ಸಿಡ್ನಿ ಡಿಸೆಂಬರ್ 14: :ಆಸ್ಟ್ರೇಲಿಯಾದ ಪ್ರಸಿದ್ಧ ಬೊಂಡಿ ಬೀಚ್ನಲ್ಲಿ ಇಬ್ಬರು ಶೂಟರ್ ಗಳು ಮನಬಂದಂತೆ ಗುಂಡಿನ ದಾಳಿ ನಡೆಸಿ 12ಕ್ಕೂ ಅಧಿಕ ಮಂದಿಯನ್ನು ಹಲ್ಲೆ ಮಾಡಿದ ಘಟನೆ ನಡೆದಿದೆ.
ಸಿಡ್ನಿಯಲ್ಲಿ ಹನುಕ್ಕಾ ಎಂಬ ಎಂಟು ದಿನಗಳ ಕಾಲ ನಡೆಯುವ ಯಹೂದಿಗಳ ಹಬ್ಬ ಆರಂಭವಾಗುತ್ತಿರುವ ಹಿನ್ನೆಲೆ ಈ ಗುಂಡಿನ ದಾಳಿ ನಡೆದಿದೆ ಎನ್ನಲಾಗಿದೆ. ಆಸ್ಟ್ರೇಲಿಯಾ ಕಾಲಮಾನ ಸಂಜೆ 6:30ರ ಸುಮಾರಿಗೆ ನೂರಾರು ಜನರು ಹಬ್ಬವನ್ನು ಆಚರಿಸಲು ಕಡಲತೀರದಲ್ಲಿ ಜಮಾಯಿಸಿದ್ದರು. ಈ ವೇಳೆ ಬಂದೂಕುಧಾರಿಗಳು ಗುಂಡಿನ ದಾಳಿ ನಡೆಸಿದ್ದಾರೆ ಎಂದು ಖಾಸಗಿ ಮಾಧ್ಯಮಗಳು ವರದಿ ಮಾಡಿದೆ.
ಚನುಕ್ಕಾ ಬೈ ದಿ ಸೀ ಎಂಬ ಕಾರ್ಯಕ್ರಮದಲ್ಲಿ ಸುಮಾರು 2,000 ಯಹೂದಿ ಸಮುದಾಯದ ಸದಸ್ಯರು ಭಾಗವಹಿಸಿದ್ದರು. ಹಬ್ಬದ ಮೊದಲ ರಾತ್ರಿಯ ದೀಪ ಬೆಳಗುವ ಸಮಾರಂಭ ನಡೆಯುತ್ತಿದ್ದಾಗ, ಇಬ್ಬರು ಬಂದೂಕುಧಾರಿಗಳು ಜನರ ಮಧ್ಯೆ ನುಗ್ಗಿ ಏಕಾಏಕಿ ಗುಂಡಿನ ದಾಳಿ ನಡೆಸಿದ್ದಾರೆ. ಇಬ್ಬರು ಬಂದೂಕುಧಾರಿಗಳು ಗುಂಡು ಹಾರಿಸುತ್ತಿರುವುದು ಮತ್ತು ಹಲವಾರು ಮೃತದೇಹಗಳು ನೆಲದ ಮೇಲೆ ಬಿದ್ದಿರುವುದು. ಅವರನ್ನು ಸಂಬಂಧಿಕರು ಹಿಡಿದು ಗೋಗರೆಯುತ್ತಿರುವುದು ಎಕ್ಸ್ನಲ್ಲಿ ಹರಿದಾಡುತ್ತಿರುವ ವಿಡಿಯೋದಲ್ಲಿ ಕಂಡುಬಂದಿದೆ.
ಗುಂಡಿನ ದಾಳಿ ವೇಳೆ ವ್ಯಕ್ತಿಯೊಬ್ಬ ಬಂಧೂಕು ದಾರಿಯನ್ನು ಬರಿಗೈಯಲ್ಲೇ ಹಿಡಿದು ಆತನಿಂದ ಬಂದೂಕನ್ನು ಕಸಿದು, ಮತ್ತಷ್ಟು ಅನಾಹುತವಾಗದಂತೆ ತಡೆದಿದ್ದು, ಅದರ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.