ಮುಂಬೈ ಫೆಬ್ರವರಿ 05: ಮುಂಬೈನಲ್ಲೊಂದು ಆತಂಕಕಾರಿಯಾದ ಘಟನೆ ನಡೆದಿದ್ದು, ಮಾತು ಬಾರದ ಕಿವಿ ಕೇಳದ ಯುವತಿಯ ಅತ್ಯಾಚಾರ ಪ್ರಕರಣ ತನಿಖೆ ವೇಳೆ ಯುವತಿಯ ಅಪ್ಪನೇ ಆರೋಪಿ ಎಂದು ತಿಳಿದು ಬಂದಿದ್ದು, ಪೊಲೀಸರೇ ಶಾಕ್ ಆಗಿದ್ದಾರೆ,
ಕಳೆದ ವರ್ಷ ಸೆಪ್ಟೆಂಬರ್ ನಲ್ಲಿ ಈ ಪ್ರಕರಣ ಬೆಳಕಿಗೆ ಬಂದಿದೆ. ಮಾತು ಬಾರದ ಮತ್ತು ಕಿವಿ ಕೇಳದ 20 ವರ್ಷದ ಯುವತಿ ತನ್ನ ಅಜ್ಜಿಯ ಹತ್ತಿರ ತನ್ನ ಹೊಟ್ಟೆಯಲ್ಲಿ ಒಂದು ರೀತಿಯ ವಸ್ತ ಓಡಾಡುತ್ತಿರುವಂತೆ ಅನಿಸುತ್ತಿದೆ ಎಂದು ಕೈ ಸನ್ನೆ ಮೂಲಕ ಹೇಳಿದ್ದಾಳೆ. ಈ ಹಿನ್ನಲೆ ಆಕೆಯನ್ನು ಸ್ಥಳೀಯ ಆಸ್ಪತ್ರೆಗೆ ಕರೆದುಕೊಂಡು ಹೋಗಿ ಪರೀಕ್ಷೆ ನಡೆಸಲಾಗಿದೆ. ಈ ವೇಳೆ ಆಕೆ 5 ತಿಂಗಳ ಗರ್ಭಿಣಿ ಎಂದು ತಿಳಿದು ಬಂದಿದೆ.
Read This Also – ಖಾಸಗಿ ಬಸ್ಗಳ ಆರ್ಭಟ ಖಂಡಿಸಿ ಕದ್ರಿ ಸಂಚಾರಿ ಠಾಣೆ ಎದುರು ದೀಪ್ತಿ ಮೃತದೇಹ ತಂದು ಪ್ರತಿಭಟನೆ
ಕೂಡಲೇ ಆಸ್ಪತ್ರೆ ಆಡಳಿತ ಮಂಡಳಿ ಪೊಲೀಸರಿಗೆ ಮಾಹಿತಿ ನೀಡಿದೆ, ಈ ಹಿನ್ನಲೆ ಪೊಲೀಸರು ಯುವತಿಯ ಜೊತೆ ಮಾತನಾಡಿದ ಮಾಹಿತಿ ಪಡೆಯಲು ಯತ್ನಿಸಿದ್ದಾರೆ. ಆದರೆ ಅದು ಸಾಧ್ಯವಾಗಿರಲಿಲ್ಲ. ಯುವತಿಯ ತಂದೆಯ ಜೊತೆ ಮಾತುಕತೆ ನಡೆಸಿದ ವೇಳೆಯೂ ಸರಿಯಾದ ಮಾಹಿತಿ ಪೊಲೀಸರಿಗೆ ಸಿಕ್ಕಿರಲಿಲ್ಲ.
Read This Also –NITK ಸುರತ್ಕಲ್ನಲ್ಲಿ ಭಾರತಿ–ಬಹುಭಾಷಿ ಮತ್ತು ಹಿಂದಿ ಶಬ್ದ ಸಿಂಧು ಕುರಿತು ತರಬೇತಿ
ಬಳಿಕ ಪೊಲೀಸರು ಯುವತಿಯ ಕೌನ್ಸೆಲಿಂಗ್ ಮಾಡಿದ ನಂತರ ದೂರು ದಾಖಲಿಸಲು ಒಪ್ಪಿಕೊಂಡರು. ಈ ವೇಳೆ ಯುವತಿ ನೀಡಿದ ಮಾಹಿತಿಯ ಆಧಾರದ ಮೇಲೆ, ಪೊಲೀಸರು ಇಬ್ಬರನ್ನು ಬಂಧಿಸಿದರು, ಅದರಲ್ಲಿ ಒಬ್ಬ ಅಪ್ರಾಪ್ತ ಬಾಲಕ ಇದ್ದ. ಅಲ್ಲದೆ ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಾಲಕಿಯ ತಂದೆ ಸೇರಿದಂತೆ 17 ಶಂಕಿತರಿಂದ ಡಿಎನ್ಎ ಮತ್ತು ರಕ್ತದ ಮಾದರಿಗಳನ್ನು ತೆಗೆದುಕೊಂಡು, ಅತ್ಯಾಚಾರಿಯ ಗುರುತನ್ನು ಸ್ಥಾಪಿಸಲು ಭ್ರೂಣದಿಂದ ಬಂದ ಆನುವಂಶಿಕ ದತ್ತಾಂಶಗಳೊಂದಿಗೆ ಅವುಗಳನ್ನು ಹೋಲಿಸಿದರು.
Read This Also –ಮತ್ತೊಂದು ಹನಿಮೂನ್ ಮರ್ಡರ್ – ಮದುವೆಯಾದ ಮೂರೇ ತಿಂಗಳಿಗೆ ಗಂಡನನ್ನು ಕೊಲ್ಲಿಸಿದ ಪತ್ನಿ
ಈ ವೇಳೆ ಪೊಲೀಸರಿಗೆ ಶಾಕ್ ಕಾದಿತ್ತು, ಯಾಕಂದರೆ ಡಿಎನ್ ಎ ಪರೀಕ್ಷೆಗೆ ತೆಗೆದುಕೊಂಡು ಹೋದ ಸ್ಯಾಂಪಲ್ ಗಳಲ್ಲಿ ಆಕೆಯ ತಂದೆ ಸ್ಯಾಂಪಲ್ ಮಾತ್ರ ಹೊಂದಾಣಿಕೆಯಾಗಿತ್ತು, ಇದೀಗ ಇಡೀ ಪ್ರಕರಣದಲ್ಲಿ ಟ್ವಿಸ್ಟ್ ಸಿಕ್ಕಿದ್ದು, ಯುವತಿಯ ಮೇಲೆ ಆಕೆಯ ತಂದೆಯೇ ಅತ್ಯಾಚಾರ ಎಸಗಿರುವುದು ದೃಢಪಟ್ಟಿದೆ. ಈ ಹಿನ್ನಲೆ ಆರೋಪಿ ತಂದೆಯನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಪೊಲೀಸರ ಪ್ರಕಾರ, ಕಳೆದ ವರ್ಷದ ಮಾರ್ಚ್ ಮತ್ತು ಸೆಪ್ಟೆಂಬರ್ 21 ರ ನಡುವೆ ಅತ್ಯಾಚಾರ ನಡೆದಿತ್ತು.
ಸದ್ಯಪೊಲೀಸರು ಆರೋಪಿ ತಂದೆಯನ್ನು ಅರೆಸ್ಟ್ ಮಾಡಿದ್ದು, ಈ ಸಂಬಂಧ ತನಿಖೆ ಮುಂದುವರೆಸಿದ್ದಾರೆ.