ಪ್ರಯಾಗ್ ರಾಜ್ ಜನವರಿ 29: ಪ್ರಯಾಗ್ ರಾಜ್ ನಲ್ಲಿ ತನ್ನ ಸುಂದರ ಕಣ್ಣುಗಳಿಂದ ರಾತ್ರೋರಾತ್ರಿ ಸಾಮಾಜಿಕ ಜಾಲತಾಣದಲ್ಲಿ ಟ್ರೆಂಡ್ ಆಗಿದ್ದ ಸುಂದರಿ ಮೋನಾಲಿಯಾ ಇದೀಗ ಯುಟ್ಯೂಬ್ ನಲ್ಲೂ ಸದ್ದು ಮಾಡುತ್ತಿದ್ದಾಳೆ. ಆಕೆ ಅಪ್ಲೋ಼ಡ್ ಮಾಡುವ ಸಾಮಾನ್ಯ ವಿಡಿಯೋಗಳು ಇದೀಗ ಲಕ್ಷಗಟ್ಟಲೇ ವೀವ್ಸ್ ಪಡೆಯುತ್ತಿದೆ.
ಮಹಾಕುಂಭ ಮೇಳ ದಲ್ಲಿ ರಾತ್ರೋರಾತ್ರಿ ಪ್ರಸಿದ್ಧಿ ಪಡೆದ ರುದ್ರಾಕ್ಷಿ ಮಾಲೆ ಮಾರುವ ಹುಡುಗಿ ಮೋನಾಲಿಸಾ ಇದೀಗ ಯುಟ್ಯೂನಲ್ಲೂ ಸದ್ದು ಮಾಡುತ್ತಿದ್ದಾಳೆ, ಕುಂಭಮೇಳದಲ್ಲಿ ಮಾಲೆ ಮಾರಾಟ ಮಾಡ್ಕೊಂಡು ಚೆನ್ನಾಗಿದ್ದ ಮೋನಾಲಿಸಾ ಹಿಂದೆ ಜನರ ದಂಡೇ ಬರಲು ಶುರುವಾಗಿತ್ತು. ಮಹಾಕುಂಭ ಮೇಳಕ್ಕೆ ಹೋದವರು ಮೋನಾಲಿಸಾರನ್ನು ಹುಡುಕಿದ್ದಾರೆ. ಅವರ ಜೊತೆ ಫೋಟೋ ತೆಗೆಸಿಕೊಳ್ಳಲು ಜನಸಾಮಾನ್ಯರು ಮುಂದಾದ್ರೆ, ಮೋನಾಲಿಸಾ ಸಂದರ್ಶನ ಮಾಡಲು ವರದಿಗಾರರು, ಸೋಶಿಯಲ್ ಮೀಡಿಯಾ ಇನ್ಫ್ಲುಯೆನ್ಸರ್ ಹಿಂದೆ ಬಿದ್ದಿದ್ದರು. ಅವರ ಕಾಟ ತಾಳಲಾರದೆ ಮೋನಾಲಿಸಾ ತಮ್ಮ ಮನೆ ಮಹೇಶ್ವರ್ಗೆ ವಾಪಸ್ ಆಗಿದ್ದಾರೆ.
ಮನೆಗೆ ಬಂದ ಮೋನಾಲಿಸಾ ಈಗ ಯುಟ್ಯೂಬ್ ನಲ್ಲಿ ವ್ಲಾಗ್ ಶುರು ಮಾಡಿದ್ದಾರೆ. 2021 ರಿಂದಲೇ ಮೋನಾಲಿಸಾ ಯುಟ್ಯೂಬ್ ಇದೆ. ಆದ್ರೆ ಅಲ್ಲಿ ಯಾವುದೇ ವಿಡಿಯೋವನ್ನು ಮೋನಾಲಿಸಾ ಹಾಕಿರಲಿಲ್ಲ. ಮಹಾಕುಂಭ ಮೇಳದಲ್ಲಿ ಪ್ರಸಿದ್ಧಿ ಪಡೆದ ಮೇಲೆ ಅದಕ್ಕೆ ವ್ಲಾಗ್ ರೂಪ ನೀಡಿ ವಿಡಿಯೋ ಹಾಕಲು ಶುರು ಮಾಡಿದ್ದಾರೆ. ಅಚ್ಚರಿ ಅಂದ್ರೆ ಮೋನಾಲಿಸಾ ಈ ವ್ಲಾಗ್ ವೇಗವಾಗಿ ವೈರಲ್ ಆಗ್ತಿದೆ. ಒಂದೊಂದು ವಿಡಿಯೋಕ್ಕೆ ಲಕ್ಷಗಟ್ಟಲೆ ವೀವ್ಸ್, ಸಾವಿರಾರು ಲೈಕ್ಸ್ ಹಾಗೂ ಕಮೆಂಟ್ ಬರ್ತಿದೆ.
ಕೆಲ ಗಂಟೆಗಳ ಹಿಂದೆ ಮೋನಾಲಿಸಾ ತಮ್ಮ ಯುಟ್ಯೂಬ್ ನಲ್ಲಿ ಚಪಾತಿ ಮಾಡುವ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಈ ವಿಡಿಯೋವನ್ನು ಈವರೆಗೆ ಮೂರು ಲಕ್ಷದ 54 ಸಾವಿರ ಬಾರಿ ನೋಡಲಾಗಿದೆ. ಮೂರು ದಿನಗಳ ಹಿಂದೆ ಮೋನಾಲಿಸಾ ಯುಟ್ಯೂಬ್ ನಲ್ಲಿ ಪಾತ್ರೆ ತೊಳೆಯುವ ವಿಡಿಯೋ ಪೋಸ್ಟ್ ಮಾಡಿದ್ದರು. ಸಂಜೆ ಆಗ್ತಿದೆ, ಪಾತ್ರೆ ತೊಳೆದು, ಅಡುಗೆ ಮಾಡ್ಬೇಕು ಎನ್ನುತ್ತ ಒಂದಿಷ್ಟು ಪಾತ್ರೆಯನ್ನು ಹೊರಗೆ ತೆಗೆದುಕೊಂಡು ಹೋಗುವ ಮೋನಾಲಿಸಾ, ಪಾತ್ರೆ ಕ್ಲೀನ್ ಮಾಡ್ತಿರೋದನ್ನು ವಿಡಿಯೋದಲ್ಲಿ ತೋರಿಸಲಾಗಿದೆ. ಈ ವಿಡಿಯೋವನ್ನು ಈವರೆಗೆ 28 ಲಕ್ಷಕ್ಕೂ ಹೆಚ್ಚು ಬಾರಿ ನೋಡಲಾಗಿದೆ. 1661ಕ್ಕೂ ಹೆಚ್ಚು ಕಮೆಂಟ್ ಬಂದಿದೆ.