ಟೆಹ್ರಾನ್/ಟೆಲ್ ಅವಿವ್ ಫೆಬ್ರವರಿ 28: Israel ಶನಿವಾರ ಬೆಳಿಗ್ಗೆ ಇರಾನ್ ನ Tehran ಮೇಲೆ “ಪೂರ್ವಭಾವಿ ದಾಳಿ” ನಡೆಸಿದೆ ಇದರೊಂದಿಗೆ ಅಧಿಕೃತವಾಗಿ ಅಮೇರಿಕಾ ಮತ್ತು ಇಸ್ರೇಲ್ ಇರಾನ್ ಮೇಲೆ ದಾಳಿ ಪ್ರಾರಂಭಿಸಿದೆ. ಈ ದಾಳಿಗಳಿಂದ ಮಧ್ಯಪ್ರಾಚ್ಯದಲ್ಲಿ ಉದ್ವಿಗ್ನತೆ ಮತ್ತಷ್ಟು ಹೆಚ್ಚಿದ್ದು, ಮತ್ತೊಂದು ಪ್ರಾದೇಶಿಕ ಯುದ್ಧದ ಭೀತಿ ತಲೆದೋರಿದೆ.
ಅಲಿ ಖಮೇನಿ ಕಚೇರಿಗಳ ಸಮೀಪ ಸ್ಫೋಟ
ವರದಿಗಳ ಪ್ರಕಾರ, ಸ್ಫೋಟಗಳು Ali Khamenei ಅವರ ಕಚೇರಿಗಳ ಸಮೀಪ ನಡೆದಿವೆ. 86 ವರ್ಷದ ಸುಪ್ರೀಂ ನಾಯಕ ದಾಳಿ ನಡೆದ ವೇಳೆಯಲ್ಲಿ ಅಲ್ಲಿ ಇದ್ದರೇ ಎಂಬುದು ಸ್ಪಷ್ಟವಾಗಿಲ್ಲ.
ಸ್ಥಳೀಯ ವರದಿಗಳ ಪ್ರಕಾರ ಕನಿಷ್ಠ ಮೂರರಿಂದ ನಾಲ್ಕು ಸ್ಫೋಟಗಳು ಕೇಳಿಬಂದಿವೆ. ಸಾವುನೋವುಗಳು ಅಥವಾ ಹಾನಿ ಕುರಿತು ಇನ್ನೂ ಅಧಿಕೃತ ಮಾಹಿತಿ ಲಭ್ಯವಾಗಿಲ್ಲ.
ಇಸ್ರೇಲ್ ರಕ್ಷಣಾ ಸಚಿವ Israel Katz ದಾಳಿಯನ್ನು ಸಮರ್ಥಿಸಿಕೊಂಡು, “ಇಸ್ರೇಲ್ ರಾಜ್ಯಕ್ಕೆ ಇರುವ ಬೆದರಿಕೆಗಳನ್ನು ತೆಗೆದುಹಾಕಲು ಪೂರ್ವಭಾವಿ ಕ್ರಮ ಕೈಗೊಳ್ಳಲಾಗಿದೆ” ಎಂದು ತಿಳಿಸಿದ್ದಾರೆ.
ಇಸ್ರೇಲ್ ಸರ್ಕಾರದ ಹೇಳಿಕೆಯ ಪ್ರಕಾರ, ಇರಾನ್ನ ಪರಮಾಣು ಮತ್ತು ಬ್ಯಾಲಿಸ್ಟಿಕ್ ಕ್ಷಿಪಣಿ ಕಾರ್ಯಕ್ರಮಗಳಿಂದ ಉಂಟಾಗುವ ಭದ್ರತಾ ಅಪಾಯವನ್ನು ತಡೆಗಟ್ಟುವ ಉದ್ದೇಶದಿಂದ ಈ ಕ್ರಮ ಕೈಗೊಳ್ಳಲಾಗಿದೆ.
ಟೆಲ್ ಅವಿವ್ನಲ್ಲಿ ಸೈರನ್: ಕ್ಷಿಪಣಿ ದಾಳಿಯ ಎಚ್ಚರಿಕೆ
ಇನ್ನೊಂದೆಡೆ ಇರಾನ್ ಮೇಲೆ ದಾಳಿ ಬಳಿಕ ಇಸ್ರೇಲ್ ನ Tel Aviv ಸೇರಿದಂತೆ ಇಸ್ರೇಲ್ನ ಹಲವು ಪ್ರದೇಶಗಳಲ್ಲಿ ಸೈರನ್ಗಳು ಮೊಳಗಿಸಲ್ಪಟ್ಟಿವೆ. Israel Defense Forces (ಐಡಿಎಫ್) ಜನರಿಗೆ ಮುಂಗಡ ಎಚ್ಚರಿಕೆ ನೀಡಿ, ರಕ್ಷಿತ ಸ್ಥಳಗಳ ಸಮೀಪದಲ್ಲಿರಲು ಸೂಚಿಸಿದೆ. ಐಡಿಎಫ್ ಹೇಳಿಕೆಯ ಪ್ರಕಾರ, ಇರಾನ್ನಿಂದ ಕ್ಷಿಪಣಿ ದಾಳಿ ಸಂಭವಿಸುವ ಸಾಧ್ಯತೆಯನ್ನು ಮನಗಂಡು ಮುನ್ನೆಚ್ಚರಿಕೆ ಕ್ರಮವಾಗಿ ಸೈರನ್ಗಳನ್ನು ಸಕ್ರಿಯಗೊಳಿಸಲಾಗಿದೆ.
ಇರಾನ್–ಅಮೆರಿಕಾ ಮಾತುಕತೆ
ಇತ್ತೀಚೆಗೆ United States ಮತ್ತು ಇರಾನ್ ನಡುವೆ ಪರಮಾಣು ವಿವಾದವನ್ನು ರಾಜತಾಂತ್ರಿಕವಾಗಿ ಪರಿಹರಿಸಲು ಮಾತುಕತೆಗಳು ಪುನರಾರಂಭವಾಗಿದ್ದವು. ಆದರೆ, ಇಸ್ರೇಲ್ ಯಾವುದೇ ಒಪ್ಪಂದದಲ್ಲಿ ಇರಾನ್ನ ಪರಮಾಣು ಮೂಲಸೌಕರ್ಯವನ್ನು ಸಂಪೂರ್ಣವಾಗಿ ನಿಷ್ಕ್ರಿಯಗೊಳಿಸುವಂತೆ ಒತ್ತಾಯಿಸಿತ್ತು. ಆದರೆ ಇರಾನ್ ಕೆಲವೊಂದು ಒಪ್ಪಂದಗಳಿಗೆ ಸಹಿಹಾಕಲು ನಿರಾಕರಿಸಿದೆ ಎಂದು ವರದಿಯಾಗಿದ್ದು, ಅಮೇರಿಕಾದ ಅಧ್ಯಕ್ಷ TRUMP ಕೂಡ ಇರಾನ್ ಮಾತುಕತೆ ಬಗ್ಗೆ ಅಪಸ್ವರ ಎತ್ತಿದ್ದಾರೆ.
ತಜ್ಞರ ಅಭಿಪ್ರಾಯದ ಪ್ರಕಾರ, ಇರಾನ್ ಪ್ರತಿದಾಳಿ ನಡೆಸಿದರೆ ಮಧ್ಯಪ್ರಾಚ್ಯದಲ್ಲಿ ದೊಡ್ಡ ಮಟ್ಟದ ಸೈನಿಕ ಸಂಘರ್ಷ ಉಂಟಾಗುವ ಸಾಧ್ಯತೆ ಇದೆ. ಪ್ರಸ್ತುತ, ಪರಿಸ್ಥಿತಿ ತೀವ್ರ ಗಮನದಲ್ಲಿದ್ದು, ಅಂತಾರಾಷ್ಟ್ರೀಯ ಸಮುದಾಯ ಅಭಿವೃದ್ಧಿಗಳನ್ನು ಸಮೀಪದಿಂದಲೇ ಗಮನಿಸುತ್ತಿದೆ.