ಕೋಯಿಕ್ಕೋಡ್ ಜನವರಿ 30: ದೇಶದ ಖ್ಯಾತ ಕ್ರೀಡಾಪಟು ರಾಷ್ಟ್ರೀಯ ಒಲಿಂಪಿಕ್ ಸಂಸ್ಥೆಯ(ಐಒಎ) ಅಧ್ಯಕ್ಷೆ ಮತ್ತು ರಾಜ್ಯಸಭಾ ಸದಸ್ಯೆ ಪಿ.ಟಿ. ಉಷಾ ಅವರ ಪತಿ ವಿ. ಶ್ರೀನಿವಾಸನ್ ಬೆಳಗಿನ ಜಾವ ಕೇರಳದ ಕೋಯಿಕ್ಕೋಡ್ನ ತಮ್ಮ ನಿವಾಸದಲ್ಲಿ ನಿಧನರಾದರು.
ಬೆಳಗಿನ ಜಾವ ಮನೆಯಲ್ಲಿ ಕುಸಿದುಬಿದ್ದ ಶ್ರೀನಿವಾಸನ್ ಅವರನ್ನು ಕೂಡಲೇ ಸಮೀಪದ ಆಸ್ಪತ್ರೆಗೆ ದಾಖಲಾಯಿತು. ಆದರೂ ಅವರು ಬದುಕುಳಿಯಲಿಲ್ಲ ಎಂದು ಮೂಲಗಳು ತಿಳಿಸಿವೆ.
ಶ್ರೀನಿವಾಸನ್ ಕೇಂದ್ರ ಕೈಗಾರಿಕಾ ಭದ್ರತಾ ಪಡೆ (CISF) ಯಲ್ಲಿ ಡೆಪ್ಯೂಟಿ ಎಸ್ಪಿ ಆಗಿದ್ದರು. ಅವರಿಗೆ ಡಾ. ಉಜ್ವಲ್ ವಿಘ್ನೇಶ್ ಎಂಬ ಮಗನಿದ್ದಾನೆ. ಉಷಾ ಅವರ ಪ್ರಸಿದ್ಧ ಕ್ರೀಡಾ ಮತ್ತು ರಾಜಕೀಯ ಜೀವನದುದ್ದಕ್ಕೂ ಜೊತೆಗಿದ್ದರು ಎಂದು ವರದಿ ತಿಳಿಸಿದೆ.
ಪಿ.ಟಿ. ಉಷಾ ಮತ್ತು ಶ್ರೀನಿವಾಸನ್ ಏಪ್ರಿಲ್ 25, 1991 ರಂದು ಕೋಝಿಕ್ಕೋಡ್ನ ಅರ್ಝಕೋಡಿ ದೇವಿ ಮಂದಿರದಲ್ಲಿ ವಿವಾಹವಾದರು. ದಂಪತಿಗೆ ಉಜ್ವಲ್ ಎಂಬ ಮಗನಿದ್ದಾನೆ. ಅವರ 30 ನೇ ವಿವಾಹ ವಾರ್ಷಿಕೋತ್ಸವದಂದು, ಉಷಾ ತಮ್ಮ ಪತಿ ಶ್ರೀನಿವಾಸನ್ ಅವರನ್ನು “ಪರಿಪೂರ್ಣ ರಿಲೇ ತಂಡದ ತಮ್ಮ ಭಾಗ” ಎಂದು ಕರೆದರು. ಕಷ್ಟದ ಸಮಯದಲ್ಲಿ ತಮ್ಮ ಪಕ್ಕದಲ್ಲಿ ನಿಂತಿದ್ದಕ್ಕಾಗಿ ಅವರು ಕೃತಜ್ಞತೆಯನ್ನು ವ್ಯಕ್ತಪಡಿಸಿದರು. “ಸ್ಪ್ರಿಂಟ್ಗೆ ಮಾತ್ರವಲ್ಲದೆ ಜೀವನದ ಮ್ಯಾರಥಾನ್ಗೆ ಪರಿಪೂರ್ಣ ರಿಲೇ ತಂಡವನ್ನು ಉತ್ತಮಗೊಳಿಸಿದ್ದಕ್ಕಾಗಿ ಧನ್ಯವಾದಗಳು! 30 ವರ್ಷಗಳ ಒಟ್ಟಿಗೆ ಇರುವಿಕೆಯನ್ನು ಆಚರಿಸಲಾಗುತ್ತಿದೆ!” ಎಂದು ಅವರು ಬರೆದಿದ್ದರು.