ಬೆಂಗಳೂರು ಡಿಸೆಂಬರ್ 24: ಬಿಗ್ ಬಾಸ್ ಸೀಸನ್ 12 ರ ಈ ವಾರ ಪ್ಯಾಮಿಲಿ ವೀಕ್ ಆಗಿದ್ದು, ಎಲ್ಲ ಸ್ಪರ್ಧಿಗಳ ಮನೆಯವರು ಈ ಬಾರಿ ಮನೆಗೆ ಆಗಮಿಸುತ್ತಿದ್ದಾರೆ. ರಾಶಿಕಾ ಅವರ ತಾಯಿ ಹಾಗೂ ಸಹೋದರ ಮನೆಗೆ ಬಂದಿದ್ದು ಇಬ್ಬರು ಕೂಡ ಸ್ಪರ್ಧಿಗಳ ಸುಂದರ ಕ್ಷಣವನ್ನು ಕಳೆದಿದ್ದಾರೆ.
ಇದೀಗ ಬಿಗ್ ಬಾಸ್ ಮನೆಗೆ ರಕ್ಷಿತಾ ಶೆಟ್ಟಿ ಅವರ ತಾಯಿ ಆಗಮಿಸಿದ್ದಾರೆ. ಅಮ್ಮನನ್ನು ನೋಡಿದ ಕೂಡಲೇ ರಕ್ಷಿತಾ ಓಡೋಡಿ ಬಂದು ಅಪ್ಪಿಕೊಂಡಿದ್ದಾರೆ. ಮಗಳನ್ನು ನೋಡಿದ ಬಳಿಕ ತಾಯಿ ಮುದ್ದಾಡಿಕೊಂಡು ತಲೆಯ ಕೂದಲು ಕಟ್ಟಿದ್ದಾರೆ. ‘ ಯಾರಿಗೂ ಏನು ಹೇಳಬೇಡ,ಜಗಳ ಮಾಡಬೇಡ ಜಗಳ ಗಂಟಿ’ ಎಂದಿದ್ದಾರೆ.
ಈ ವೇಳೆ ಧ್ರುವಂತ್ ಅವರು ರಕ್ಷಿತಾ ತಾಯಿ ಬಳಿ ಕ್ಷಮೆ ಕೇಳಿದ್ದಾರೆ. ‘ಬೆತ್ತ ತರಬೇಕಿತ್ತು’ ಎಂದು ಧ್ರುವಂತ್ ಹೇಳಿದರು. ಆಗ ಗಿಲ್ಲಿ, ‘ಆ ಬೆತ್ತದಲ್ಲಿ ನಿನಗೆ ಹೊಡೆಯುತ್ತಿದ್ದರು’ ಎಂದರು. ಧ್ರುವಂತ್ ಅವರು ರಕ್ಷಿತಾ ಅವರ ತಾಯಿಯ ಕಾಲಿಗೆ ಬಿದ್ದು ಕ್ಷಮೆ ಕೇಳಿದ್ದಾರೆ.
ಬಿಗ್ ಬಾಸ್ ಮನೆಯಲ್ಲೇ ರಕ್ಷಿತಾ ಅವರು ವ್ಲಾಗಿಂಗ್ ಆರಂಭಿಸಿದ್ದಾರೆ. ಕ್ಯಾಮೆರಾ, ಮೀನು ಕೊಟ್ಟು ವ್ಲಾಗಿಂಗ್ ಆರಂಭಿಸಿ ಎಂದು ಬಿಗ್ ಬಾಸ್ ಹೇಳಿದ್ದಾರೆ. ಇದಕ್ಕೆ ರಕ್ಷಿತಾ ತನ್ನ ತಾಯಿಯ ಜತೆ ‘ಹಾಯ್ ಗಾಯ್ಸ್ ಹೇಗಿದ್ದೀರಿ’ ಎಂದು ವ್ಲಾಗ್ ಆರಂಭಿಸಿದ್ದಾರೆ.
