ಮಂಗಳೂರು ಜನವರಿ 19: ವಾಟ್ಸಪ್ ನಲ್ಲಿ ಬಂದ ನಕಲಿ ಷೇರು ಮಾರುಕಟ್ಟೆ ಸಂಬಂಧಿಸಿದ ಲಿಂಕ್ ನ್ನು ಕ್ಲಿಕ್ ಮಾಡಿ ಅವರ ಹೇಳಿದಂತೆ ಹಣ ವರ್ಗಾವಣೆ ಮಂಗಳೂರಿನ ಯುವ ಉದ್ಯಮಿಯೊಬ್ಬ ಬರೋಬ್ಬರಿ 1 ಕೋಟಿಗೂ ಅಧಿಕ ಹಣ ಕಳೆದುಕೊಂಡಿದ್ದಾರೆ.
ಪೊಲೀಸರಿಗೆ ನೀಡಿದ ದೂರಿನ ಪ್ರಕಾರ ಯುವಕನ ಮೊಬೈಲ್ ಗೆ ದಿನಾಂಕ 15-12-2025 ರಂದು ಯಾರೋ ರಿಶಿತಾ ಎಂಬ ಅಪರಿಚಿತ ವ್ಯಕ್ತಿ 9205298139 ನೇ ವಾಟ್ಸಾಫ್ ನಂಬ್ರದಿಂದ ಯುವಕನ ಕಂಪನಿಯ Carpets & Home decorative items ಬೇಕೆಂದು ವಾಟ್ಸಪ್ ಮೇಸೆಜ್ ಮಾಡಿರುತ್ತಾರೆ. ಅದರಂತೆ ಯುವ ಉದ್ಯಮಿ
ಯುವ ಉದ್ಯಮಿ ತಮ್ಮ ಕಂಪನಿಯ Carpets & Home decorative items ನ ಫೋಟೊವನ್ನು ಸದ್ರಿ ನಂಬರ್ ಗೆ ವಾಟ್ಸಾಪ್ ಮಾಡಿರುತ್ತಾರೆ. 2 ದಿನಗಳ ನಂತರ ಆನ್ ಲೈನ್ ಶೇರು ಮಾರುಕಟ್ಟೆಯ ಬಗ್ಗೆ ವಾಟ್ಸಾಪ್ ಮೇಸೆಜ್ ಗಳನ್ನು ಕಳುಹಿಸಿ, ಶೇರು ಮಾರುಕಟ್ಟೆಯಲ್ಲಿ ಹಣ ಹೂಡಿಕೆ ಮಾಡಿದರೆ ಹೆಚ್ಚಿನ ಲಾಭಾಂಶ ಬರುವುದಾಗಿ ಯುವ ಉದ್ಯಮಿ ಗೆ ವಾಟ್ಸಾಪ್ ಮೇಸೆಜ್ ಗಳನ್ನು ಕಳುಹಿಸುತ್ತಿದ್ದು, ಪ್ರೇರೆಪಿತರಾದ ಯುವ ಉದ್ಯಮಿ ಶೇರು ಮಾರುಕಟ್ಟೆಗೆ ಹಣ ಹೂಡಿಕೆ ಮಾಡಲು ಒಪ್ಪಿ ಅವರು ಕಳುಹಿಸಿದ https://m.omnifxpro.top/ ಲಿಂಕ್ ನ್ನು ಒತ್ತಿ ಹೆಸರು ವಿಳಾಸ ನಮೂದು ಮಾಡಿಕೊಂಡು, ಅವರು ತಿಳಿಸಿದ ಬ್ಯಾಂಕ್ ಖಾತೆಗಳಿಗೆ ದಿನಾಂಕ 17-12-2025 ರಿಂದ 14-01-2026 ರವರೆಗೆ ರೂ 1,38,20,060/- ಹಣವನ್ನು RTGS & NEFT ಮುಖೇನಾ ಹಣ ವರ್ಗಾವಣೆ ಮಾಡಿದ್ದಾರೆ.
ದಿನಾಂಕ 15-01-2026 ರಂದು ಹೂಡಿಕೆ ಮಾಡಿದ ಹಣ ಹಾಗೂ ಲಾಭಾಂಶ ಪಡೆದ ಹಣವನ್ನು ವಿತ್ ಡ್ರಾ ಮಾಡಲು ಸದ್ರಿ ಅಪರಿಚಿತ ವ್ಯಕ್ತಿಯನ್ನು ಕೇಳಿದಾಗ, ಸದ್ರಿ ಅಪರಿಚಿತ ವ್ಯಕ್ತಿಗಳು ವಿತ್ ಡ್ರಾ ಮಾಡಲು ಸರ್ವೀಸ್ ಟ್ಯಾಕ್ಸ್ ಪಾವತಿಸುವಂತೆ ಒತ್ತಾಯಿಸಿದ್ದಾರೆ. ಈ ವೇಳೆ ಅನುಮಾನಗೊಂಡು ಯಾವುದೇ ಹಣವನ್ನು ಪುನಃ ಹೂಡಿಕೆ ಮಾಡಿರುವುದಿಲ್ಲ. ನಂತರ ತನ್ನ ಸ್ನೇಹಿತರಲ್ಲಿ ವಿಚಾರಿಸಿದಾಗ ತಾನು ಮೋಸ ಹೋಗಿರುವ ವಿಚಾರ ತಿಳಿದಿರುತ್ತದೆ. ಈ ರೀತಿಯಾಗಿ ರಿಶಿತಾ ಎಂಬ ಯಾರೋ ಅಪರಿಚಿತ ವ್ಯಕ್ತಿ ಶೇರ್ ಮಾರ್ಕೆಟಿಂಗ್ ಇನ್ ವೆಸ್ಟ್ ಮೆಂಟ್ ಹೆಸರಿನಲ್ಲಿ ಆನ್ ಲೈನ್ ಮೂಲಕ ಮೋಸದಿಂದ ರೂ 1,38,20,060/-ಹಣವನ್ನು ವರ್ಗಾಯಿಸಿಕೊಂಡು ಆನ್ ಲೈನ್ ವಂಚನೆ ಮಾಡಿದವರ ವಿರುದ್ದ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಬೇಕೆಂದು ದೂರು ನೀಡಿದ್ದಾರೆ