ಕೋಣಗಳ ಕೊಠಡಿಗೆ ಎಸಿ ಆಳವಡಿಸಿದ್ದ ಕಂಬಳ ಸಂಘಟಕ ವಿನು ವಿಶ್ವನಾಥ ಶೆಟ್ಟಿ ನಿಧನ

ಮಂಗಳೂರು 23: ಕಂಬಳದಲ್ಲಿ ಹೊಸತನಕ್ಕೆ ಕಾರಣರಾಗಿದ್ದ ಕಂಬಳ ಸಂಘಟಕ ಖ್ಯಾತ ಉದ್ಯಮಿ ಮೂಡಬಿದಿರೆ ಕರಿಂಜೆ ವಿನು ವಿಶ್ವನಾಥ ಶೆಟ್ಟಿ ಇಂದು ಹೃದಯಾಘಾತದಿಂದ ಮೃತಪಟ್ಟಿದ್ದಾರೆ.

ಕಂಬಳ ಕೋಣಗಳಿಗೆ ಈಜುಕೋಳ, ಕೊಠಡಿದೆ ಎಸಿ ಆಳವಡಿಸಿ ಕಂಬಳ ಕೋಣಗಳಿಗೆ ರಾಜಮರ್ಯಾದೆ ನೀಡಿ, ಕಂಬಳದಲ್ಲಿ ಹೊಸತನ ತಂದಿದ್ದರು.

ಬಂಟ್ವಾಳದ ಹೊಕ್ಕಾಡಿಗೋಳಿಯಲ್ಲಿ ನಿನ್ನೆ ರಾತ್ರಿ ನಡೆಸಿದ್ದ ಕಂಬಳ ಮುಗಿಸಿಕೊಂಡು ವಿನು ವಿಶ್ವನಾಥ ಶೆಟ್ಟಿ ಅವರು ಇಂದು ಮನೆಗೆ ಹಿಂದಿರುಗಿದ್ದರು. ಮನೆಯಲ್ಲಿ ವಿಶ್ರಾಂತಿ ಪಡೆಯುತ್ತಿದ್ದಾಗ ತೀವ್ರ ಎದೆನೋವು ಕಾಣಿಸಿಕೊಂಡು ಹೃದಯಾಘಾತ ಸಂಭವಿದೆ. ತಕ್ಷಣವೇ ಆಸ್ಪತ್ರೆಗೆ ಕರೆದೊಯ್ಯಲಾಗಿತ್ತು. ಆದರೆ ಚಿಕಿತ್ಸೆ ಫಲಕಾರಿಯಾಗದೆ ವಿನು ವಿಶ್ವನಾಥ ಮೃತಪಟ್ಟಿದ್ದಾರೆ.

ಹೊಕ್ಕಾಡಿಗೋಳಿಯಲ್ಲಿ ನಡೆದಿದ್ದ ಕಂಬಳದಲ್ಲಿ ವಿನು ವಿಶ್ವನಾಥ್ ಶೆಟ್ಟಿ ಅವರ ಕೋಣಗಳು ಪ್ರಥಮ ಸ್ಥಾನ ಪಡೆಡಿದ್ದವು. ಕಂಬಳ ಕ್ರೀಡೆಯಲ್ಲಿ ವಿನು ವಿಶ್ವನಾಥ ಶೆಟ್ಟಿ ಅವರು ಹೊಸತನ ತಂದಿದ್ದರು. ಮಿನು ವಿಶ್ವನಾಥ್ ಅಬರು ತಮ್ಮ ಕೋಣಗಳಿಗೆ ಈಜುಕೊಳ, ಕೊಠಡಿಗೆ ಎಸಿ ವ್ಯವಸ್ಥೆ ಮಾಡಿದ್ದರು.

ದುಬೈನಲ್ಲಿ ಯಶಸ್ವಿ ಉದ್ಯಮ ನಡೆಸುತ್ತಿದ್ದ ಶೆಟ್ಟಿ ಅವರಿಗೆ ದಕ್ಷಿಣ ಕನ್ನಡ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಲಭಿಸಿತ್ತು. ಕಂಬಳ ಉಳಿವಿಗಾಗಿ ನಡೆದ ಹೋರಾಟದಲ್ಲಿ ವಿನು ವಿಶ್ವನಾಥ್ ಶೆಟ್ಟಿ ಅವರು ಸಕ್ರಿಯವಾಗಿ ಪಾಲ್ಗೊಂಡಿದ್ದರು.

3 Shares

Facebook Comments

comments