ದಾಖಲೆ ಬೆಲೆಯತ್ತ ನುಗ್ಗೆಕಾಯಿ…. ಕೆ.ಜಿ.ಗೆ 400 ರೂಪಾಯಿ…….!

ದಾಖಲೆ ಬೆಲೆಯತ್ತ ನುಗ್ಗೆಕಾಯಿ…. ಕೆ.ಜಿ.ಗೆ 400 ರೂಪಾಯಿ…….!

ಮಂಗಳೂರು ಡಿ.16: ಮಂಗಳೂರು ತರಕಾರಿ ಮಾರುಕಟ್ಟೆಯಲ್ಲಿ ಈಗ ನುಗ್ಗೆಕಾಯಿ ದರ ದಾಖಲೆ ಬರೆದಿದೆ. ಒಂದು ಕೆಜಿ ನುಗ್ಗೆಕಾಯಿ ಈಗ 400 ರೂಪಾಯಿ ಆಗಿದ್ದು, ಈರುಳ್ಳಿ ನಂತರ ತರಕಾರಿಯಲ್ಲಿ ಅತಿ ಹೆಚ್ಚು ಬೆಲೆಗೆ ನುಗ್ಗೆಕಾಯಿ ಮಾರಾಟವಾಗುತ್ತಿದೆ.

ಹೊರ ರಾಜ್ಯಗಳಿಂದ ಬರುವ ನುಗ್ಗೆಕಾಯಿ ಪ್ರಮಾಣ ತೀವ್ರ ಕುಸಿತ ಕಂಡ ಪರಿಣಾಮ ನುಗ್ಗೆಕಾಯಿ ದರ ಏಕಾಏಕಿ ಗಗನಕ್ಕೇರಿದೆ. ಕಳೆದ ಕೆಲವು ದಿನಗಳಿಂದ ಏರಿಕೆಯತ್ತ ಸಾಗಿದ್ದ ನುಗ್ಗೆಕಾಯಿ ಧಾರಣೆ ಈಗ ಒಂದೇ ಸಮನೆ ದಾಖಲೆ ಬೆಲೆಗೆ ಏರಿಕೆಯಾಗಿದ್ದು, ಗ್ರಾಹಕರನ್ನು ಕಂಗೆಡಿಸಿದೆ. ಒಂದು ನುಗ್ಗೆಕಾಯಿಗೆ ಅಂದಾಜು 80 ರಿಂದ 90 ರೂಪಾಯಿ ಬೆಲೆ ಬಾಳುತ್ತದೆ.