Connect with us

LATEST NEWS

ಬಾವಿಗೆ ಬಿದ್ದ ಜೀವಂತ ನಾಗರ ಹಾವಿನ ರಕ್ಷಣೆ ಮಾಡಿದ ಯುವಕರು..ಮೈನವಿರೇಳಿಸುವ ಸಾಹಸದ ವಿಡಿಯೋ

ಯುವಕರ ಗುಂಪೊಂದು ಪ್ರಾಣದ ಹಂಗು ತೊರೆದು ನಾಗರಹಾವನ್ನು ರಕ್ಷಿಸುವ ಮೈನವಿರೇಳಿಸುವ ಸಾಹಸದ ದೃಶ್ಯ ಈಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.


ಈ ವಿಡಿಯೋ ಹಳ್ಳಿಯ ಪರಿಸರದಲ್ಲಿ ತೆಗೆದಿರುವಂತೆ ಕಾಣಿಸಿದ್ದು, ಸ್ಥಳ ಯಾವುದೆಂದು ತಿಳಿದು ಬಂದಿಲ್ಲ. ಹಳ್ಳಿಯ ಜಮೀನಿನ ನಡುವೆ ಇರುವ ರಿಂಗ್ ಹಾಕಿದ್ದ ಈ ಬಾವಿಗೆ ನಾಗರಹಾವೊಂದು ಬಿದ್ದಿತ್ತು. ಮೇಲೆ ಬರಲು ಪ್ರಯತ್ನ ಪಟ್ಟಿದೆ. ಆದರೆ ಸಾಧ್ಯವಾಗದೇ ನೀರಿನಲ್ಲಿ ತಿರುಗಾಡುತ್ತಾ ಇತ್ತು. ಈ ಸಂದರ್ಭ ಇದನ್ನು ನೋಡಿತ್ತು. ಆಮೇಲೆ ಶುರುವಾಗಿದ್ದೇ ಹಾವಿನ ರಕ್ಷಣೆಯ ಕಾರ್ಯಾಚರಣೆ.


ಫೇಸ್‌ಬುಕ್ ಬಳಕೆದಾರರಾದ ರೋಜರ್ ಸ್ನಿಪ್ಸ್‌ ಎಂಬವರು ತಮ್ಮ ಫೇಸ್‌ಬುಕ್ ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಸುಮಾರು 4.31 ಸೆಕೆಂಡ್‌ಗಳ ಈ ಕ್ಲಿಪ್‌ನಲ್ಲಿ ಆ ಯುವಕರ ಗುಂಪು ಹೇಗೆ ಪ್ರಾಣದ ಹಂಗು ತೊರೆದು ಜೀವಂತ ನಾಗರಹಾವನ್ನು ರಕ್ಷಣೆ ಮಾಡಿರುವ ರೀತಿ ಮೈನವಿರೇಳಿಸುವಂತಿದೆ.

ಒಬ್ಬ ಯುವಕ ಈ ಹಾವು ಇದ್ದ ಬಾವಿಗೆ ಇಳಿದು ಈಜಿದ್ದರು. ಸಾಕಷ್ಟು ಹೊತ್ತಿನ ಪ್ರಯತ್ನದ ಬಳಿಕ ಇವರೆಲ್ಲರು ಈ ಹಾವನ್ನು ರಕ್ಷಣೆ ಮಾಡಿದ್ದರು. ಈ ಹಾವಿನ ಜೀವ ಉಳಿಸಲು ಇವರೆಷ್ಟು ಕಷ್ಟಪಟ್ಟಿದ್ದರು ಎಂಬುದಕ್ಕೆ ಈ ವಿಡಿಯೋ ಸಾಕ್ಷಿ. ನಿರೀಕ್ಷೆಯಂತೆಯೇ ಈ ವಿಡಿಯೋ ಈಗ ಎಲ್ಲರ ಗಮನ ಸೆಳೆದಿದೆ. ಎಲ್ಲರೂ ಬಲು ಅಚ್ಚರಿಯಿಂದಲೇ ಈ ವಿಡಿಯೋ ನೋಡಿದ್ದಾರೆ. ಜೊತೆಗೆ, ಯುವಕರ ಈ ಸಾಹಸವನ್ನೂ ಮುಕ್ತಕಂಠದಿಂದ ಶ್ಲಾಘಿಸಿದ್ದಾರೆ.