ಕೇರಳ ಡಿಸೆಂಬರ್ 02: ಇತ್ತೀಚೆಗೆ ರಾಷ್ಟ್ರೀಯ ಸುದ್ದಿಯಾಗಿದ್ದ ಕೊಲ್ಲಂ 6 ವರ್ಷದ ಬಾಲಕಿ ಅಪಹರಣ ಪ್ರಕರಣಕ್ಕೆ ಸಂಬಂದಿಸಿದಂತೆ ಇದೀಗ ಪೊಲೀಸರು ಪ್ರಮುಖ ಆರೋಪಿಗಳನ್ನು ಬಂಧಿಸಿದ್ದಾರೆ.
ಬಂಧಿತರನ್ನು ಚತ್ತನ್ನೂರಿನ ಕೆ.ಆರ್.ಪದ್ಮಕುಮಾರ್ (52), ಅವರ ಪತ್ನಿ ಅನಿತಾ (48) ಮತ್ತು ಅವರ ಪುತ್ರಿ ಅನುಪಮಾ (21) ಬಂಧಿತ ಆರೋಪಿಗಳು. ಅದರಲ್ಲಿ ಅವರ ಮಗಳು ಅನುಪಮಾ ಯೂಟ್ಯೂಬರ್ ಆಗಿದ್ದು ಲಕ್ಷಾಂತರ ಸಬ್ ಸ್ಕೈಬರ್ ಗಳನ್ನು ಹೊಂದಿದ್ದಾಳೆ.
ಕೊಲ್ಲಂನ ಉಪನಗರದ ಪೂಯಪ್ಪಲ್ಲಿ ಬಳಿಯ ಓಯೂರ್ ಮೂಲದ ಅಬಿಗೈಲ್ ಸಾರಾ ರೆಜಿ ಎಂಬ ಬಾಲಕಿಯನ್ನು ಅಪಹರಿಸಲಾಗಿದ್ದು, ಅಪಹರಣಕಾರರು ಫೋನ್ ಮೂಲಕ 10 ಲಕ್ಷ ರೂ ಹಣ ಬೇಡಿಕೆ ಇಟ್ಟಿದ್ದರು. ಆದರೆ ಪೊಲೀಸರು ಅಪಹರಣಕಾರರಿಗಾಗಿ ತೀವ್ರ ಶೋಧ ನಡೆಸಿದ ಮರುದಿನವೇ ಅಪಹರಣಕಾರರು ಮಗುವನ್ನು ಕೊಲ್ಲಂನ ಆಶ್ರಮದಲ್ಲಿ ಬಾಲಕಿಯನ್ನು ಬಿಟ್ಟು ಹೋಗಿದ್ದರು.
ವೈಜ್ಞಾನಿಕ ಪುರಾವೆಗಳ ಹೊರತಾಗಿ, ಮಗು ನೀಡಿದ ವಿವರಗಳ ಆಧಾರದ ಮೇಲೆ ಆರೋಪಿಗಳ ಜೋಡಿಯ ನಿಖರವಾದ ರೇಖಾಚಿತ್ರಗಳು ಅಪರಾಧಿಗಳ ಪತ್ತೆಗೆ ಪೊಲೀಸರಿಗೆ ಸಹಾಯ ಮಾಡಿತು. ಇಂಜಿನಿಯರಿಂಗ್ ಪದವೀಧರರಾಗಿದ್ದ ಪದ್ಮಕುಮಾರ್ ವಿವಿಧ ವ್ಯವಹಾರಗಳನ್ನು ಹೊಂದಿದ್ದರು, ಆದರೆ ಕೋವಿಡ್ ನಂತರ ಪದ್ಮಕುಮಾರ್ ಅವರು 5 ಕೋಟಿ ರೂಪಾಯಿ ಸಾಲದಲ್ಲಿದ್ದರು ಎನ್ನಲಾಗಿದೆ. ಕೆಲವು ಬ್ಯಾಂಕ್ ಲಗತ್ತು ಪ್ರಕ್ರಿಯೆಗಳನ್ನು ತಪ್ಪಿಸಲು ಅವರಿಗೆ ತುರ್ತಾಗಿ 10 ಲಕ್ಷ ರೂ ಬೇಕಾಗಿತ್ತು. ಈ ಹಿನ್ನಲೆ ಅವರು ಮಗುವನ್ನು ಅಪಹರಿಸುವ ಕೆಲಸಕ್ಕೆ ಕೈಹಾಕಿದ್ದರು. ಪದ್ಮಕುಮಾರ್ ಪತ್ನಿ ಅನಿತಾ ಇದರ ಸೂತ್ರಧಾರಿಯಾಗಿರುವ ಶಂಕೆ ವ್ಯಕ್ತವಾಗಿತ್ತು. ದಂಪತಿಗಳು ಅದನ್ನು ಕಾರ್ಯಗತಗೊಳಿಸಿದರು ಮತ್ತು ಮಗಳು ಸಹ ಯೋಜನೆಯ ಭಾಗವಾಗಿದ್ದಳು ಎಂದು ಪೊಲೀಸರು ತಿಳಿಸಿದ್ದಾರೆ.