FILM
4 ವರ್ಷದ ವೈವಾಹಿಕ ಜೀವನದ ನಂತರ ಬೇರಾಗುತ್ತಿದ್ದಾರೆ ಸಮಂತಾ ನಾಗ ಚೈತನ್ಯ
ಹೈದರಾಬಾದ್ : ಕಳೆದ ಕೆಲವು ದಿನಗಳಿಂದ ಮಾಧ್ಯಮಗಳಲ್ಲಿ ಭಾರೀ ಸುದ್ದಿಯಲ್ಲಿದ್ದ ತೆಲುಗು ಚಿತ್ರ ನಟಿ ಸಮಂತಾ ಹಾಗೂ ನಾಗ ಚೈತನ್ಯ ಅವರ ವಿಚ್ಚೇದನ ಕುರಿತ ಸುದ್ದಿ ಇದೀಗ ನಿಜವಾಗಿದ್ದು, ತಾವಿಬ್ಬರೂ ಬೆರೆಯಾಗುತ್ತಿರುವುದಾಗಿ ಇಂದು ಸಾಮಾಜಿಕ ಜಾಲತಾಣದಲ್ಲಿ ಘೋಷಿಸಿದ್ದಾರೆ.
ಕಳೆದ ಕೆಲವು ತಿಂಗಳುಗಳಲ್ಲಿ ಸಮಂತಾ ಮತ್ತು ನಾಗಚೈತನ್ಯ ದಂಪತಿಗಳು ವಿಚ್ಛೇದನಕ್ಕೆ ಹೊರಟಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದ್ದು. ವಿಶೇಷವಾಗಿ ಸಮಂತಾ ತನ್ನ ಟ್ವಿಟ್ಟರ್ ಮತ್ತು ಇನ್ಸ್ಟಾಗ್ರಾಮ್ ಖಾತೆಗಳಿಂದ ಅಕ್ಕಿನೇನಿಯ ಉಪನಾಮವನ್ನು ತೆಗೆದು ಅದನ್ನು ‘ಎಸ್’ ಎಂದು ಬದಲಾಯಿಸುವ ಮೂಲಕ ಡೈವೋರ್ಸ್ ನ ಸುಳಿವು ನೀಡಿದ್ದರು, ಆದಾಗ್ಯೂ, ತಮ್ಮ ವಿವಾಹದ ಬಗ್ಗೆ ವದಂತಿಗಳನ್ನು ಸ್ಪಷ್ಟಪಡಿಸಲು ಮಾಧ್ಯಮದ ಅನೇಕ ಪ್ರಯತ್ನಗಳ ನಂತರವೂ, ದಂಪತಿಗಳು ಅವುಗಳನ್ನು ತಿರಸ್ಕರಿಸಲಿಲ್ಲ ಅಥವಾ ನಿರಾಕರಿಸಲಿಲ್ಲ, ದಂಪತಿಗಳ ನಡುವೆ ಎಲ್ಲವೂ ಸರಿಯಾಗಿಲ್ಲ ಎಂಬ ಊಹೆಯನ್ನು ಉಲ್ಬಣಗೊಳಿಸಿತ್ತು, ಇದೀಗ ದಂಪತಿ ತಮ್ಮ ನಾಲ್ಕು ವರ್ಷದ ವಿವಾಹ ಬಂಧನವನ್ನು ಕಡಿದುಕೊಂಡಿದ್ದಾರೆ.
ನಾಗ ಚೈತನ್ಯ ಮತ್ತು ಸಮಂತಾ ರುತ್ ಪ್ರಭು ಅವರು ಸುಮಾರು ಎರಡು ವರ್ಷಗಳ ಕಾಲ ಲವ್ ನಲ್ಲಿದ್ದು, ಅಕ್ಟೋಬರ್ 6, 2017 ರಂದು ಗೋವಾದಲ್ಲಿ ತಮ್ಮ ಕುಟುಂಬ ಮತ್ತು ಆಪ್ತ ಸ್ನೇಹಿತರ ನಡುವೆ ನಡೆದ ಸಮಾರಂಭದಲ್ಲಿ ಮದುವೆಯಾಗಿದ್ದರು, ಈ ಸಂದರ್ಭ ದಂಪತಿಗಳು ಹಿಂದೂ ವಿವಾಹ ಮತ್ತು ಕ್ರಿಶ್ಚಿಯನ್ ಸಮಾರಂಭ ಎರಡನ್ನೂ ನಡೆಸಿದ್ದರು.
ಇಂದು ಸೋಷಿಯಲ್ ಮೀಡಿಯಾ ಮೂಲಕ ತಾವು ದೂರವಾಗುತ್ತಿರುವ ವಿಷಯವನ್ನು ಅಧಿಕೃತವಾಗಿ ತಿಳಿಸಿದ್ದಾರೆ. ಬಹಳ ಯೋಚನೆ ಮಾಡಿ ನಾವು ದೂರವಾಗುತ್ತಿದ್ದೇವೆ ಎಂದು ಇಬ್ಬರೂ ತಿಳಿಸಿದ್ದಾರೆ. ಆ ಮೂಲಕ ಮತ್ತೊಂದು ಸಿನಿಜೋಡಿಯ ದಾಂಪತ್ಯ ಜೀವನ ವಿಚ್ಛೇದನದಲ್ಲಿ ಅಂತ್ಯವಾಗಿದೆ.
You must be logged in to post a comment Login