ಕಾಸರಗೋಡು – ಮಂಗಳೂರು ಸಂಚಾರದ ಪಾಸ್ ಅವಧಿ ವಿಸ್ತರಣೆ

ಮಂಗಳೂರು ಜುಲೈ 04: ಕಾಸರಗೋಡು – ಮಂಗಳೂರು ಮಧ್ಯೆ ದೈನಂದಿನ ಸಂಚಾರಕ್ಕೆ ನೀಡಿದ್ದ ಪಾಸ್ ಅವಧಿಯನ್ನು ಜುಲೈ 11 ರ ವರೆಗೆ ವಿಸ್ತರಣೆ ಮಾಡಲಾಗಿದೆ.

ಕೇರಳದ ಕಾಸರಗೋಡಿಗೆ ತೆರಳಲು ಮತ್ತು ಅಲ್ಲಿಂದ ದಕ್ಷಿಣ ಕನ್ನಡ ಜಿಲ್ಲೆಗೆ ಆಗಮಿಸಲು ಉಭಯ ಜಿಲ್ಲಾಡಳಿತಗಳಿಂದ ಪಾಸ್ ನೀಡಲಾಗಿತ್ತು. ಜೂನ್ 30ರ ವರೆಗೆ ಇದ್ದ ಪಾಸ್ ವ್ಯಾಲಿಡಿಟಿಯನ್ನು ಜುಲೈ ನಾಲ್ಕರ ವರೆಗೆ ವಿಸ್ತರಣೆ ಮಾಡಲಾಗಿತ್ತು. ‌ಇದೀಗ ಪಾಸ್ ಅವಧಿಯನ್ನು ಜುಲೈ 11ರ ವರೆಗೆ ವಿಸ್ತರಿಸಿ ದ.ಕ. ಜಿಲ್ಲಾಡಳಿತ ಆದೇಶ ಮಾಡಿದೆ.

ಹಾಗೆಂದು ದೈನಂದಿನ ಸಂಚಾರಕ್ಕಾಗಿ ನೀಡಿರುವ ಪಾಸ್ ಗಳನ್ನು ನವೀಕರಣ ಮಾಡುವ ಅಗತ್ಯವಿಲ್ಲ ಎಂದು ದಕ್ಷಿಣ ಕನ್ನಡ ಜಿಲ್ಲಾಡಳಿತ ಸ್ಪಷ್ಟನೆ ನೀಡಿದೆ.  ಜುಲೈ 4ರ ವರೆಗೆ ಮಾತ್ರ ಎಂದು ಈ ಹಿಂದೆ ಆದೇಶ ಮಾಡಿದ್ದಾಗ ರಾಜ್ಯದಲ್ಲಿ ಮತ್ತೆ ಲಾಕ್ ಡೌನ್ ಮಾಡಲಾಗುತ್ತಾ ಅಥವಾ ಕೇರಳದ ಮಂದಿಯನ್ನು ಸಂಚಾರ ನಿರ್ಬಂಧಿಸುತ್ತಾರೆಯೇ ಅನ್ನುವ ಆತಂಕ ಎದುರಾಗಿತ್ತು.