ಐಡಿಯಲ್ ಐಸ್ ಕ್ರೀಂ ಗೆ ಮನಸೋತ ಉಪಮುಖ್ಯಮಂತ್ರಿ ಅಶ್ವತ್ ನಾರಾಯಣ

ಐಡಿಯಲ್ ಐಸ್ ಕ್ರೀಂ ಗೆ ಮನಸೋತ ಉಪಮುಖ್ಯಮಂತ್ರಿ ಅಶ್ವತ್ ನಾರಾಯಣ

ಮಂಗಳೂರು ನವೆಂಬರ್ 1: ದಕ್ಷಿಣ ಕನ್ನಡ ಜಿಲ್ಲೆಗೆ ಆಗಮಿಸಿದ್ದ ರಾಜ್ಯ ಉಪಮುಖ್ಯಮಂತ್ರಿ ಡಾ‌. ಅಶ್ವತ್ ನಾರಾಯಣ ಅವರು ಕರಾವಳಿಯ ಮನೆ ಮಾತಾಗಿರುವ ಐಡಿಯಲ್ ಐಸ್ ಕ್ರೀಂ ಪಾರ್ಲರಿಗೆ ಭೇಟಿ ನೀಡಿ ಐಸ್‌ ಕ್ರೀಂ ಸವಿದಿದ್ದಾರೆ.

ನಗರದ ಹಂಪನ ಕಟ್ಟೆಯ ಜಿ ಹೆಚ್‌ಎಸ್ ರಸ್ತೆಯಲ್ಲಿರುವ ಐಡಿಯಲ್ ಐಸ್‌ ಕ್ರೀಂ ಪಾರ್ಲರಿಗೆ ಬಂಟ್ವಾಳ ಶಾಸಕ ರಾಜೇಶ್ ನಾಯಕ್, ಮಂಗಳೂರು ಉತ್ತರ ಶಾಸಕರಾದ ಡಾ. ವೈ ಭರತ್ ಶೆಟ್ಟಿ, ಬಿಜೆಪಿ ವಕ್ತಾರರಾದ ಹರಿಕೃಷ್ಣ ಬಂಟ್ವಾಳ್ ಮತ್ತಿತರೊಂದಿಗೆ ಆಗಮಿಸಿದ ಉಪ ಮುಖ್ಯಮಂತ್ರಿಗಳು ಐಸ್ ಕ್ರೀಂ ಸವಿದರು.

ಈ ಸಂದರ್ಭದಲ್ಲಿ ಐಡಿಯಲ್‌ ಐಸ್‌ ಕ್ರೀಂ ಮಾಲಿಕರಾದ ಮುಕುಂದ್ ನಾಯಕ್ ಉಪಸ್ಥಿತರಿದ್ದರು. ಈ ಸಂದರ್ಭದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಡಾ, ಅಶ್ವತ್ ನಾರಾಯಣ್ ಐಡಿಯಲ್ ಐಸ್‌ ಕ್ರೀಂ ದೊಂದಿಗೆ ಹಳೇ ಬಾಂಧಾವ್ಯವನ್ನು ಮೆಲುಕು ಹಾಕಿದರು. ತಮ್ಮ ಕಾಲೇಜು ದಿನಗಳಲ್ಲಿ ಐಡಿಯಲ್ ಐಸ್‌ ಕ್ರೀಂ ಸವಿಯಲು ಬರುತ್ತಿದ್ದದನ್ನು ನೆನಪಿಸಿಕೊಂಡರು.