ನವದೆಹಲಿ ಎಪ್ರಿಲ್ 14: ಇನ್ನೆರಡು ತಿಂಗಳಲ್ಲಿ ಆರಂಭವಾಗಲಿರುವ ಮುಂಗಾರು ಈ ಬಾರಿ ಭಾರತದಲ್ಲಿ ಸಾಮಾನ್ಯ ಕ್ಕಿಂತ ಕಡಿಮೆ ಮಳೆ ಸುರಿಸಲಿದೆ ಎಂದು ಹವಾಮಾನ ಇಲಾಖೆ (ಐಎಂಡಿ) ತಿಳಿಸಿದೆ.
3 ವರ್ಷಗಳ ಬಳಿಕ ಬರುತ್ತಿರುವ ಎಲ್ ನಿನೋ ಕಾರಣದಿಂದಾಗಿ ಭಾರತದಲ್ಲಿ ದೀರ್ಘಕಾಲೀನ ಸರಾಸರಿಯ ಶೇ.92ರಷ್ಟು ಮಾತ್ರ ಮಳೆ ಯಾಗಲಿದೆ. ಆದರೆ ಈಶಾನ್ಯ, ವಾಯುವ್ಯ ಮತ್ತು ದಕ್ಷಿಣ ಭಾಗ ಗಳಲ್ಲಿ ಸಾಮಾನ್ಯ ಅಥವಾ ಅದಕ್ಕಿಂತ ಕೊಂಚ ಹೆಚ್ಚು ಮಳೆ ಸುರಿಯಬ ಹುದು. ಮಾನ್ಸೂನ್ನ ಉತ್ತರಾರ್ಧ ದಲ್ಲಿ ಎಲ್ ನಿನೋ ಪ್ರಭಾವ ತಗ್ಗ ಲಿದ್ದು, ಎಲ್ಲೆಡೆ ಹೆಚ್ಚು ಮಳೆಯಾಗ ಬಹುದು’ ಎಂದು ಐಎಂಡಿಯ ಡಿಜಿಎಂ ಡಾ. ಎಂ.ಮಹಾಪಾತ್ರ ಹೇಳಿದ್ದಾರೆ. ಜತೆಗೆ, ಕಳೆದ ವರ್ಷಕ್ಕೆ ಹೋಲಿ ಸಿದರೆ ಉತ್ತರ ಗೋಳಾರ್ಧದಲ್ಲಿ ಆವರಿಸಿದ್ದ ಹಿಮದ ಪ್ರಮಾಣ ಕಳೆದ 3 ತಿಂಗಳಲ್ಲಿ ತಗ್ಗಿದೆ ಎಂದು ಹವಾಮಾನ ಇಲಾಖೆ ಹೇಳಿದೆ.
ಎಲ್ ನಿನೋ ಎಂದರೆ?
ಇದು ಪೆಸಿಫಿಕ್ ಸಮುದ್ರದಲ್ಲಿ ನಡೆಯುವ ಒಂದು ವಿದ್ಯಮಾನವಾಗಿದ್ದು, ವಿಶ್ವಾದ್ಯಂತ ಮಳೆ ಹೇಗಾಗಲಿದೆ ಎಂಬುದನ್ನು ನಿರ್ಧರಿಸುತ್ತದೆ. ಸಾಮಾನ್ಯ ವಾಗಿ ಆಸ್ಟ್ರೇಲಿಯಾ ಭಾಗದಲ್ಲಿ ನೀರು ಬೆಚ್ಚಗಿದ್ದು, ದಕ್ಷಿಣ ಅಮೆರಿಕದ ಸಮುದ್ರದ ಬಳಿ ಅದು ತಂಪಾಗಿ ರುತ್ತದೆ. ಬೆಚ್ಚಗಿನ ನೀರು ತಂಪು ಪ್ರದೇಶದತ್ತ ಸಾಗು ತ್ತಿದ್ದಂತೆ ಅಲ್ಲಿನ ನೀರು ಸಾಮಾನ್ಯಕ್ಕಿಂತ ಬಿಸಿಯಾಗು ತ್ತದೆ. ಇದರಿಂದಾಗಿ ಭಾರತದ ಆಗಸದಲ್ಲಿ ರಚನೆಯಾ ಗುವ ಮೋಡಗಳ ಪ್ರಮಾಣ ತಗ್ಗುತ್ತದೆ. ಪರಿಣಾಮ ಮಳೆ ಕಡಿಮೆಯಾಗುತ್ತದೆ. ಇದರಿಂದಾಗಿ ದೇಶದ ಕೃಷಿಗೆ ಸಮಸ್ಯೆ ಯಾಗುತ್ತದೆ.
ಜೂನ್ನಿಂದ ಸೆಪ್ಟೆಂಬರ್ ಅವಧಿಯನ್ನು ಭಾರತ ದಲ್ಲಿ ಮುಂಗಾರು ಅವಧಿ ಎಂದು ಪರಿಗಣಿಸಲಾ ಗುತ್ತದೆ. ಈ ವೇಳೆ ಸುರಿಯುವ ಮಳೆಯನ್ನೇ ದೇಶದ ಬಹುಪಾಲು ರೈತಾಪಿ ಸಮುದಾಯ ಮತ್ತು ದೇಶದ ಆರ್ಥಿಕತೆ ಅವಲಂಬಿಸಿದೆ.