ಬೆಂಗಳೂರು, ನವೆಂಬರ್ 15 :ದೀಪಾವಳಿಯ ತೈಲ ಅಭ್ಯಂಜನದ ಬಳಿಕ ವಿದ್ಯಾರ್ಥಿಗಳೊಂದಿಗೆ ತೋಳ್ಬಲ ಪ್ರದರ್ಶನಕ್ಕಿಳಿದ ಪೇಜಾವರ ಶ್ರೀ ವಿಶ್ವ ಪ್ರಸನ್ನ ತೀರ್ಥ ಶ್ರೀಪಾದರು, ತಮ್ಮ 56 ರ ಪ್ರಾಯದಲ್ಲೂ 25 ವರ್ಷ ವಯಸ್ಸಿನ ಯುವಕನನ್ನು ಮಣಿಸಿದ್ದಾರೆ..!
ಕುಶಲೋಪರಿಗಾಗಿ ನಡೆದ ಕೈ ಬಲ ಪ್ರದರ್ಶನ ವಿದ್ಯಾರ್ಥಿಗಳಿಗೆ ರೋಮಾಂಚನ ಉಂಟು ಮಾಡಿದ್ದು, ಯುವಕರ ವಯಸ್ಸಿಗಿಂತ ದುಪ್ಪಟ್ಟು ವಯಸ್ಸಿನ ಶ್ರೀಗಳು ವಿದ್ಯಾರ್ಥಿಗಳನ್ನು ಸೋಲಿಸಿದ್ದಾರೆ.
ಬೆಂಗಳೂರಿನ ಪೂರ್ಣ ಪ್ರಜ್ಞ ವಿದ್ಯಾಪೀಠದಲ್ಲಿ ದೀಪಾವಳಿಯ ಎಣ್ಣೆಶಾಸ್ತ್ರ ಮುಗಿಸಿದ ಶ್ರೀಗಳು ದೀಪಾವಳಿ ಆಚರಣೆ ಮಾಡಿದ್ದರು. ಈ ವೇಳೆ ಎಣ್ಣೆಸ್ನಾನಕ್ಕೆ ತೈಲ ಹಚ್ಚಿಕೊಂಡಿದ್ದ ಶ್ರೀಗಳು, ವಿದ್ಯಾರ್ಥಿಗಳ ಜತೆ ಕೈ ಬಲ ಪ್ರದರ್ಶನಕ್ಕೆ ತೊಡಗಿದ್ದರು.
ಶ್ರೀವಿಶ್ವಪ್ರಸನ್ನ ತೀರ್ಥ ಶ್ರೀಪಾದರು ಒಬ್ಬ ಶ್ರೇಷ್ಠ ಯೋಗ ಪಟು, ಜಲ ಪಟು. ಶ್ರೀವಿಶ್ವಪ್ರಸನ್ನ ತೀರ್ಥರು ಶಾಸ್ತ್ರ ಪಾಠ ಓದುವ ಮಕ್ಕಳೊಂದಿಗೆ ದೀಪಾವಳಿ ಆಚರಿಸಿದ್ದಾರೆ.
ಈ ಹಿಂದೊಮ್ಮೆ ದೀಪಾವಳಿ ಸಂದರ್ಭದಲ್ಲಿ ಶ್ರೀಕೃಷ್ಣ ಮಠದಲ್ಲಿ ಪೇಜಾವರ ಶ್ರೀಗಳು ಹಾಗೂ ಸೋದೆ ಶ್ರೀವಿಶ್ವವಲ್ಲಭ ತೀರ್ಥ ಶ್ರೀಪಾದರು ಕಬಡ್ಡಿ ಕುಶಾಲು ನಡೆಸಿದ್ದರು. ಗುರುಗಳಿಬ್ಬರ ಕಬಡ್ಡಿ ಪಂದ್ಯಾಟವನ್ನು ವೀಕ್ಷಿಸಿದ ಶಿಷ್ಯ ವೃಂದ ಚಪ್ಪಾಳೆಯೊಂದಿಗೆ ಹುರಿದುಂಬಿಸಿದ್ದರು.