ರಾಜ್ಕೋಟ್ ಜನವರಿ 03: ವಿಜಯ್ ಹಜಾರೆ ಟ್ರೋಫಿ ಟೂರ್ನಿಯಲ್ಲಿ ಭಾರತದ ಆಲ್-ರೌಂಡರ್ ಹಾರ್ದಿಕ್ ಪಾಂಡ್ಯ ಭರ್ಜರಿ ಬ್ಯಾಟಿಂಗ್ ಪ್ರದರ್ಶನ ನೀಡಿದ್ದು, ಒಂದೇ ಓವರ್ ನಲ್ಲಿ 34 ರನ್ ಸಿಡಿಸಿರುವ ಮೂಲಕ ಅಬ್ಬರಿಸಿದ್ದಾರೆ.
ರಾಜ್ಕೋಟ್ನ ನಿರಂಜನ್ ಕೋಟ್ ಶಹಾ ಕ್ರೀಡಾಂಗಣದಲ್ಲಿ ವಿದರ್ಭ (Vidarbha) ವಿರುದ್ಧ ನಡೆಯುತ್ತಿರುವ ವಿಜಯ ಹಜಾರೆ ಟ್ರೋಫಿ (Vijay Hazare Trophy) ಪಂದ್ಯದಲ್ಲಿ ಸ್ಫೋಟಕ ಶತಕ ಬಾರಿಸಿದ್ದಾರೆ. ಒಂದೇ ಓವರ್ನಲ್ಲಿ ಬರೋಬ್ಬರಿ 34 ರನ್ ಸಿಡಿಸುವ ಮೂಲಕ 68 ಎಸೆತಗಳಲ್ಲೇ ಶತಕ ಪೂರೈಸಿದ್ದಾರೆ. ಇದು ದೇಶಿಯ ಮೊದಲ ದರ್ಜೆಯ ಪಂದ್ಯದಲ್ಲಿ ಪಾಂಡ್ಯ ಅವರ ಮೊದಲ ಶತಕವೂ ಆಗಿದೆ.
ಮೊದಲ 62 ಎಸೆತಗಳಲ್ಲಿ 66 ರನ್ ಬಾರಿಸಿದ್ದ ಪಾಂಡ್ಯ 39ನೇ ಓವರ್ನಲ್ಲಿ ಕ್ರಮವಾಗಿ 6,6,6,6,6,4 ಬಾರಿಸುವ ಮೂಲಕ ಶತಕ ಪೂರೈಸಿದರು. ಅಂತಿಮವಾಗಿ ಈ ಇನ್ನಿಂಗ್ಸ್ನಲ್ಲಿ 92 ಎಸೆತಗಳನ್ನು ಎದುರಿಸಿದ ಪಾಂಡ್ಯ 133 ರನ್ ಬಾರಿಸಿ ಔಟಾದರು. ಈ ಅದ್ಭುತ ಆಟದಲ್ಲಿ ಅವರು 8 ಬೌಂಡರಿ ಮತ್ತು 11 ಸಿಕ್ಸರ್ ಸಿಡಿಸಿದರು. ಹೀಗಾಗಿ ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿದ ಬರೋಡಾ ತಂಡ ನಿಗದಿತ 50 ಓವರ್ ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 293 ರನ್ ಪೇರಿಸಿತು.
