ನವದೆಹಲಿ ಫೆಬ್ರವರಿ 19: ಸೆಕ್ಸ್ ಗೆ ನಿರಾಕರಿಸಿದ ಕಾರಣಕ್ಕೆ MBA ಪದವಿ ವ್ಯಾಸಂಗ ಮಾಡುತ್ತಿದ್ದ ಪ್ರೇಯಸಿಯನ್ನು ಕತ್ತು ಸೀಳಿ ಕೊಲೆ ಮಾಡಿದ ಆರೋಪಿ, ಮಾಧ್ಯಮಗಳ ಮುಂದೆ ಬಂದು ಸ್ಟೈಲ್ ಆಗಿ ‘ಆಗಿದ್ದಾಯ್ತು ಬಿಡಿ.. ಏನ್ ಮಾಡೋಕ್ ಆಗುತ್ತೆ’ ಎಂದು ತಾನು ಮಾಡಿರುವ ಕೊಲೆಯನ್ನು ಸಮರ್ಥಿಸಿಕೊಂಡಿದ್ದಾನೆ. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಮಧ್ಯ ಪ್ರದೇಶದ ಇಂದೋರ್ ನಲ್ಲಿ ನಡೆದಿದ್ದ ಲೈಂಗಿಕ ಕ್ರಿಯೆಗೆ ನಿರಾಕರಿಸಿದ ಪ್ರೇಯಸಿಯನ್ನು ವ್ಯಕ್ತಿಯೋರ್ವ ಚಾಕು ಮುರಿಯುವವರೆಗೂ ಇರಿದು ಹತ್ಯೆ ಮಾಡಿದ್ದ ಪ್ರಕರಣ ಮತ್ತೆ ವ್ಯಾಪಕ ಚರ್ಚೆಗೆ ಗ್ರಾಸವಾಗಿದ್ದು, ಹತ್ಯೆಗಿಂತಲೂ ಧಾರುಣ ಎಂದರೆ ಹತ್ಯೆ ಬಳಿಕ ಆರೋಪಿ ನಡೆದುಕೊಂಡ ವರ್ತನೆ ಇದೀಗ ವ್ಯಾಪಕ ಚರ್ಚೆಗೆ ಕಾರಣವಾಗುತ್ತಿದೆ.
ಈ ಭೀಕರ ಹತ್ಯೆ ಬಳಿಕ ಪೊಲೀಸರು ಆರೋಪಿ ಪಿಯೂಷ್ ಧಮ್ನೋಟಿಯಾ ನನ್ನು ಬಂಧಿಸಿದ್ದು ಪೊಲೀಸ್ ಠಾಣೆಗೆ ಎಳೆದೊಯ್ದಿದ್ದಾರೆ. ಈ ವೇಳೆ ಠಾಣೆ ಬಳಿ ಪತ್ರಕರ್ತರಿಗೆ ಎದುರಾದ ಆರೋಪಿಯನ್ನು ಸುದ್ದಿಗಾರರು ಪ್ರಶ್ನೆ ಕೇಳಿದ್ದು, ಈ ವೇಳೆ ಆತ ನೀಡಿದ ಉತ್ತರ ಎಲ್ಲರೂ ಹೌಹಾರುವಂತೆ ಮಾಡಿದೆ.
ಪಿಯೂಷ್ ಧಮ್ನೋಟಿಯಾ ನನ್ನು ಪ್ರಶ್ನೆ ಮಾಡಲು ಸುದ್ದಿಗಾರರು ಮುಂದಾಗುತ್ತಿದ್ದಂತೆಯೇ ಆರೋಪಿ ಪಿಯೂಷ್ ಧಮ್ನೋಟಿಯಾ ತಾನೇನೋ ಸಾಧಿಸಿದವನಂತೆ ಕ್ಯಾಮೆರಗಳ ಬಳಿ ಗರ್ವದಿಂದ ಪೋಸ್ ನೀಡಿದ್ದಾನೆ. ಕನಿಷ್ಛ ಪಕ್ಷ ಓರ್ವ ಹುಡುಗಿಯನ್ನುಕೊಂದ ಪಾಪ ಪ್ರಜ್ಞೆ ಕೂಡ ಆತನ ಮುಖದಲ್ಲಿ ಕಾಣಲಿಲ್ಲ. ಮುಖ ಮರೆಮಾಚುವ ಪ್ರಯತ್ನ ಮಾಡದೇ ನೇರವಾಗಿ ಕ್ಯಾಮೆರಾಗಳ ಬಳಿ ಬಂದು ಸುದ್ದಿಗಾರರೊಂದಿಗೆ ಮಾತನಾಡಿದ್ದಾನೆ.
ಸುದ್ದಿಗಾರರು ಕೇಳಿದ ಪ್ರಶ್ನೆಗೆ ಮುಗುಳ್ನಗುತ್ತಾ ಮಾತನಾಡಿದ ಆರೋಪಿ ಪಿಯೂಷ್ ಧಮ್ನೋಟಿಯಾ, ‘ಆಗಿದ್ದಾಯ್ತು.. ಏನ್ ಆಗಬೇಕಿತ್ತೋ ಅದು ಆಗಿದೆ.. ಏನ್ ಮಾಡೋಕ್ ಆಗುತ್ತೆ.. ಅದನ್ನು ತಿಳಿದುಕೊಂಡು ನೀವೇನು ಮಾಡುತ್ತೀರಿ? ಸಮಯ ಬರುತ್ತದೆ, ಆಗ ನಾನು ಎಲ್ಲವನ್ನೂ ಹೇಳುತ್ತೇನೆ’ ಎಂದು ವಿಲಕ್ಷಣವಾಗಿ ಹೇಳಿದ್ದಾನೆ. ಆತನ ವಿಡಿಯೋ ಇದೀಗ ವ್ಯಾಪಕ ವೈರಲ್ ಆಗುತ್ತಿದೆ.
This MBA guy named Dhamnotiya sought sex with her girlfriend to which she denied.
After that he tied her hands and legs with a rope, put cloths in her mouth, sat on her chest and knifed her so hard that the knife broke. She died.
When confronted he said, “Chhodo na yaar, jo hua… pic.twitter.com/tSR3kOup1l
— Nehr_who? (@Nher_who) February 18, 2026