ಕಾನ್ಪುರ ಜನವರಿ 21:ಪ್ರೀತಿಸಿ ಮದುವೆಯಾದ ಪತ್ನಿಯ ಅಕ್ರಮ ಸಂಬಂಧ ನೋಡಿದ ಪತಿ ಪತ್ನಿಯನ್ನು ಕತ್ತು ಹಿಸುಕಿ ಕೊಲೆ ಮಾಡಿದ ಘಟನೆ ಕಾನ್ಪುರದ ಮಹಾರಾಜಪುರ ಪ್ರದೇಶದಲ್ಲಿ ನಡೆದಿದೆ.
ಫತೇಪುರ ನಿವಾಸಿ ಸಚಿನ್ ಸಿಂಗ್ ಮತ್ತು ಶ್ವೇತಾ ಸಿಂಗ್ ಹಲವು ವರ್ಷಗಳಿಂದ ಪ್ರೀತಿಸುತ್ತಿದ್ದರು. ಮನೆಯವರ ವಿರೋಧದ ಹಿನ್ನಲೆ ಇತ್ತೀಚೆಗೆ ಕೋರ್ಟ್ ನಲ್ಲಿ ಮದುವೆಯಾಗಿದ್ದರು. ಬಳಿಕ ಸಚಿನ್ ಸಿಂಗ್ ಕಾನ್ಪುರಕ್ಕೆ ಆಗಮಿಸಿ ಅಲ್ಲಿ ಆಟೋ ಚಲಾಯಿಸುತ್ತಿದ್ದ, ಅಲ್ಲದೆ ಸಚಿನ್ ಸ್ಥಳೀಯ ಎಂಜಿನಿಯರಿಂಗ್ ಕಾಲೇಜಿನ ಬಳಿ ಒಂದು ಕೊಠಡಿಯನ್ನು ಬಾಡಿಗೆಗೆ ಪಡೆದಿದ್ದರು. ಎಂಜಿನಿಯರಿಂಗ್ ಕಾಲೇಜಿನ ಕೆಲ ವಿದ್ಯಾರ್ಥಿಗಳು ಸಹ ಅದೇ ಕಟ್ಟಡದಲ್ಲಿ ಮತ್ತು ಸುತ್ತಮುತ್ತ ವಾಸಿಸುತ್ತಿದ್ದರು.
ಸಚಿನ್ ಪ್ರಕಾರ, ಶ್ವೇತಾ ತನ್ನ ಆಟೋ ಚಲಾಯಿಸುತ್ತಿದ್ದಾಗ ಇತರ ಯುವಕರೊಂದಿಗೆ ಸಂಬಂಧ ಹೊಂದಲು ಪ್ರಾರಂಭಿಸಿದರು. ಅವನಿಗೆ ಅನುಮಾನ ಬಂತು. ಶುಕ್ರವಾರ ರಾತ್ರಿ ತಾನು ಇದ್ದಕ್ಕಿದ್ದಂತೆ ಕೋಣೆಗೆ ಬಂದಿರುವುದಾಗಿ ಸಚಿನ್ ಪೊಲೀಸರಿಗೆ ತಿಳಿಸಿದ್ದಾನೆ. ಕಿಟಕಿಯ ಮೂಲಕ ನೋಡಿದಾಗ, ತನ್ನ ಪತ್ನಿ ಇಬ್ಬರು ಎಂಜಿನಿಯರಿಂಗ್ ವಿದ್ಯಾರ್ಥಿಗಳೊಂದಿಗೆ ಜೊತೆ ಇರುವುದನ್ನು ನೋಡಿದ್ದಾನೆ.
ಬಳಿಕ ಇಬ್ಬರ ನಡುವೆ ಜಗಳವಾಗಿದ್ದು, ಪೊಲೀಸ್ ಠಾಣೆ ಮೆಟ್ಟಿಲೇರಿತ್ತು, ಅಲ್ಲಿ ವಿಧ್ಯಾರ್ಥಿಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದರು, ರಾಜಿ ಮಾಡುಕೊಳ್ಳುವದಾಗಿ ಸಚಿನ್ ಹೇಳಿದ್ದರಿಂದ ಪೊಲೀಸರು ಎಲ್ಲರನ್ನು ಬಿಟ್ಟುಕಳುಹಿಸಿದ್ದರು. ಬಳಿಕ ಮನೆಗೆ ಹಿಂದಿರುಗಿದ ನಂತರ ಸಚಿನ್ ಹೆಂಡತಿ ಮತ್ತೆ ಜಗಳ ತೆಗೆದಿದ್ದಾಳೆ. ಇದರಿಂದ ಕೋಪಗೊಂಡ ಸಚಿನ್ ಹೆಂಡತಿಯನ್ನು ಕತ್ತು ಹಿಸುಕಿ ಕೊಂದು ಪೊಲೀಸ್ ಠಾಣೆಗೆ ಆಗಮಿಸಿ ಶರಣಾಗಿದ್ದಾನೆ.