ಕಾಸರಗೋಡು ಜೂನ್ 26: ಇತ್ತೀಚೆಗೆ ಮಂಗಳೂರಿನ ಕಾಲೇಜಿಗೆ ಪ್ರವೇಶ ಪಡೆದಿದ್ದ 17 ವರ್ಷದ ಬಾಲಕಿ ಗುರುವಾರ ತನ್ನ ಮನೆಯಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾಳೆ. ಮನೆಯವರು ಮೊಬೈಲ್ ಫೋನ್ ಕೊಡಿಸದ ಕಾರಣಕ್ಕೆ ಆತ್ಮಹತ್ಯೆಗೆ ಶರಣಾಗಿದ್ದಾಳೆ ಎಂದು ಪ್ರಾಥಮಿಕ ವಿಚಾರಣೆಯಲ್ಲಿ ತಿಳಿದುಬಂದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಮೃತರನ್ನು ಕಾಸರಗೋಡು ಹೊರವಲಯದ ಮಧೂರು ಗ್ರಾಮ ಪಂಚಾಯತ್ನ ಮೀಪುಗುರಿಯ ನಿವಾಸಿಗಳಾದ ಗಿರೀಶ್ ಆಚಾರ್ಯ ಮತ್ತು ದೀಪಾ ಆಚಾರ್ಯ ದಂಪತಿಯ ಪುತ್ರಿ ಪೃಥ್ವಿಕಾ (17) ಎಂದು ಗುರುತಿಸಲಾಗಿದೆ. ಕಾಸರಗೋಡು ಪಟ್ಟಣ ಪೊಲೀಸ್ ಸಬ್-ಇನ್ಸ್ಪೆಕ್ಟರ್ ಮಾಹಿತಿ ಪ್ರಕಾರ ಪಿಯುಸಿ ಫಲಿತಾಂಶ ಪ್ರಕಟವಾದ ನಂತರ ಪೃಥ್ವಿಕಾ ಮಂಗಳೂರಿನಲ್ಲಿ ಪದವಿ ಕೋರ್ಸ್ಗೆ ಸೇರಿಕೊಂಡಿದ್ದಾಳೆ. ಆಕೆ ತನ್ನ ಪೋಷಕರಿಂದ ಮೊಬೈಲ್ ಫೋನ್ ಖರೀದಿಸಲು ಕೇಳುತ್ತಿದ್ದಳು ಎನ್ನಲಾಗಿದೆ. ಲಾಜಿಸ್ಟಿಕ್ಸ್ ಕಂಪನಿಯಲ್ಲಿ ಕೆಲಸ ಮಾಡುವ ಆಕೆಯ ತಂದೆ ಒಂದೆರಡು ದಿನಗಳಲ್ಲಿ ಒಂದನ್ನು ಖರೀದಿಸುವುದಾಗಿ ಹೇಳಿದ್ದರೂ, ಆಕೆಯ ತಾಯಿಗೆ ತಕ್ಷಣ ಫೋನ್ ಅಗತ್ಯವಿಲ್ಲ ಎಂದು ಭಾವಿಸಿದ್ದಾರೆ ಎನ್ನಲಾಗಿದೆ. ಈ ಹಿನ್ನಲೆ ಮನನೊಂದು ಆತ್ಮಹತ್ಯೆ ಮಾಡಿಕೊಂಡಿರುವ ಸಾಧ್ಯತೆ ಇದೆ ಎಂದು ಹೇಳಿದ್ದಾರೆ.
ಆಕೆಯ ಸಂಬಂಧಿ ನಾಗರಾಜ್ ಕೆ ನೀಡಿದ ದೂರಿನ ಆಧಾರದ ಮೇಲೆ ಕಾಸರಗೋಡು ನಗರ ಪೊಲೀಸರು ಅಸ್ವಾಭಾವಿಕ ಮರಣದ ಪ್ರಕರಣವನ್ನು ದಾಖಲಿಸಿದ್ದಾರೆ.