FILM
15 ವರ್ಷದ ನಂತರ ಲತಿಕಾ ಮನೆಗೆ ಭೇಟಿ ನೀಡಿದ ಕಿಚ್ಚ ಸುದೀಪ್
ಬೆಂಗಳೂರು, ಡಿಸೆಂಬರ್ 30: ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯವಾಗಿರುವ ಸುದೀಪ್, ಅಭಿಮಾನಿಗಳಿಗೆ ಒಂದು ವಿಡಿಯೋ ಟ್ರೀಟ್ ಕೊಟ್ಟಿದ್ದಾರೆ. ಅದು ಸಹ ತಮ್ಮ 15 ವರ್ಷಗಳ ಹಿಂದಿನ ನೆನಪನ್ನು ಹಸಿರಾಗಿಸುವ ವಿಡಿಯೋ ಇದಾಗಿದೆ.ಹೌದು, ಕಿಚ್ಚ ಸುದೀಪ್ ಕೇರಳದಲ್ಲಿದ್ದಾರೆ. ಅಲ್ಲಿ ರಿಲ್ಯಾಕ್ಸ್ ಮಾಡುತ್ತಿರುವ ಸುದೀಪ್, ಲತಿಕಾ ಮನೆಗೆ ಭೇಟಿ ನೀಡಿದ್ದಾರೆ. ಅಷ್ಟಕ್ಕೂ ಯಾರು ಈ ಲತಿಕಾ ಅಂತೀರಾ..? ಮೈ ಆಫಗ್ರಾಫ್ ಸಿನಿಮಾದಲ್ಲಿ ಬರುವ ಒಂದು ಪಾತ್ರ ಅಷ್ಟೇ .
ಮೈ ಆಟೋಗ್ರಾಫ್ ಸಿನಿಮಾವನ್ನು ಕೇರಳದಲ್ಲೂ ಚಿತ್ರೀಕರಿಸಲಾಗಿದ್ದು, ಅದೇ ಮನೆಗೆ ಸುದೀಪ್ ಮತ್ತೆ ಭೇಟಿ ನೀಡಿದ್ದಾರೆ. ಅದೂ ಸಹ 15 ವರ್ಷಗಳ ನಂತರ. ಈ ಮನೆಯಲ್ಲಿ ಮಾಡಿದ್ದ ಚಿತ್ರೀಕರಣದ ನೆನಪುಗಳನ್ನು ಅಭಿಮಾನಿಗಳೊಂದಿಗೆ ಹಂಚಿಕೊಳ್ಳಲು ಈ ವಿಡಿಯೋ ಮಾಡಿದ್ದಾರೆ.
ಲತಿಕಾ ಮನೆಯಂಗಳದಲ್ಲಿ ಓಡಾಡುತ್ತಾ ಅಲ್ಲಿ, ಚಿತ್ರೀಕರಿಸಲಾಗಿರುವ ಒಂದೊಂದು ದೃಶ್ಯಗಳ ಬಗ್ಗೆಯೂ ಸುದೀಪ್ ಈ ವಿಡಿಯೋದಲ್ಲಿ ವಿವರಿಸಿದ್ದಾರೆ. ಈ ವಿಡಿಯೋ ನೋಡಿದ ಅಭಿಮಾನಿಗಳೂ ಸಹ ಖುಷಿಯಾಗಿದ್ದಾರೆ.
ತಮಿಳಿನಲ್ಲಿ ತೆರೆಕಂಡಿದ್ದ ಸಿನಿಮಾ 2006ರಲ್ಲಿ ಕನ್ನಡಕ್ಕೆ ರಿಮೇಕ್ ಆಗಿತ್ತು. ಮೈ ಆಟೋಗ್ರಾಫ್ ಸುದೀಪ್ ನಿರ್ದೇಶನದ ಮೊದಲ ಚಿತ್ರ. ಈ ಚಿತ್ರದ ನಿರ್ಮಾಣ ಸಹ ಸುದೀಪ್ ಅವರದ್ದೇ ಆಗಿತ್ತು. ಇನ್ನು ಇದರಲ್ಲಿ ಮೀನಾ, ದೀಪು, ಶ್ರೀದೇವಿಕಾ, ರಶ್ಮಿ ಕುಲಕರ್ಣಿ ಹಾಗೂ ಮುಂತಾದವರು ನಟಿಸಿದ್ದು, ಸೂಪರ್ ಹಿಟ್ ಚಿತ್ರವಾಗಿ ಮೂಡಿಬಂದಿತ್ತು.
You must be logged in to post a comment Login