ಬೆಂಗಳೂರು, ಮಾರ್ಚ್ 20: ಐಪಿಎಲ್ 2026 ರಲ್ಲಿ ಬೆಂಗಳೂರಿನ ಎಂ.ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯುವ ಆರ್ಸಿಬಿ ಪಂದ್ಯಗಳಿಗೆ ಅಭಿಮಾನಿಗಳಿಗಾಗಿ ವಿಶೇಷ ಸೌಲಭ್ಯ ಒದಗಿಸಲಾಗಿದೆ. ಆರ್ಸಿಬಿ ಟಿಕೆಟ್ ಹೊಂದಿರುವ ಅಭಿಮಾನಿಗಳು ಉಚಿತವಾಗಿ ಮೆಟ್ರೋ ಪ್ರಯಾಣವನ್ನು ಪಡೆಯಬಹುದಾಗಿದೆ ಎಂದು ತಂಡವು ತನ್ನ ಸೋಷಿಯಲ್ ಮೀಡಿಯಾ ಖಾತೆಯಲ್ಲಿ ಅಧಿಕೃತವಾಗಿ ಪ್ರಕಟಿಸಿದೆ.
ಮಾರ್ಚ್ 28ರಂದು ಆಸ್ ಸಿಬಿ ಮತ್ತು ಸನ್ ರೈಸರ್ ಹೈದರಾಬಾದ್ ವಿರುದ್ಧ ಉದ್ಘಾಟನಾ ಪಂದ್ಯವನ್ನು ಆಡಲಿದೆ. ಅದೇ ರೀತಿಯಲ್ಲಿ, ಏಪ್ರಿಲ್ 5 ರಂದು ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಮತ್ತೊಂದು ಪಂದ್ಯ ನಡೆಯಲಿದೆ. ಇದರಿಂದ, ಬೆಂಗಳೂರಿನಲ್ಲಿ ಎರಡು ಮಹತ್ವದ ಪಂದ್ಯಗಳನ್ನು ಆರ್ಸಿಬಿ ಆಯೋಜಿಸಿದೆ. ಟಿಕೆಟ್ ತೋರಿಸುವ ಮೂಲಕ ಅಭಿಮಾನಿಗಳು ಮೆಟ್ರೋ ಸೇವೆ ಬಳಸಿಕೊಂಡು ಸ್ಟೇಡಿಯಂಗೆ ಸುಲಭವಾಗಿ ಹೋಗಿ ಬರುವ ಅವಕಾಶವನ್ನು ಪಡೆಯಲಿದ್ದಾರೆ. ಈ ಕ್ರಮವು ಸ್ಟೇಡಿಯಂ ಸುತ್ತಲೂ ಸಂಭವಿಸಬಹುದಾದ ವಾಹನ ಸಂಚಾರದ ದಟ್ಟಣೆಯನ್ನು ಕಡಿಮೆ ಮಾಡುವುದು ಮತ್ತು ಸಾರ್ವಜನಿಕ ಸಾರಿಗೆ ಬಳಕೆಯನ್ನು ಉತ್ತೇಜಿಸುವುದೇ ಮುಖ್ಯ ಉದ್ದೇಶವಾಗಿದೆ. ಈ ಯೋಜನೆಯನ್ನು ಜಾರಿಗೆ ತರುವ ಕುರಿತು RcB ಮ್ಯಾನೇಜ್ಮೆಂಟ್ ಬಿಎಂಆರ್ಸಿಎಲ್ ಜೊತೆ ಚರ್ಚೆ ನಡೆಸಿದ್ದು, ಅಭಿಮಾನಿಗಳಿಗೆ ಮೆಟ್ರೋ ಪ್ರಯಾಣ ಉಚಿತವಾಗಿ ಕಲ್ಪಿಸಲು ಸಮ್ಮತಿ ಪಡೆದಿದೆ.