Connect with us

BELTHANGADI

ನಾನೊಬ್ಬ ಕಳ್ಳ, ರಾಜಕಾರಣಿಗಳೆಲ್ಲಾ ಕಳ್ಳರು- ವಸಂತ ಬಂಗೇರ

ನಾನೊಬ್ಬ ಕಳ್ಳ, ರಾಜಕಾರಣಿಗಳೆಲ್ಲಾ ಕಳ್ಳರು- ವಸಂತ ಬಂಗೇರ

ಬೆಳ್ತಂಗಡಿ, ಜೂನ್ 14: ನಾನೊಬ್ಬ ಕಳ್ಳ, ರಾಜಕಾರಣಿಗಳೆಲ್ಲಾ ಕಳ್ಳರು ಎಂದು ಬೆಳ್ತಂಗಡಿ ಶಾಸಕ ವಸಂತ ಬಂಗೇರ್ ಹೇಳಿಕೊಂಡಿದ್ದಾರೆ.ಚಾರ್ಮಾಡಿ ಘಾಟ್ ರಸ್ತೆಯ ಕಾಮಗಾರಿಯನ್ನು ವೀಕ್ಷಿಸಲು ಆಗಮಿಸಿದ ಅವರು ಏಕಾಏಕಿ ಮಾಧ್ಯಮಗಳ ಮೇಲೆ ಹರಿಹಾಯ್ದಿದ್ದಾರೆ.

ವಿಪರೀತ ಮಳೆಯಿಂದಾಗಿ ಚಾರ್ಮಾಡಿ ಘಾಟ್ ನಲ್ಲಿ ವಾಹನ ಸಂಚಾರಕ್ಕೆ ಅಡಚಣೆಯಾಗಿರುವುದು ಎಲ್ಲರಿಗೂ ತಿಳಿದ ವಿಚಾರವಾಗಿದೆ.

ಆದರೆ ವಸಂತ ಬಂಗೇರ ಚಾರ್ಮಾಡಿ ಘಾಟ್ ರಸ್ತೆಯ ಕುರಿತು ಮಾತನಾಡುವ ಬದಲು ಪ್ರಧಾನಿ ನರೇಂದ್ರ ಮೋದಿ ದೇಶವನ್ನು , ಪ್ರಜಾಪ್ರಭುತ್ವವನ್ನು ನಾಶ ಮಾಡುತ್ತಿದ್ದಾರೆ. ಮೋದಿಯಿಂದ ದೇಶ ಸರ್ವನಾಶವಾಗುತ್ತದೆ ಎಂದರು.

ಮಾಧ್ಯಮಗಳೆಲ್ಲಾ ನರೇಂದ್ರ ಮೋದಿಯವರ ಕೈಗೊಂಬೆಯಾಗಿದ್ದು, ಬಿಜೆಪಿಯವರು ಚುನಾವಣಾ ಸಂದರ್ಭದಲ್ಲಿ ಇವಿಎಂ ಯಂತ್ರದ ಮೂಲಕ ಮಾಡಿದ ಅಕ್ರಮಗಳನ್ನು ಜನತೆಯ ಮುಂದೆ ತೋರಿಸಲು ಮಾಧ್ಯಮಗಳು ವಿಫಲವಾಗಿವೆ ಎಂದು ಆರೋಪಿಸಿದರು.

ಅಲ್ಲದೆ ಮಾಧ್ಯಮಗಳು ನನ್ನಂತ ಕಳ್ಳ ರಾಜಕಾರಣಿಗಳ ಬಣ್ಣವನ್ನು ಬಯಲಿಗೆಳೆಯುವ ಕೆಲಸವನ್ನು ಮಾಡಬೇಕೆಂದರು.

ತನ್ನನ್ನು ಸೇರಿಸಿಕೊಂಡು ಇತರ ರಾಜಕಾರಣಿಗಳನ್ನು ಕಳ್ಳ ಎಂದ ಮಾಜಿ ಶಾಸಕ ವಸಂತ ಬಂಗೇರರ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದು, ಜನಪ್ರತಿನಿಧಿಗಳಿಗೆ ಆಕ್ರೋಶಕ್ಕೆ ಇದು ಕಾರಣವಾಗುವ ಸಾಧ್ಯತೆಯೂ ಇದೆ.

VIDEO

Share Information
Continue Reading
Advertisement
Click to comment

Leave a Reply

Your email address will not be published. Required fields are marked *