ಅಮೆರಿಕ ಮತ್ತು ಇಸ್ರೇಲ್ ಸೇರಿ ಕಳೆದ ಫೆ. 28ರಂದು ಇರಾನ್ ಸರ್ವೋಚ್ಚ ನಾಯಕ ಆಯತೊಲ್ಲಾ ಅಲಿ ಖಮೇನಿ ಹತ್ಯೆ ಮಾಡಿದ್ದ ಆಪರೇಷನ್ ರೋರಿಂಗ್ ಲಯನ್ ರೂವಾರಿಯಾಗಿದ್ದ ಮೊಸಾದ್ ಏಜೆಂಟ್, ಪ್ರತ್ಯೇಕ ಕಾರ್ಯಾಚರಣೆಯಲ್ಲಿ ಹತ್ಯೆಗೀಡಾದ್ದಾನೆ ಎಂಬ ಮಾಹಿತಿ ಲಭಿಸಿದೆ. ಈ ಕುರಿತು ಖುದ್ದು ಮಾತನಾಡಿರುವ ಮೊಸಾದ್ ಮುಖ್ಯಸ್ಥ ಡೇವಿಡ್ ಬಾರ್ನಿಯಾ, ಹತ್ಯೆಗೀಡಾದ ಗುಪ್ತಚರ ಅಧಿಕಾರಿಯನ್ನು “M” ಎಂದು ಕರೆದಿದ್ದಾರೆ. ಆದರೆ ಮೊಸಾದ್ ತನ್ನ ಈ ಅಧಿಕಾರಿ ಎಲ್ಲಿ ಮತ್ತು ಹೇಗೆ ಹತ್ಯೆಗೀಡಾಗಿದ್ದಾನೆ ಎಂಬುದನ್ನು ಬಹಿರಂಗಪಡಿಸಿಲ್ಲ.
ಟೆಲ್ ಅವಿವ್: ಇಸ್ರೇಲ್ನ “ಆಪರೇಷನ್ ರೋರಿಂಗ್ ಲಯನ್ ಅಥವಾ ಆಪರೇಷನ್ ಎಪಿಕ್ ಫ್ಯೂರಿ”ರೂವಾರಿ ಮೊಸಾದ್ ಗುಪ್ತಚರ ಅಧಿಕಾರಿ, ಬೇರೊಂದು ಗುಪ್ತ ಕಾರ್ಯಚರಣೆಯಲ್ಲಿ ಹತನಾಗಿದ್ದಾನೆ ಎಂದು ತಿಳಿದುಬಂದಿದೆ. ಈ ಕುರಿತು ಇಸ್ರೇಲ್ ಗುಪ್ತಚರ ಸಂಘಟನೆಯಾದ ಮೊಸಾದ್ ಮುಖ್ಯಸ್ಥ ಡೇವಿಡ್ ಬಾರ್ನಿಯಾ ಮಾತನಾಡಿದ್ದು, “ಇಸ್ರೇಲ್ನ ಇತ್ತೀಚಿನ ಬಹುದೊಡ್ಡ ಯಶಸ್ವಿ ಕಾರ್ಯಾಚರಣೆಯ ರೂವಾರಿ ಬೇರೊಂದು ದೇಶದಲ್ಲಿ ಸೇವೆ ಸಲ್ಲಿಸುತ್ತಾ ಹುತಾತ್ಮನಾಗಿದ್ದಾನೆ” ಎಂದು ಹೇಳಿದ್ದಾರೆ.‘ಕಸ ಹಾಕಿ ಬರ್ತೀನಿ’ ಎಂದು ಹೋದಾಕೆ ಪ್ರಿಯಕರನ ಜೊತೆ ಪರಾರಿ- ಇದು 2 ಮಕ್ಕಳ ತಾಯಿಯ ಲವ್ ಸ್ಟೋರಿ!
ಆದರೆ ಮೊಸಾದ್ನ ಗೌಪ್ಯ ನಿಯಮಗಳಿಗೆ ಅನುಸಾರವಾಗಿ ಕೊಲ್ಲಲ್ಪಟ್ಟ ಆ ಗುಪ್ತಚರ ಅಧಿಕಾರಿ ಯಾರು? ಆತನನ್ನು ಎಲ್ಲಿ ಕೊಲೆ ಮಾಡಲಾಗಿದೆ? ಎಂಬಿತ್ಯಾದಿ ಪ್ರಶ್ನೆಗಳಿಗೆ ನಿರ್ದೇಶಕ ಡೇವಿಡ್ ಬಾರ್ನಿಯಾ ಉತ್ತರ ನೀಡಿಲ್ಲ. ಹತನಾದ ಆ ಮೊಸಾದ್ ಏಜೆಂಟ್ನನ್ನು “M” ಎಂದಷ್ಟೇ ಅವರು ಹೆಸರಿಸಿದ್ದಾರೆ.
ಮೊಸಾದ್ನ ಹುತಾತ್ಮರ ಸ್ಮರಣಾರ್ಥ ದಿನದ ಅಂಗವಾಗಿ ಆಯೋಜಿಸಲಾಗಿದ್ದ ಸಮಾರಂಭದಲ್ಲಿ, “M ನೇತೃತ್ವದ ಕಾರ್ಯಾಚರಣೆಗಳು ಸೃಜನಶೀಲತೆ, ಕರಾರುವಕ್ಕಾದ ತಂತ್ರಗಾರಿಕೆ ಮತ್ತು ಸುಧಾರಿತ ತಂತ್ರಜ್ಞಾನ”ದ ಸಂಯೋಜನೆಯಾಗಿದ್ದವು. ನಮ್ಮ ಹೆಮ್ಮೆಯ M ಇರಾನ್ ವಿರುದ್ಧದ ಅಭಿಯಾನವನ್ನು ಯಶಸ್ವಿಗೊಳಿಸುವಲ್ಲಿ ಪ್ರಮುಖ ಪಾತ್ರನಿರ್ವಹಿಸಿದ್ದರು” ಎಂದು ಮೊಸಾದ್ ನಿರ್ದೇಶಕ ಹೇಳಿದ್ದಾರೆ.