ್ತಿದ್ದರು.
ಚೇಸ್ತಾ ಮಾರ್ಚ್ 19ರಂದು ಕಾಲೇಜಿನಿಂದ ಸೈಕಲ್ನಲ್ಲಿ ತಮ್ಮ ನಿವಾಸಕ್ಕೆ ತೆರಳುತ್ತಿದ್ದಾಗ ಅವರ ಮೇಲೆ ಫ್ಯಾರಿಂಗ್ಡನ್ ಜಂಕ್ಸನ್ನ ಕ್ಲರ್ಕ್ಎನ್ವೆಲ್ ರಸ್ತೆ ಬಳಿ ಟ್ರಕ್ ಹರಿದಿತ್ತು. ಗಂಭೀರವಾಗಿ ಗಾಯಗೊಂಡಿದ್ದ ಚೇಸ್ತಾರನ್ನು ಸನಿಹದ ಆಸ್ಪತ್ರೆಗೆ ದಾಖಲಿಸಿ ಐಸಿಯುನಲ್ಲಿ ಚಿಕಿತ್ಸೆ ನೀಡಲಾಗುತ್ತಿತ್ತು. ಆದ್ರೆ ಚಿಕಿತ್ಸೆಗೆ ಸ್ಪಂದಿದ ಚೇಸ್ತಾ ಇದೀಗ ಇಹ ಲೋಕ ತ್ಯಜಿಸಿದ್ದಾಳೆ. ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿರುವ ಲಂಡನ್ ಮೆಟ್ರೊಪಾಲಿಟನ್ ಪೊಲೀಸರು, ಲಾರಿ ಚಾಲಕನನ್ನು ಬಂಧಿಸಿ ತನಿಖೆ ನಡೆಸುತ್ತಿದ್ದಾರೆ. ಚೇಸ್ತಾ ಅವರ ತಂದೆ ಭಾರತೀಯ ಸೇನೆಯ ಲೆಫ್ಟಿನಂಟ್ ಜನರಲ್ ಎಸ್.ಪಿ. ಕೊಚ್ಚಾರ ಅವರು, ಮಗಳ ಪಾರ್ಥೀವ ಶರೀರವನ್ನು ಭಾರತಕ್ಕೆ ತರಲಾಗುತ್ತಿದೆ ಎಂದು ತಿಳಿಸಿದ್ದಾರೆ. ಪ್ರತಿಭಾವಂತೆಯಾಗಿದ್ದ ಚೇಸ್ತಾ ನೀತಿ ಆಯೋಗದಲ್ಲಿ ನಮ್ಮ ಜೊತೆ ಕೆಲಸ ಮಾಡಿದ್ದರು ಎಂದು ನೀತಿ ಆಯೋಗದ ಮಾಜಿ ಸಿಇಒ ಅಮಿತಾಬ್ ಕಾಂತ್ ಅವರು ಸ್ಮರಿಸಿದ್ದಾರೆ. ಗುರುಗ್ರಾಮ ಮೂಲದವದಾದ ಚೇಸ್ತಾ ಪತಿ ಸಾಫ್ಟ್ವೇರ್ ಎಂಜಿನಿಯರ್ ಪ್ರಶಾಂತ್ ಗೌತಮ್ ಅವರನ್ನು ಅಗಲಿದ್ದಾರೆ.
