ಜೋಧ್ಪುರ್, ಸೆಪ್ಟೆಂಬರ್ 19: ಎರಡನೇ ಮಹಡಿಯಲ್ಲಿ ಯುವಕನೊಬ್ಬ ನೀರು ಕುಡಿಯುತ್ತಾ ಹಿಂದಕ್ಕೆ ಹೆಜ್ಜೆ ಇಟ್ಟ ವೇಳೆ ಬಾಲ್ಕನಿಯಿಂದ ಕೆಳಗೆ ಬಿದ್ದ ಘಟನೆ ರಾಜಸ್ಥಾನದ ಜೋಧ್ ಪುರದಲ್ಲಿ ನಡೆದಿದ್ದು, ಯುವಕನ ಕಾಲುಗಳಿಗೆ ಗಂಭೀರ ಗಾಯಗಳಾಗಿದೆ ಎಂದು ತಿಳಿದು ಬಂದಿದೆ. ಘಟನೆಯ ಸಿಸಿಟಿವಿ ವಿಡಿಯೋ ವೈರಲ್ ಆಗಿದೆ.
ಯುವಕನನ್ನು ನಜೀರ್ ಎಂದು ಗುರುತಿಸಲಾಗಿದೆ. ಪಾನ್ ಅಂಗಡಿ ಮತ್ತು ಜವಳಿ ಅಂಗಡಿಯನ್ನು ಹೊಂದಿರುವ ಕಟ್ಟಡದ ಮೇಲಿನ ಮಹಡಿಯಲ್ಲಿ ಕೆಲಸ ಮಾಡುತ್ತಿದ್ದರು. ಸೆಪ್ಟೆಂಬರ್ 9 ರಂದು ಸಂಜೆ 4:30 ರ ಸುಮಾರಿಗೆ ನೀರು ಕುಡಿಯುತ್ತಿದ್ದಾಗ, ಅವರು ಬಾಲ್ಕನಿಯಿಂದ ಜಾರಿ ಬಿದ್ದಿದ್ದಾರೆ ಎಂದು ವರದಿಯಾಗಿದೆ.
ಘಟನೆಯ ಸಿಸಿಟಿವಿ ವಿಡಿಯೋ ಈಗ ವೈರಲ್ ಆಗಿದ್ದು. ನಜೀರ್ ನೀರಿನ ಬಾಟಲಿ ಹಿಡಿದುಕೊಂಡು ಹಿಂದೆ ಹೆಜ್ಜೆ ಇಟ್ಟಿದ್ಜಾರೆ. ಈ ವೇಳೆ ಸಮತೋಲನ ತಪ್ಪಿ ಬಾಲ್ಕನಿಯಿಂದ ಹಿಂದಕ್ಕೆ ಬಿದ್ದಿದ್ದಾರೆ.
