ರೈಲ್ವೇ ಪ್ರವಾಸೋದ್ಯಮಕ್ಕೆ ಹೊಸ ಆಯಾಮ ನೀಡಿದ ‘Garvi Gujarat’..!

ನವದೆಹಲಿ: ಭಾರತೀಯ ರೈಲ್ವೆ ಇಲಾಖೆ ಅಕ್ಟೋಬರ್ 1ರಿಂದ ದೆಹಲಿಯಿಂದ ‘ಗರ್ವಿ ಗುಜರಾತ್’ (Garvi Gujarat ) ಭಾರತ ಗೌರವ ಡೀಲಕ್ಸ್ ಎಸಿ ಪ್ರವಾಸಿ ರೈಲನ್ನು ಪ್ರಾರಂಭಿಸಲಿದ್ದು ರೈಲ್ವೇ ಪ್ರವಾಸೋದ್ಯಮಕ್ಕೆ ಹೊಸ ಆಯಾಮ ನೀಡಲಿದೆ.

ಭಾರತ ರೈಲ್ವೆಯ ಅಡಿಯಲ್ಲಿರುವ ಭಾರತೀಯ ರೈಲ್ವೆ ಕ್ಯಾಟರಿಂಗ್ ಮತ್ತು ಪ್ರವಾಸೋದ್ಯಮ ನಿಗಮ ಲಿಮಿಟೆಡ್ ( IRTC ) ಭಾರತ ಗೌರವ ಪ್ರವಾಸಿ ರೈಲುಗಳ ಮೂಲಕ ಭಾರತದ ಸಮೃದ್ಧ historical, cultural and spiritual heritage ಪ್ರದರ್ಶಿಸುವ ತನ್ನ ಉದ್ದೇಶವನ್ನು ಮುಂದುವರೆಸಿದೆ. ತನ್ನ ಪರಂಪರೆಯನ್ನು ಹೆಚ್ಚಿಸುತ್ತಾ, IRTC ಅಕ್ಟೋಬರ್ 1, 2024 ರಂದು ದೆಹಲಿಯಿಂದ “ಗರ್ವಿ ಗುಜರಾತ್” ಭಾರತ ಗೌರವ ಡೀಲಕ್ಸ್ ಎಸಿ ಪ್ರವಾಸಿ ರೈಲನ್ನು ಪ್ರಾರಂಭಿಸಲು ಸಿದ್ಧವಾಗಿದೆ. ಈ ವಿಶೇಷ ಪ್ರವಾಸವು ಪ್ರವಾಸಿಗರನ್ನು ವಡ್ನಗರದ ಪ್ರಾಚೀನ ಪಟ್ಟಣ ಮತ್ತು ದಿಯುವಿನ ರಮಣೀಯ ದ್ವೀಪ ಸೇರಿದಂತೆ ಗುಜರಾತಿನ ಅತ್ಯಂತ ಪ್ರಮುಖ ಆಧ್ಯಾತ್ಮಿಕ ಮತ್ತು ಸಾಂಸ್ಕೃತಿಕ ತಾಣಗಳ ಮೂಲಕ ಕೊಂಡೊಯ್ಯಲಿದೆ.

ಆರಾಮ ಮತ್ತು ಅತ್ಯುತ್ತಮ ಸೌಕರ್ಯಕ್ಕಾಗಿ ವಿನ್ಯಾಸಗೊಳಿಸಲಾಗಿರುವ “ಗರ್ವಿ ಗುಜರಾತ್” ಭಾರತ ಗೌರವ ಡೀಲಕ್ಸ್ ಎಸಿ ಪ್ರವಾಸಿ ರೈಲು ವಿವಿಧ ಆಧುನಿಕ ಸೌಲಭ್ಯಗಳನ್ನು ಪ್ರವಾಸಿಗರಿಗೆ ನೀಡುತ್ತದೆ. ಪ್ರಯಾಣಿಕರು ಎರಡು ಡೈನಿಂಗ್ ರೆಸ್ಟೋರೆಂಟ್‌ಗಳು, ಅತ್ಯಾಧುನಿಕ ಅಡುಗೆಮನೆ, ಶವರ್ ಕ್ಯೂಬಿಕಲ್‌ಗಳು, ಸೆನ್ಸಾರ್ ನಿರ್ವಹಿಸುವ ವಾಶ್‌ರೂಮ್‌ಗಳು ಮತ್ತು ಪಾದ ಮಾಲಿಶ್‌ಗಳನ್ನು ಆನಂದಿಸಬಹುದಾಗಿದೆ.  ಎಸಿ I, ಎಸಿ II ಮತ್ತು ಎಸಿ III ವರ್ಗದ  ಸಂಪೂರ್ಣವಾಗಿ ಹವಾ ನಿಯಂತ್ರಿತ ಕೋಚ್‌ಗಳೊಂದಿಗೆ, ರೈಲು ಸಿಸಿಟಿವಿಯೊಂದಿಗೆ ಸುರಕ್ಷಿತ ಪ್ರಯಾಣವನ್ನು ಖಚಿತಪಡಿಸುತ್ತದೆ.  ಕ್ಯಾಮೆರಾಗಳು ಮತ್ತು ಆನ್‌ಬೋರ್ಡ್ ಭದ್ರತೆ ಯೊಂದಿಗೆ  ರೈಲು 150 ಪ್ರಯಾಣಿಕರನ್ನು ಕೊಂಡೊಯ್ಯಲಿದೆ .  ದೆಹಲಿ ಸಫ್ದರ್ಜಂಗ್, ಗುರುಗ್ರಾಮ್, ರೇವಾರಿ, ರಿಂಗಾಸ್, ಫುಲೇರಾ ಮತ್ತು ಅಜ್ಮೇರ್ ರೈಲು ನಿಲ್ದಾಣಗಳಲ್ಲಿ ಹತ್ತುವಿಕೆ ಮತ್ತು ಇಳಿಯುವ ವ್ಯವಸ್ಥೆಇದೆ.

10 ದಿನಗಳವರೆಗೆ, ಈ ಆಧ್ಯಾತ್ಮಿಕ ಪ್ರವಾಸವು ಪ್ರವಾಸಿಗರನ್ನು ಸೋಮನಾಥ, ನಾಗೇಶ್ವರ ಜ್ಯೋತಿರ್ಲಿಂಗ, ದ್ವಾರಕಾಧೀಶ್ ದೇವಾಲಯ ಮತ್ತು ಪಾವಗಢದ ಮಹಾಕಾಳಿ ದೇವಾಲಯದಂತಹ ಪ್ರತಿಷ್ಠಿತ ದೇವಾಲಯಗಳಿಗೆ ಕೊಂಡೊಯ್ಯುತ್ತದೆ. ಹೆಚ್ಚುವರಿಯಾಗಿ, ಪ್ರವಾಸಿಗರು ಕೀರ್ತಿ ತೋರಣ (ವಡ್ನಗರ), ಮೋಧರಾ ಸೂರ್ಯ ದೇವಾಲಯ, ರಾಣಿ ಕಿ ವಾವ್ ಮತ್ತು ದಿಯು ಕೋಟೆಯಂತಹ historical landmarks ಗಳನ್ನು  ಪ್ಅರವಾಸಿಗರು ಅನ್ವೇಷಿಸಲಿದ್ದಾರೆ.

ಗಾಂಧೀ ಜಯಂತಿಯ ಗೌರವವಾಗಿ ಸಬರಮತಿ ಆಶ್ರಮ ಮತ್ತು ಅಕ್ಷರಧಾಮ್ ದೇವಾಲಯವನ್ನು ಭೇಟಿ ಮಾಡಲು ಪ್ರವಾಸಿಗರಿಗೆ ಅವಕಾಶಗಳು ಈ ವಿಶೇಷ ರೈಲಲ್ಲಿ ಪ್ರವಾಸಿಗರಿಗೆ ಸಿಗಲಿದೆ. ರಾಷ್ಟ್ರ ರಾಜಧಾನಿ ನವದೆಹಲಿಯಿಂದ ಆರಂಬವಾಗಿ  ರೈಲು ಮೋಧರಾ- ಪಾಟ್ನದಲ್ಲಿ  ಅದ್ಭುತ ಮೋಧರಾ ಸೂರ್ಯ ದೇವಾಲಯ, ರಾಣಿ ಕಿ ವಾವ್ ಮತ್ತು ಸಹಸ್ರಲಿಂಗ ದತ್ತ ಹೋಗುತ್ತದೆ. ಮುಂದಿನ ತಾಣವಾದ ವಡ್ನಗರವು ಹಟ್ಕೇಶ್ವರ ದೇವಾಲಯ, ಕೀರ್ತಿ ತೋರಣ, ಶರ್ಮಿಷ್ಠಾ ಸರೋವರ ಮತ್ತು ಪ್ರಸಿದ್ಧ ವಡ್ನಗರ ರೈಲು ನಿಲ್ದಾಣವನ್ನು ಭೇಟಿ ಮಾಡಲು ಅವಕಾಶ  ಕಲ್ಪಿಸಲಾಗಿದೆ.

ಪ್ರವಾಸವನ್ನು ಮುಂದುವರಿಸಿ, ರೈಲು ವಡೋದರಾದಲ್ಲಿ ನಿಲ್ಲುತ್ತದೆ, ಅಲ್ಲಿ ಪ್ರವಾಸಿಗರು ಪಾವಗಢ ಬೆಟ್ಟಗಳಲ್ಲಿರುವ ಮಹಾಕಾಳಿ ದೇವಾಲಯ ಮತ್ತು ಯುನೆಸ್ಕೋ ವಿಶ್ವ ಹೆರಿಟೇಜ್ ತಾಣವಾದ ಚಾಂಪನೇರ್-ಪಾವಗಢ ಪುರಾತತ್ವ ಉದ್ಯಾನವನ್ನು ಭೇಟಿ ಮಾಡಬಹುದು. ಸಾಹಸವು ಅಲ್ಲಿಗೆ ಮುಗಿಯುವುದಿಲ್ಲ – ಮುಂದಿನದು ಕೇವಡಿಯಾ, ವಿಶ್ವದ ಅತಿ ಎತ್ತರದ ಪ್ರತಿಮೆಯಾದ ಪ್ರತಿಷ್ಠಿತ ಏಕತೆಯ ಪ್ರತಿಮೆಯ ನೆಲೆಯಾಗಿದೆ. ಕೇವಡಿಯಾದ ನಂತರ, ಪ್ರಯಾಣವು ಸೋಮನಾಥಕ್ಕೆ ಹೋಗುತ್ತದೆ, ಅಲ್ಲಿ ಪ್ರಯಾಣಿಕರು ಪೂಜ್ಯ ಸೋಮನಾಥ ದೇವಾಲಯ ಮತ್ತು ಶಾಂತ ಸೋಮನಾಥ ಬೀಚ್ ಅನ್ನು ಭೇಟಿ ಮಾಡುತ್ತಾರೆ.

ಅಲ್ಲಿಂದ ಪ್ರವಾಸಿಗರಿಗೆ ಮುಂದಿನ  ತಾಣ  ದಿಯು ಕೋಟೆ, INS ಖುಕ್ರಿ ಮತ್ತು ಅದರ ಶಾಂತ ಬೀಚ್‌ಗಳನ್ನು ಅನ್ವೇಷಿಸುವಾಗ ಅದ್ಭುತ ದೃಶ್ಯಗಳನ್ನು ಕಣ್ತುಂಬಿಕೊಳ್ಳುವ  ಭರವಸೆ ನೀಡುತ್ತದೆ.  ಅಂತಿಮ ನಿಲ್ದಾಣ ದ್ವಾರಕಾ. ಅಲ್ಲಿ ಪ್ರಯಾಣಿಕರು ದ್ವಾರಕಾಧೀಶ್ ದೇವಾಲಯ, ನಾಗೇಶ್ವರ ಜ್ಯೋತಿರ್ಲಿಂಗ ಮತ್ತು ಬೇಟ್ ದ್ವಾರಕಾವನ್ನು ಭೇಟಿ  ಮಾಡಿ ದೆಹಲಿಗೆ ಹಿಂದಿರುಗುತ್ತಾರೆ. ಈ ಸಾಹಸಮಯ ರೈಲ್ವೇ ಯಾತ್ರೆ  ಸುಮಾರು 3,500 ಕಿಲೋಮೀಟರ್‌ಗಳಷ್ಟು ವಿಸ್ಮಯಕಾರಿ ದೃಶ್ಯಗಳನ್ನು ಒಳಗೊಂಡಿದೆ.

ಆರಂಭದಿಂದಲೂ  ಭಾರತ ಗೌರವ ಪ್ರವಾಸಿ ರೈಲು ಯೋಜನೆಯು ಭಾರತದಾದ್ಯಂತ ಪ್ರವಾಸೋದ್ಯಮವನ್ನು ಪ್ರೋತ್ಸಾಹಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದೆ. ಕಳೆದ ಮೂರು ವರ್ಷಗಳಲ್ಲಿ, 180ಕ್ಕೂ ಹೆಚ್ಚು ಭಾರತ ಗೌರವ ರೈಲುಗಳು 24 ರಾಜ್ಯಗಳನ್ನು ಪ್ರಯಾಣಿಸಿ, 80,000ಕ್ಕೂ ಹೆಚ್ಚು ಪ್ರಯಾಣಿಕರನ್ನು ಸ್ವಾಗತಿಸಿವೆ.

ಕೆಲವು ಗಮನಾರ್ಹ ಮಾರ್ಗಗಳು ಮತ್ತು ಸರ್ಕ್ಯೂಟ್‌ಗಳು ಇವುಗಳನ್ನು ಒಳಗೊಂಡಿವೆ:

ಭಾರತ ನೇಪಾಳ ಮೈತ್ರಿ ಯಾತ್ರೆ
ಶ್ರೀ ರಾಮಾಯಣ ಯಾತ್ರೆ
ಚಾರ್ ಧಾಮ್ ಯಾತ್ರೆ
ಬೌದ್ಧ ಸರ್ಕ್ಯೂಟ್ ಪ್ರವಾಸಿ ರೈಲು
ಬಾಬಾ ಸಾಹೇಬ್ ಅಂಬೇಡ್ಕರ್ ಯಾತ್ರೆ
7 ಜ್ಯೋತಿರ್ಲಿಂಗ ಯಾತ್ರೆ
ದಿವ್ಯ ದಕ್ಷಿಣ ದರ್ಶನ ಯಾತ್ರೆ
ಪುರಿ ಗಂಗಾ ಸಾಗರ ಭವ್ಯ ಕಾಶಿ ಯಾತ್ರೆ
ಜೈನ್ ಯಾತ್ರೆ ಭಾರತ ಗೌರವ ಪ್ರವಾಸಿ ರೈಲು
ಪುರಿ-ಕೋಲ್ಕತ್ತಾ ಗಂಗಾ ಸಾಗರ ಯಾತ್ರೆ