ವೈರಲ್ ಆದ ಅಜ್ಜಿಯ ಜೋಕಾಲಿಯಾಟ
ದೆಹಲಿ ಜೂನ್ 3: ವಯಸ್ಸಾದ ಅಜ್ಜಿಯೊಬ್ಬರು ಜೋಕಾಲಿಯಾಡುತ್ತಿರುವ ವಿಡಿಯೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಸಾಮಾನ್ಯವಾಗಿ ವಯಸ್ಸಾದವರು ತಮ್ಮ ಮೊಮ್ಮಕ್ಕಳು ಮರಿ ಮಕ್ಕಳ ಆಟಗಳನ್ನು ನೋಡುತ್ತಾ ಆನಂದ ಪಡುವುದನ್ನು ನಾವು ನೋಡಿರುತ್ತೇವೆ. ಆದ್ರೆ ಇದೀಗ ಅಜ್ಜಿಯೊಬ್ಬರು ಜೋಕಾಲಿಯಾಡಿದ್ದು ಎಲ್ಲರನ್ನು ಹುಬ್ಬೇರಿಸುವಂತೆ ಮಾಡಿದೆ.
ಕೇಸರಿ ಬಣ್ಣದ ಸೀರೆ ಉಟ್ಟ ಅಜ್ಜಿ ಜೋಕಾಲಿ ಮೇಲೆ ನಿಂತು, ಅತ್ತಿಂದ ಇತ್ತ, ಇತ್ತಿಂದ ಅತ್ತ ಹಾರಾಡುತ್ತಾ ಸಂತಸ ವ್ಯಕ್ತಪಡಿಸಿದ್ದಾರೆ. ಅಜ್ಜಿಯ ಆಟದ ಈ ದೃಶ್ಯವನ್ನು ನೋಡುವಾಗ ರೋಮಾಂಚನವಾಗುತ್ತದೆ. ಈ ವಿಡಿಯೋಗೆ 1992 ರಲ್ಲಿ ತೆರೆಕಂಡ ತಮಿಳು ಭಾಷೆಯ ಸೂರ್ಯ ಚಿತ್ರದ, ಪಾಥಿನೆಟ್ಟು ವಯತು, ಇಲಮಟ್ಟು ಮನುತು ಯೆಂಗುತು ಪಾಯ್ ಪೋಡಾ ಎನ್ನುವ ಹಾಡನ್ನು ಸೇರಿಸಲಾಗಿದೆ.
ಈ ವಿಡಿಯೋವನ್ನು ಮಾಜಿ ಮಾಜಿ ಕ್ರಿಕೆಟ್ ಆಟಗಾರ ವೀರೇಂದ್ರ ಸೆಹವಾಗ್ ಅವರು ಕೂಡ ತಮ್ಮ ಟ್ವೀಟ್ಟರ್ ನಲ್ಲಿ ಶೇರ್ ಮಾಡಿಕೊಂಡಿದ್ದು, ಖುಷಿ ವ್ಯಕ್ತಪಡಿಸಿದ್ದಾರೆ. “ಸದಾಕಾಲದ ಯುವತಿ, ಊಹೆಗೆ ಮೀರಿರುವ ಅಜ್ಜಿ” ಎಂದು ಬರೆದು ಈ ವಿಡಿಯೋವನ್ನು ಮೇ 28 ರಂದು ಸೆಹವಾಗ್ ಟ್ವೀಟ್ ಮಾಡಿದ್ದರು.