ಕರಾವಳಿಯಲ್ಲಿ ಮತ್ತೆ ನಕ್ಸಲರ ಓಡಾಟ

ಕರಾವಳಿಯಲ್ಲಿ ಮತ್ತೆ ನಕ್ಸಲರ ಓಡಾಟ

ಮಂಗಳೂರು ಫೆಬ್ರವರಿ 3: ಕರಾವಳಿಯಲ್ಲಿ ಮತ್ತೆ ನಕ್ಸಲರ ಚಟುವಟಿಕೆ ಆರಂಭವಾಗಿದೆ, ಮಡಿಕೇರಿ-ಸುಳ್ಯ ಗಡಿಭಾಗದಲ್ಲಿ ನಕ್ಸಲರ ಓಡಾಟ ಹೆಚ್ಚಾಗಿದ್ದು, ಸಂಪಾಜೆ ಗ್ರಾಮದ ಗುಂಡಿಗದ್ದೆ ಎಂಬಲ್ಲಿಗೆ ಬಂದ ನಕ್ಸಲರು ಭೇಟಿ ನೀಡಿದ್ದಾರೆ ಎಂದು ಹೇಳಲಾಗಿದೆ.

ಸಂಪಾಜೆ ಗ್ರಾಮದ ಗಂಡಿಗದ್ದೆಯ ಎರಡು ಮನೆಗಳಿಗೆ ಭೇಟಿ ನೀಡಿದ್ದಾರೆ ಎಂದು ಹೇಳಲಾಗಿದೆ. ಗಂಡಿಗದ್ದೆಯಲ್ಲಿರುವ ದಯಾನಂದ ಎಂಬುವವರ ಮನೆಗೆ 3 ಮಂದಿ ಶಂಕಿತ ನಕ್ಸಲರು ಭೇಟಿ ನೀಡಿದ್ದಾರೆ ಎಂದು ಹೇಳಲಾಗಿದ್ದು, ದಯಾನಂದ ಅವರ ಮನೆಯಿಂದ ಅಡುಗೆ ಪದಾರ್ಥಗಳನ್ನು ಪಡೆದು ಕಾಡಿಗೆ ವಾಪಾಸಾಗಿದ್ದಾರೆ.

ಈ ಕುರಿತಂತೆ ಸ್ಥಳೀಯರು ಸುಳ್ಯ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿದ್ದಾರೆ. ಸ್ಥಳಕ್ಕೆ ಸುಳ್ಯ ಹಾಗೂ ಸಂಪಾಜೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ನಕ್ಸಲರ ಚಟುವಟಿಕೆ ಹಿನ್ನಲೆ ANF ತಂಡದಿಂದ ಕೂಬಿಂಗ್ ಕಾರ್ಯಾಚರಣೆ ಗೆ ಸಿದ್ಧತೆ ನಡೆಸಲಾಗಿದೆ.