ಉಡುಪಿ ನವೆಂಬರ್ 15: ಹಣ ಮಾಡುವ ಆಸೆಗೆ ನಕಲಿ ಶೇರು ಮಾರುಕಟ್ಟೆ ನಂಬಿ ವ್ಯಕ್ತಿಯೊಬ್ಬರು ಬರೋಬ್ಬರಿ 50ಲಕ್ಷ ಹಣ ಕಳೆದುಕೊಂಡ ಘಟನೆ ಉಡುಪಿಯಲ್ಲಿ ನಡೆದಿದೆ.
ಪೊಲೀಸ್ ಠಾಣೆಯಲ್ಲಿ ನೀಡಿರುವ ದೂರಿ ಪ್ರಕಾರ ಮೊಬೈಲ್ನ ಟೆಲಿಗ್ರಾಂ ಆ್ಯಪ್ಕ್ಕೆ ದಿನಾಂಕ 20/06/2025 ರಂದು ಇನ್ವೆಸ್ಟ್ ಮೆಂಟ್ ಗೆ ಸಂಬಂಧಿಸಿದಂತೆ ಒಂದು ಮೆಸೇಜ್ ಬಂದಿದೆ. ಈ ವೇಳೆ ಗ್ರೂಪಿನ ಅಡ್ಮಿನ್ ನೀಡಿದ https://t.me/KELLY_5509 ಎಂಬ ಯೂಸರ್ ನೇಮ್ಗೆ ಹೋಗಿದ್ದು, ಅದರಲ್ಲಿ ರೂಪಾಯಿ 5000/- ಮೊತ್ತವನ್ನು ಹೂಡಿಕೆ ಮಾಡಿದರೆ 30% ರಿಂದ 50% ಲಾಭಾಂಶ ನೀಡುತ್ತೇವೆಂದು ಸಂದೇಶ ಕಳುಹಿಸಿದ್ದಾರೆ. ಇದನ್ನೇ ನಂಬಿದ ಯುವಕ ದಿನಾಂಕ 20/06/2025 ರಿಂದ ದಿನಾಂಕ 08/10/2025 ರ ವರೆಗೆ ಒಟ್ಟು ರೂಪಾಯಿ 42,75,103/- ಹಣವನ್ನು ತನ್ನ ಎಸ್ಬಿಐ ಹಾಗೂ ಕೆನರಾ ಬ್ಯಾಂಕ್ ಖಾತೆಯಿಂದ ವರ್ಗಾಯಿಸಿರುತ್ತಾರೆ.
Read This – ಮನೆಯ ಕರೆಂಟ್ ಕಟ್ ಮಾಡಿದ್ದಕ್ಕೆ 30 ಟ್ರಾನ್ಸ್ಫಾರ್ಮರ್ಗಳ ಫ್ಯೂಸ್ ತೆಗೆದ ಯುವಕ – 6 ಸಾವಿರ ಮನೆ ಕತ್ತಲಲ್ಲಿ
ದಿನಾಂಕ 03/08/2025 ರಂದು ಪಿರ್ಯಾದಿದಾರರು Trusted Venture Capital Ltd. ಎಂಬ ಟೆಲಿಗ್ರಾಂ ಗ್ರೂಪನ್ನು ಓಪನ್ ಮಾಡಿದ್ದು, ಅದರಲ್ಲಿ ಪ್ರವೀಣ್ ಕುಮಾರ್ ಎಂಬ ವ್ಯಕ್ತಿಯು ಟ್ರೇಡಿಂಗ್ ಬಗ್ಗೆ ಚಾಟ್ ಮಾಡುತ್ತಿದ್ದು, ಆತ ನೀಡಿದ UPI ID ಗೆ ದಿನಾಂಕ 03/08/2025 ರಿಂದ 29/10/205 ರ ವರೆಗೆ ಒಟ್ಟು 6,92,000/- ಹಣವನ್ನು ವರ್ಗಾವಣೆ ಮಾಡಿರುತ್ತಾರೆ. ದಿನಾಂಕ 03/08/2025 ರಂದು Coinbase Trade Investment ಎಂಬ ಟೆಲಿಗ್ರಾಂ ಗ್ರೂಪನ್ನು ಓಪನ್ ಮಾಡಿದ್ದು, ಅದರಲ್ಲಿ AGENT BERNARD ಎಂಬ ವ್ಯಕ್ತಿಯು ದಿನಾಂಕ 03/09/2025 ರಿಂದ 05/10/2025 ರ ವರೆಗೆ ಒಟ್ಟು ರೂಪಾಯಿ 1,81,500/- ಹಣವನ್ನು ವರ್ಗಾವಣೆ ಮಾಡಿರುತ್ತಾರೆ.ಪಿರ್ಯಾದಿದಾರರು ಅಪರಿಚಿತರು ನೀಡಿದ ವಿವಿಧ ಖಾತೆಗಳಿಗೆ ಒಟ್ಟು ರೂಪಾಯಿ 51,48,603/- ಹಣ ವರ್ಗಾವಣೆ ಮಾಡಿದ್ದಾರೆ.
ಬಳಿಕ ತಾನು ಮೋಸ ಹೋಗಿರುವುದು ತಿಳಿದು ಬಂದಿದೆ. ಇದೀದ ಸೆನ್ ಅಪರಾಧ ಪೊಲೀಸ್ ಪ್ರಕರಣ ದಾಖಲಿಸಿದ್ದಾರೆ.