ಭಟ್ರಕೆರೆ ಮಾರಣಾಂತಿಕ ಹಲ್ಲೆ ಪ್ರಕರಣ ಇಬ್ಬರ ಬಂಧನ

ಭಟ್ರಕೆರೆ ಮಾರಣಾಂತಿಕ ಹಲ್ಲೆ ಪ್ರಕರಣ ಇಬ್ಬರ ಬಂಧನ

ಮಂಗಳೂರು ನವೆಂಬರ್ 4: ಅಕ್ಟೋಬರ್ 29 ರಂದು ಭಟ್ರಕೆರೆ ಪಡೀಲ್ ನಲ್ಲಿ ನಡೆದ ಮಾರಣಾಂತಿಕ ಹಲ್ಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಇಬ್ಬರು ಆರೋಪಿಗಳನ್ನು ಬಂಧಿಸುವಲ್ಲಿ ಮಂಗಳೂರು ಪೊಲೀಸರು ಯಶಸ್ವಿಯಾಗಿದ್ದಾರೆ.

ಬಂಧಿತರನ್ನು ಮಂಗಳೂರು ನಿವಾಸಿಗಳಾದ ಸುದರ್ಶನ ಮತ್ತು ಜೀವನ್ ಎಂದು ಗುರುತಿಸಲಾಗಿದೆ.

ದಿನಾಂಕ 29.10.2018 ರಂದು ಮೊಹಮ್ಮದ್ ಉಬೈದುಲ್ಲಾ ಎಂಬವರು ಮಂಗಳೂರು ತಾಲೂಕು, ಪಡುಪೆರಾರ ಗ್ರಾಮದ, ಭಟ್ರಕೆರೆ ಪಡೀಲ್ ಎಂಬಲ್ಲಿರುವ ತನ್ನ ಜನರಲ್ ಸ್ಟೋರ್ ಅಂಗಡಿಯಲ್ಲಿದ್ದ ಸಮಯ ಸುಮಾರು ಸಂಜೆ 4:50 ಗಂಟೆಗೆ ಬೈಕಿನಲ್ಲಿ ಬಂದ ಇಬ್ಬರು ಯುವಕರು ಮಾರಕಾಯುಧದಿಂದ ಮರಣಾಂತಿಕ ಹಲ್ಲೆಯನ್ನು ನಡೆಸಿದ್ದರು.

ಪ್ರಕರಣದ ಆರೋಪಿಗಳ ಪತ್ತೆಯಲ್ಲಿರುವ ಸಮಯ ಬಂದ ಖಚಿತ ಮಾಹಿತಿಯಂತೆ ಈ ಕೆಳಕಂಡ ಆರೋಪಿಗಳನ್ನು ದಸ್ತಗಿರಿ ಮಾಡಲಾಗಿರುತ್ತದೆ. ಸದ್ರಿ ಆರೋಪಿಗಳನ್ನು ಮಾನ್ಯ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದೆ.