DAKSHINA KANNADA
ಪುತ್ತೂರು – ವಿಶ್ವಹಿಂದೂ ಪರಿಷತ್ ಕಾರ್ಯಕ್ರಮದಲ್ಲಿ ಕಾಂಗ್ರೇಸ್ ನಾಯಕರು
ಪುತ್ತೂರು ಅಕ್ಟೋಬರ್ 23: ವಿಶ್ವ ಹಿಂದೂ ಪರಿಷತ್ ಭೂಮಿ ಪೂಜೆಯಲ್ಲಿ ಕಾಂಗ್ರೇಸ್ ಶಾಸಕ ಸೇರಿದಂತೆ ಕಾಂಗ್ರೇಸ್ ನಾಯಕರು ಪಾಲ್ಗೊಂಡು ಅಚ್ಚರಿ ಮೂಡಿಸಿದ್ದಾರೆ. ದಕ್ಷಿಣಕನ್ನಡ ಜಿಲ್ಲೆಯ ಪುತ್ತೂರಿನ ಸಂಘ ಪರಿವಾರ ಕಛೇರಿಯ ಆವರಣದಲ್ಲಿ ವಿಎಚ್ ಪಿ ಯ ನೂತನ ಜಿಲ್ಲಾ ಕಾರ್ಯಾಲಯದ ಭೂಮಿ ಪೂಜೆ ಇಂದು ನೆರವೇರಿಸಲಾಯಿತು.
ಈ ಕಾರ್ಯಕ್ರಮದಲ್ಲಿ ಪುತ್ತೂರು ಕಾಂಗ್ರೇಸ್ ಶಾಸಕ ಅಶೋಕ್ ಕುಮಾರ್ ರೈ ಹಾಗೂ ಕಾಂಗ್ರೆಸ್ ನ ಮಾಜಿ ಶಾಸಕಿ ಶಕುಂತಲಾ ಶೆಟ್ಟಿ ಭಾಗಿಯಾಗಿದ್ದರು. ಬೇರೆ ಕಾರ್ಯಕ್ರಮದಲ್ಲಿ ತೆರಳುತ್ತಿದ್ದ ಸಂದರ್ಭದಲ್ಲಿ ವಿಎಚ್ ಪಿ ಕಛೇರಿ ಭೂಮಿ ಪೂಜೆಗೆ ಆಗಮಿಸಿದ್ದಾರೆ. ಕಾರಿನಿಂದ ಏಕಾಂಗಿಯಾಗಿ ಕಾರ್ಯಕ್ರಮದ ಸಬಾಂಗಣಕ್ಕೆ ಶಾಸಕ ಅಶೋಕ್ ರೈ ಆಗಮಿಸಿದ್ದರು. ಈ ವೇಳೆ ಅಶೋಕ್ ರೈ ಅವರನ್ನ ವಿಎಚ್ ಪಿ ಪುತ್ತೂರು ಜಿಲ್ಲಾ ಘಟಕದ ಮುಖಂಡರು ಆತ್ಮೀಯವಾಗಿ ಬರಮಾಡಿಕೊಂಡರು.
ಈ ವೇಳೆ ವಿಹಿಂಪ ರಾಷ್ಟ್ರೀಯ ನಾಯಕನ ಕಾಲಿಗೆ ಶಾಸಕ ಅಶೋಕ್ ರೈ ನಮಸ್ಕರಿಸಿದರು. ಅಶೋಕ್ ರೈ ಅವರ ಜೊತೆ ಯಾವುದೇ ಕಾಂಗ್ರೇಸ್ ಕಾರ್ಯಕರ್ತರು ಸಭಾಂಗಣಕ್ಕೆ ಬರಲಿಲ್ಲ.
