ಜೆರೋಸಾ ಸ್ಕೂಲ್ ಪ್ರಕರಣ, ದೂರು, ಸಾಕ್ಷ್ಯಗಳಿದ್ದರೆ ನೀಡಲು ತನಿಖಾಧಿಕಾರಿ ಸೂಚನೆ..!

ಮಂಗಳೂರು :  ಮಂಗಳೂರು ಜೆರೋಸಾ ಶಾಲೆಯಲ್ಲಿ ಹಿಂದೂ ಧರ್ಮ ಅವಹೇಳನ ವಿಚಾರದ ಪ್ರಕರಣದಲ್ಲಿ ಸಾರ್ವಜನಿಕರ ದೂರುಗಳಿದ್ದರೆ ಸಲ್ಲಿಸಲು ತನಿಖಾಧಿಕಾರಿ ಆಕಾಶ್ ಶಂಕರ್ ಸೂಚಿಸಿದ್ದಾರೆ.

ರಾಜ್ಯ ಸರ್ಕಾರದ ನಿರ್ದೇಶನ ಮೇರೆಗೆ ಐಎಎಸ್‌ ಅಧಿಕಾರಿ ಆಕಾಶ್ ಶಂಕರ್ ಕಳೆದ 2 ದಿನಗಳಿಂದ ಮಂಗಳೂರಿನಲ್ಲಿದ್ದು ವಿಚಾರಣೆ ನಡೆಸುತ್ತಿದ್ದಾರೆ. ಮಂಗಳೂರಿನ ಜಿಲ್ಲಾ ಪಂಚಾಯತ್ ಕಟ್ಟಡದಲ್ಲಿರುವ ಡಿಡಿಪಿಐ ಕಚೇರಿಯಲ್ಲಿ ಈ ವಿಚಾರಣೆ ನಡೆಯುತ್ತಿದ್ದು ಸಾರ್ವಜನಿಕರ ದೂರು, ಸಾಕ್ಷ್ಯಗಳಿದ್ದರೆ ಅಧಿಕಾರಿ ಮುಂದೆ ಹಾಜರಾಗಬಹುದಾಗಿದೆ. ಇಂದು ಮಧ್ಯಾಹ್ನ 12ರಿಂದ 2 ಗಂಟೆಯ ವರೆಗೆ ದೂರು, ಸಾಕ್ಷ್ಯಗಳನ್ನು ನೀಡಬಹುದಾಗಿದೆ. ಈಗಾಗಲೇ
ವಿಶ್ವ ಹಿಂದು ಪರಿಷತ್ ಜಿಲ್ಲಾಧ್ಯಕ್ಷ ಎಚ್.ಕೆ ಪುರುಷೋತ್ತಮ್, ಪೊಲೀಸ್ ದೂರು ನೀಡಿದ್ದ ಶರತ್ ಕುಮಾರ್ ಗೆ ನೋಟಿಸ್ ಜಾರಿ ಮಾಡಲಾಗಿದ್ದು ಮಧ್ಯಾಹ್ನ ಡಿಡಿಪಿಐ ಕಚೇರಿಗೆ ಹಾಜರಾಗಿ ಮಾಹಿತಿ ನೀಡಲು ಸೂಚಿಸಿದ್ದಾರೆ.