Connect with us

LATEST NEWS

ಜಿಲ್ಲಾಡಳಿತಗಳ ಒಣ ಪ್ರತಿಷ್ಠೆ…ಕಾಸರಗೋಡು ಮಂಗಳೂರು ಪ್ರಯಾಣಿಕರಿಗೆ ಸ್ವಾಬ್ ಟೆಸ್ಟ್ ಕಡ್ಡಾಯ….!!

ಮಂಗಳೂರು ಅಗಸ್ಟ್ 11: ಕಾಸರಗೋಡು ಹಾಗೂ ದಕ್ಷಿಣಕನ್ನಡ ಜಿಲ್ಲೆಯ ಜಿಲ್ಲಾಡಳಿತಗಳ ಒಣ ಪ್ರತಿಷ್ಠೆಯಿಂದಾಗಿ ಜನರು ಹೈರಾಣಾಗುವ ಪರಿಸ್ಥಿತಿ ಬಂದೊದಗಿದೆ. ಮಂಗಳೂರು ಕಾಸಗೋಡು ಮಂಗಳೂರು ಮಧ್ಯೆ ನಿತ್ಯ ಪ್ರಯಾಣಿಸುವವರಿಗೆ ಕಡ್ಡಾಯಗೊಳಿಸಿದರೂ ವಾರಕ್ಕೊಮ್ಮೆ ಸ್ವಾಬ್ ಟೆಸ್ಟ್ ಪಾಸಾಗಿರಬೇಕು ಎಂಬ ನಿಬಂಧನೆಯನ್ನು ವಿಧಿಸಲಾಗಿದೆ.

ಇದರಿಂದಾಗಿ ನಿತ್ಯ ಪ್ರಯಾಣಿಕರು ವಾರಕ್ಕೊಮ್ಮೆ ಕಡ್ಡಾಯ ಕೊರೊನಾ ರಾಪಿಡ್ ಟೆಸ್ಟ್ ಹಣ ತೆತ್ತು ಸರದಿ ಕಾಯಬೇಕಾದ ಪರಿಸ್ಥಿತಿ ಬಂದಿದೆ. ಇದೇ ವೇಳೆ ನಿಗದಿತ ಶುಲ್ಕ ಪಡೆಯಲು ಜಿಲ್ಲಾಡಳಿತ ನಿರ್ಧರಿಸಿದೆ ಪ್ರಯಾಣಿಕರು ಖಾಸಗಿ ಆಸ್ಪತ್ರೆಯಲ್ಲಿ ಸ್ವಾಬ್ ಟೆಸ್ಟ್ ಮಾಡಿಸಬೇಕು ಟೆಸ್ಟ್ ನಲ್ಲಿ ನೆಗೆಟಿವ್ ಬಂದರೆ ಮಾತ್ರ ಪ್ರಯಾಣಕ್ಕೆ ಅನುಮತಿ ಸಿಗಲಿದೆ.


ಕಾಸರಗೋಡಿನಿಂದ ಮಂಗಳೂರಿಗೆ ನಿತ್ಯ ಎರಡು ಸಾವಿರಕ್ಕೂ ಅಧಿಕ ಮಂದಿ ಉದ್ಯೋಗ ನಿಮಿತ್ತ ಪ್ರಯಾಣಿಸುತ್ತಾರೆ ಟೆಸ್ಟಿಗೆ ಅಂದಾಜು ನಾಲ್ಕು ಸಾವಿರ ಇದೆ ಇದೇ ಮೊದಲ ಬಾರಿಗೆ ನೆರೆಯ ರಾಜ್ಯಗಳ ನಡುವೆ ನಿತ್ಯ ಓಡಾಟ ನಡೆಸುವವರಿಗೆ ಸರ್ಕಾರ ಕಡ್ಡಾಯಗೊಳಿಸಿದೆ ವಾರಕ್ಕೊಮ್ಮೆ ಟೆಸ್ಟ್ ಮಾಡಿಸಬೇಕಾದರೆ ನಿಗದಿತ ಹಣ ಪಾವತಿಸಬೇಕಾಗುತ್ತದೆ ದಕ್ಷಿಣ ಕನ್ನಡ ಜಿಲ್ಲಾಡಳಿತ ನಿತ್ಯ ಸಂಚಾರಿಗಳಿಗೆ ಸಪ್ಟೆಂಬರ್ 8 ರವರಿಗೆ ಸಂಚಾರಕ್ಕೆ ಅನುಮತಿ ನೀಡಿದೆ.


ಕೊರೊನಾ ಪ್ರಾರಂಭದಲ್ಲಿ ದಕ್ಷಿಣಕನ್ನಡ ಜಿಲ್ಲಾಡಳಿತ ಕಾಸರಗೋಡು ಜಿಲ್ಲಾಡಳಿತದೊಂದಿಗೆ ನಡೆದುಕೊಂಡು ರೀತಿಗೆ ಈಗ ಜನರು ಪರಿತಪಿಸುವಂತಾಗಿದೆ. ರಾಜಕೀಯ ಮುಖಂಡರ ಇಚ್ಚಾಶಕ್ತಿ ಕೊರತೆ ಹಾಗೂ ಹಿಂದಿನ ಜಿಲ್ಲಾಧಿಕಾರಿಗಳ ಕಟ್ಟು ನಿಟ್ಟಿನ ನಡೆ ಈಗ ಎರಡು ಜಿಲ್ಲೆಗಳು ವೈರಿ ದೇಶಗಳಂತೆ ಆಗಿವೆ. ಇದೇ ರೀತಿ ಮುಂದುವರೆದೆ ಇನ್ನು ಕಾಸರಗೋಡು ಮಂಗಳೂರಿಗೆ ಪಾಸ್ ಪೋರ್ಟ್ ಅಗತ್ಯ ಅಂತ ಕಾನೂನು ಬರಬಹುದು.

Facebook Comments

comments