ಉಡುಪಿ ಡಿಸೆಂಬರ್ 22: ಅಧಿಕ ಲಾಭಾಂಶ ಬರುತ್ತದೆ ಎಂದು ಯಾರೋ ಸಾಮಾಜಿಕ ಜಾಲತಾಣದಲ್ಲಿ ಹಾಕಿದ ಮೇಸೆಜ್ ನಂಬಿ ವ್ಯಕ್ತಿಯೊಬ್ಬರು ಬರೋಬ್ಬರಿ 71 ಲಕ್ಷ ಹಣ ಕಳೆದುಕೊಂಡ ಘಟನೆ ಉಡುಪಿಯಲ್ಲಿ ನಡೆದಿದೆ.
ಸಿಂಗಾಪುರದಲ್ಲಿ ಕೆಲಸ ಮಾಡಿಕೊಂಡಿರುವ ವ್ಯಕ್ತಿಯೊಬ್ಬರ ವಾಟ್ಸಪ್ ಗೆ ದಿನಾಂಕ 03/01/2026 ರಂದು OmniFxPro ಎಂಬ ಹೆಸರಿನಲ್ಲಿ ಮೆಸೇಜ್ ಬಂದಿದ್ದು, ಅದರಲ್ಲಿ ಇರುವ ಆ ವ್ಯಕ್ತಿ ಷೇರ್ ಮಾರ್ಕೇಟ್ ಬಗ್ಗೆ ಚಾಟ್ ಮಾಡಿ ಹೂಡಿಕೆ ಮಾಡುವುಂತೆ ಪ್ರೇರೇಪಿಸಿ ಹಣ ಹೂಡಿಕೆ ಮಾಡಿದ್ದಲ್ಲಿ ಅಧಿಕ ಲಾಭಾಂಶ ಕೊಡಿಸುವುದಾಗಿ ನಂಬಿಸಿದ್ದಾರೆ.
ಇದನ್ನು ನಂಬಿದ ವ್ಯಕ್ತಿ ಆತ ಹೇಳಿದಂತೆ ವಾಟ್ಸಾಪ್ ಮೂಲಕ ನೀಡಿದ ವಿವಿಧ ಬ್ಯಾಂಕ್ ಖಾತೆಗಳಿಗೆ ದಿನಾಂಕ: 04/01/2026 ರಿಂದ 18/01/2026 ರವರೆಗೆ ಒಟ್ಟು ರೂ. 71,74,000/- ಹಣವನ್ನು ಬ್ಯಾಂಕ್ ನಿಂದ ವರ್ಗಾಯಿಸಿದ್ದಾರೆ. ಬಳಿಕ ಹಣವನ್ನು ಲಾಭಾಂಶವನ್ನು ವಾಪಾಸ್ ಪಡೆಯಲು ಹೋದಾಗ ಮೋಸ ಹೋಗಿರುವುದು ತಿಳಿದು ಬಂದಿದೆ. ಒಟ್ಟು 71,74,000/-ಹಣವನ್ನು ಸೈಬರ್ ವಂಚಕರಿಗೆ ವ್ಯಕ್ತಿ ವರ್ಗಾಯಿಸಿದ್ದಾರೆ. ಈ ಬಗ್ಗೆ ಸೈಬರ್ ಅಪರಾಧ ಪೊಲೀಸ್ ಠಾಣಾ ಅಪರಾಧ ಕ್ರಮಾಂಕ 05/2026 ಕಲಂ: 66(ಸಿ) 66(ಡಿ) ಐ.ಟಿ. ಆಕ್ಟ್, &ಕಲಂ: 318(4) BNS ರಂತೆ ಪ್ರಕರಣ ದಾಖಲಾಗಿರುತ್ತದೆ.