ನವದೆಹಲಿ ಮೇ 04: ಸೋಶಿಯಲ್ ಮಿಡಿಯಾ ಯಾರನ್ನು ಹೇಗೆ ಸ್ಟಾರ್ ಮಾಡುತ್ತೆ ಅಂತ ಹೇಳೊಕೆ ಆಗಲ್ಲ, ರಸ್ತೆ ಬದಿ ಗಾಡಿಯಲ್ಲಿ ವಡಾಪಾವ್ ಮಾಡುತ್ತಿದ್ದ ಯುವತಿಯೊಬ್ಬಳು ರಾತ್ರೋರಾತ್ರಿ ಸ್ಟಾರ್ ಆಗಿದ್ದು,. ಇದೀಗ ಆಕೆಯನ್ನು ಪೊಲೀಸ್ ಠಾಣೆ ಮೆಟ್ಟಿಲೇರುವಂತೆ ಮಾಡಿದೆ.
ಸಾಮಾಜಿಕ ಜಾಲತಾಣಗಳಲ್ಲಿ ‘Vada Pav Girl’ ಎಂದೇ ಖ್ಯಾತಿ ಗಳಿಸಿರುವ ಚಂದ್ರಿಕಾ ದೀಕ್ಸಿತ್ ರನ್ನು ದೆಹಲಿ ಪೊಲೀಸರು ವಶಕ್ಕೆ ಪಡೆದಿದ್ದು, ಸ್ಥಳೀಯರೇ ಆಕೆಯ ವಿರುದ್ದ ದೂರು ನೀಡಿದ್ದಾರೆ ಎನ್ನಲಾಗಿದೆ. ಚಂದ್ರಿಕಾ ದೀಕ್ಸಿತ್ ದೆಹಲಿ ಮಂಗೋಲ್ ಪುರಿ ಪ್ರದೇಶದಲ್ಲಿ ‘ವಡಪಾವ್’ ಅಂಗಡಿ ಹೊಂದಿದ್ದು, ತಮ್ಮ ಅಂಗಡಿ ಕುರಿತ ವಿಡಿಯೋಗಳನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಅಪ್ಲೋಡ್ ಮಾಡುತ್ತಿದ್ದರು. ಈ ವಿಡಿಯೋಗಳು ಕೆಲವೇ ದಿನಗಳಲ್ಲಿ ವೈರಲ್ ಆಗಿ ತಮ್ಮ ಅಂಗಡಿಗೆ ಹೆಚ್ಚೆಚ್ಚು ಗ್ರಾಹಕರನ್ನು ಸೆಳೆಯುತ್ತಿತ್ತು. ಚಂದ್ರಿಕಾ ಕೂಡ ಇನ್ ಸ್ಟಾಗ್ರಾಂ ನಲ್ಲಿ ದಿನಕಳೆದಂತೆ ‘Vada Pav Girl’ ಎಂದು ಖ್ಯಾತಿ ಪಡೆದರು.
ಇತ್ತೀಚೆಗೆ ಆಕೆಯ ಖ್ಯಾತಿ ಹೆಚ್ಚಾಗುತ್ತಿದ್ದಂತೆ ರಸ್ತೆ ಬದಿಯ ಅಂಗಡಿಯಲ್ಲಿ ಆಹಾರ ಮೇಳೆ ಆಯೋಜಿಸಿದ್ದಳು. ಇದು ಅಲ್ಲಿ ರಸ್ತೆ ಟ್ರಾಪಿಕ್ ಸಮಸ್ಯೆಗೆ ಕಾರಣವಾಗಿತ್ತು, ಸ್ಥಳೀಯರು ಬಂದು ಕಂಪ್ಲೆಂಟ್ ಮಾಡಿದರೂ ಅವರ ಮೇಲೆ ರೇಗಾಡಿದ್ದ ಚಂದ್ರಿಕಾಗೆ ಬುದ್ದಿ ಕಲಿಸಲು ಸ್ಥಳೀಯರು ಪೊಲೀಸ್ ಕಂಪ್ಲೆಂಟ್ ಕೊಟ್ಟಿದ್ದರು. ಇದೀಗ ಪೊಲೀಸರು ಚಂದ್ರಿಕಾ ಅವರನ್ನು ಪೊಲೀಸ್ ಠಾಣೆಗೆ ಕರೆದೊಯ್ದು ವಿಚಾರಣೆ ನಡೆಸಿದ್ದಾರೆ. ದಿಲ್ಲಿ ಪೊಲೀಸರ ಪ್ರಕಾರ ಆಕೆಯನ್ನು ಕೇವಲ ವಿಚಾರಣೆ ಮಾತ್ರ ಮಾಡಿದ್ದು, ಅರೆಸ್ಟ್ ಮಾಡಿಲ್ಲ ಎಂದು ಸ್ಪಷ್ಟನೆ ನೀಡಿದ್ದಾರೆ.
ಸೋಶಿಯಲ್ ಮಿಡಿಯಾದಲ್ಲಿ ಸ್ಟಾರ್ ಆಗಿರುವ ಕೆಲವು ಇತ್ತೀಚಿನ ದಿನಗಳಲ್ಲಿ ಪೊಲೀಸ್ ಮೆಟ್ಟಿಲೇರುತ್ತಿರುವುದು ಹೆಚ್ಚಾಗುತ್ತಿದೆ.