Connect with us

LATEST NEWS

ಗೆಳತಿಯ ಹುಟ್ಟು ಹಬ್ಬಕ್ಕೆ ವಿಶ್ ಮಾಡಲು ಹೋಗಿ ಪೋಲಿಸ್ ಅತಿಥಿಯಾದ!

ಲಕ್ನೋ, ಜನವರಿ 13: ಆನ್​ಲೈನ್​ನಲ್ಲಿ ಪರಿಚಯವಾದ ಗೆಳತಿಯ ಹುಟ್ಟುಹಬ್ಬಕ್ಕೆ ಗಿಫ್ಟ್​ ಖರೀದಿಸಿ ಬೆಂಗಳೂರಿನಿಂದ ಲಕ್ನೋಗೆ ತೆರಳಿದ ಯುವಕನಿಗೆ ಪೊಲೀಸರೆ ಭರ್ಜರಿ ಗಿಫ್ಟ್​ ನೀಡಿದ್ದಾರೆ.

21 ವರ್ಷದ ಯುವಕ ಸಸಲ್ಮಾನ್ ಗೆ ಆನ್​ಲೈನ್​ನಲ್ಲಿ ಅಪ್ರಾಪ್ತ ಹುಡುಗಿಯ ಪರಿಚಯವಾಗಿತ್ತು. ಆಕೆ ಲಕ್ನೋದ ಹುಡುಗಿ. ಬರೀ ಫೋನ್, ಮೆಸೇಜ್​ಗಳ ಮೂಲಕ ಇವರ ಗೆಳೆತನ ಸಾಗಿತ್ತು. ಒಂದು ಬಾರಿಯೂ ಭೇಟಿಯಾಗಿರಲಿಲ್ಲ. ಹೀಗಿರುವಾಗ ಗೆಳತಿಯ ಹುಟ್ಟುಹಬ್ಬ ಇದೆ ಎಂದು ತಿಳಿದ ಬೆಂಗಳೂರಿನ ಯುವಕ ಆಕೆಯನ್ನು ಭೇಟಿ ಮಾಡಲು ನಿರ್ಧರಿಸಿದ್ದ. ಹೀಗಾಗಿ ತನ್ನ ಗೆಳತಿಗೆ ಬರ್ತ್​ಡೇ ಗಿಫ್ಟ್​ ಖರೀದಿಸಿ ಬೆಂಗಳೂರಿನಿಂದ ಲಕ್ನೋಗೆ ತೆರಳಲು ಮುಂದಾಗಿದ್ದ.

ಅಂತೆಯೇ ಬೆಂಗಳೂರಿನಿಂದ ವಿಮಾನ ಟಿಕೆಟ್ ಬುಕ್ ಮಾಡಿ, ಸುಮಾರು 2000 ಕಿ.ಮೀ.ದೂರವಿರುವ ಲಕ್ನೋಗೆ ಗಿಫ್ಟ್​ ಜೊತೆ ತೆರಳಿದ್ದ.

ಗೆಳತಿಯನ್ನು ಭೇಟಿ ಮಾಡಿ ಗಿಫ್ಟ್​ ಕೊಟ್ಟು ಹುಟ್ಟುಹಬ್ಬದ ಶುಭಾಶಯ ತಿಳಿಸಲು ಕಾತರದಿಂದ ಕಾಯುತ್ತಿದ್ದ. ಲಕ್ನೋಗೆ ತೆರಳಿದ ಆತ, ಸರಿಯಾದ ಸಮಯಕ್ಕೆ ವಿಶ್ ಮಾಡಲು ಅಲ್ಲಿಂದ ಲಕ್ಕಿಂಪುರ ಖೇರಿಗೆ ಬಸ್​ ಹಿಡಿದ. ಬಹಳ ಕಾತುರದಿಂದ ಹೋದ ಆತನಿಗೆ ಆ ಹುಡುಗಿಯ ಮನೆಯಲ್ಲಿ ಸಿಕ್ಕ ಉಡುಗೊರೆ ನಿರಾಸೆ. ಯಾಕೆಂದರೆ ಆತನ ಗೆಳತಿ ಮನೆಯವರು ಈತ ಅಪರಿಚಿತ ಎಂದು ಮನೆಯೊಳಗೆ ಕರೆಯಲು ನಿರಾಕರಿಸಿದರು. ಆತ ಎಷ್ಟೇ ಬೇಡಿಕೊಂಡರೂ ಸಹ ಹುಡುಗಿ ಮನೆಯವರು ಸುತಾರಾಂ ಒಪ್ಪಲಿಲ್ಲ. ಗೆಳತಿಯ ಬರ್ತ್​ಡೇ ಗೆ ಚಾಕೋಲೇಟ್ಸ್​​​​​, ಟೆಡ್ಡಿ ಬೇರ್ ಹಾಗೂ ಇನ್ನಿತರೆ ಗಿಫ್ಟ್​ಗಳನ್ನು ಆತ ತಂದಿದ್ದ. ಆದರೆ ಈ ಗಿಫ್ಟ್​​ ಕೊಡುವುದಿರಲಿ, ಆತನಿಗೆ ಗೆಳತಿಯನ್ನು ಭೇಟಿ ಮಾಡುವ ಅವಕಾಶವೂ ಸಿಗಲಿಲ್ಲ.

ಅಪ್ರಾಪ್ತೆ ಮನೆಯವರು ಈತನ ಮೇಲೆ ಅನುಮಾನಗೊಂಡು, ಪೊಲೀಸರಿಗೆ ಕರೆ ಮಾಡಿದರು. ಕೂಡಲೇ ಸ್ಥಳಕ್ಕೆ ಬಂದ ಪೊಲೀಸರು ಸಲ್ಮಾನ್​ನ್ನು ಪೊಲೀಸ್ ಸ್ಟೇಷನ್​ಗೆ ಕರೆದೊಯ್ದರು. ಹೀಗಾಗಿ ಇಡೀ ರಾತ್ರಿ ಆತ ಜೈಲಿನಲ್ಲೇ ಕಾಲ ಕಳೆದನು. ಗೆಳತಿಯ ಹುಟ್ಟುಹಬ್ಬಕ್ಕೆ ವಿಶ್​ ಮಾಡಲು ಬಂದಾತ, ಪೊಲೀಸರಿಗೆ ಅತಿಥಿಯಾಗಿದ್ದು ವಿಪರ್ಯಾಸವೇ ಸರಿ.

ಸಲ್ಮಾನ್ಮ ಮೂಲತಃ ಉತ್ತರ ಪ್ರದೇಶದ ಡಿಯೋರಿಯಾ ಜಿಲ್ಲೆಯವನಾಗಿದ್ದು, ಬೆಂಗಳೂರಿನಲ್ಲಿ ಮೆಕ್ಯಾನಿಕ್ ಆಗಿ ಕೆಲಸ ಮಾಡುತ್ತಿದ್ದ ಎಂದು ತಿಳಿದು ಬಂದಿದೆ.ಹುಡುಗಿಯು ಆನ್​ಲೈನ್​ ಮೂಲಕ ಪರಿಚಯವಾಗಿ ನಮ್ಮಿಬ್ಬರ ನಡುವೆ ಗೆಳೆತನ ಬೆಳೆಯಿತು. ಆಕೆಯ ಹುಟ್ಟುಹಬ್ಬಕ್ಕೆ ವಿಶ್ ಮಾಡಲು ನಾನು ಗಿಫ್ಟ್​ ಖರೀದಿಸಿ ಬೆಂಗಳೂರಿನಿಂದ ಲಕ್ನೋಗೆ ತೆರಳಿದ್ದೆ ಎಂದು ಸಲ್ಮಾನ್​ ಪೊಲೀಸರ ಬಳಿ ಹೇಳಿದ್ದಾನೆ. ಆದರೆ ಹುಡುಗಿಯ ಪೋಷಕರು ಈತನ ಮೇಲೆ ಅನುಮಾನಗೊಂಡು ಪೊಲೀಸರಿಗೆ ಕರೆ ಮಾಡಿದ್ದಾರೆ ಎಂದು ತಿಳಿದು ಬಂದಿದೆ.

ಲಕ್ನೋದಿಂದ ಬೆಂಗಳೂರಿಗೆ ಮರಳಲು ಜನವರಿ 11ಕ್ಕೆ ಬುಕ್​ ಆಗಿರುವ ಟಿಕೆಟ್ ಹಾಗೂ ಹಣ ಆತನ ಬಳಿ ಇತ್ತು. ಹುಡುಗಿಯ ಪೋಷಕರು ಯುವಕನ ಮೇಲೆ ಕೋಪಗೊಂಡು ಆತನನ್ನು ಪೊಲೀಸರಿಗೆ ಒಪ್ಪಿಸಿದ್ದರು.

ಹುಡುಗಿಯ ಮನೆಯವರು ಯುವಕನ ವಿರುದ್ಧ ಎಫ್​ಐಆರ್​ ದಾಖಲಿಸಲು ನಿರಾಕರಿಸಿದ್ದಾರೆ. ದೂರಿನ ಆಧಾರದ ಮೇಲೆ ಪೊಲೀಸರು ಯುವಕನ ವಿರುದ್ಧ ಐಪಿಸಿ ಸೆಕ್ಷನ್ 151ರ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡಿದ್ದರು. ಬಳಿಕ ಬಾಂಡ್​ ಮೇಲೆ ಜೈಲಿನಿಂದ ಬಿಡುಗಡೆ ಮಾಡಲಾಯಿತು ಎಂದು ಸಿಂಗ್ ಹೇಳಿದರು.

Facebook Comments

comments