LATEST NEWS
ಕರೋನಾ ಭೀತಿ ಮಂಗಳೂರಿನಲ್ಲಿ ಮಾಸ್ಕ್ ಗಳಿಗೆ ಬೇಡಿಕೆ – ನೋ ಸ್ಟಾಕ್ ಬೋರ್ಡ್
ಕರೋನಾ ಭೀತಿ ಮಂಗಳೂರಿನಲ್ಲಿ ಮಾಸ್ಕ್ ಗಳಿಗೆ ಬೇಡಿಕೆ – ನೋ ಸ್ಟಾಕ್ ಬೋರ್ಡ್
ಮಂಗಳೂರು ಮಾರ್ಚ್ 4:ಮಂಗಳೂರಿಗೂ ಕರೋನಾ ವೈರಸ್ ಬಿಸಿ ತಟ್ಟಿದ್ದು, ಮಂಗಳೂರಿನ ಮೆಡಿಕಲ್ ಶಾಪ್ ಗಳಲ್ಲಿ ಮಾಸ್ಕ್ ಗಳ ಭರ್ಜರಿಯಾಗಿ ಸೇಲ್ ಆಗಿದ್ದು, ಈಗ ಮಾಸ್ಕ್ ಗಳ ನೋ ಸ್ಟಾಕ್ ಬೋರ್ಡ್ ಬಿದ್ದಿದೆ.
ದೇಶದಾದ್ಯಂತ ಕರೋನಾ ವೈರಸ್ ಆತಂಕ ಹೆಚ್ಚಾಗುತ್ತಿದ್ದಂತೆ ಮುಖಕ್ಕೆ ಮುಚ್ಚಿಕೊಳ್ಳುವ ಮಾಸ್ಕ್ ಗಳನ್ನು ಜನರು ಖರೀದಿ ಮಾಡುತ್ತಿದ್ದಾರೆ. ಈಗಾಗಲೇ ಕರ್ನಾಟಕದಲ್ಲಿ ಕರೋನಾ ಪ್ರಕರಣ ಪತ್ತೆಯಾದ ಹಿನ್ನಲೆ ಮಂಗಳೂರಿನಲ್ಲಿ ಜನರು ಮಾಸ್ಕ್ ಗಳಿಗಾಗಿ ಮೆಡಿಕಲ್ ಶಾಪ್ ಗಳಿಗೆ ಮುಗಿಬಿದ್ದಿದ್ದಾರೆ.
ಎನ್ 95 ಸೇರಿ ಬೇರೆ ಮಾದರಿ ಮಾಸ್ಕ್ ಗೆ ಭಾರೀ ಬೇಡಿಕೆ ಬಂದಿದ್ದು, ಕಳೆದ ಮೂರು ದಿನಗಳಿಂದ ಮಾಸ್ಕ್ ಕೊಳ್ಳಲು ಮೆಡಿಕಲ್ ಶಾಪ್ ಗಳಿಗೆ ಜನರು ಮುಗಿ ಬೀಳುತ್ತಿದ್ದಾರೆ. ಈ ನಡುವೆ ಮೆಡಿಕಲ್ ಸೆಂಟರ್ ಗಳಲ್ಲಿ ಬೇಡಿಕೆಗೆ ತಕ್ಕಂತೆ ಮಾಸ್ಕ್ ಗಳು ಸಿಗದೆ ಸ್ಟಾಕ್ ಖಾಲಿಯಾಗಿದೆ. ಹೊಸ ಸ್ಟಾಕ್ ಬಂದರೂ ಕೆಲವೇ ಘಂಟೆಗಳಲ್ಲಿ ಖಾಲಿಯಾಗುತ್ತಿದೆ.
