LATEST NEWS
ಫ್ರಾನ್ಸ್ ನ ಚಾರ್ಲಿ ಹಾಬ್ಡೋ ಪತ್ರಿಕಾ ಕಛೇರಿ ಮೇಲೆ ಮತ್ತೆ ದಾಳಿ…..
ಫ್ರಾನ್ಸ್ ನ ಚಾರ್ಲಿ ಹಾಬ್ಡೋ ಪತ್ರಿಕಾ ಕಛೇರಿ ಮೇಲೆ ಮತ್ತೆ ದಾಳಿ…..
ಪ್ಯಾರೀಸ್, ಸೆಪ್ಟಂಬರ್ 25: ಮಹಮ್ಮದ್ ಪೈಗಂಬರ್ ಕುರಿತು ಕಾರ್ಟೂನ್ ಪ್ರಕಟಿಸಿ ಮುಸ್ಲಿಂ ಮೂಲಭೂತವಾದಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದ ಫ್ರಾನ್ಸ್ ನ ಚಾರ್ಲಿ ಹೆಬ್ಡೋ ಪತ್ರಿಕಾ ಕಛೇರಿ ಮೇಲೆ ಮತ್ತೆ ದಾಳಿಯಾಗಿದೆ.
ಐದು ವರ್ಷಗಳ ಹಿಂದೆ ಚಾರ್ಲಿ ಹೆಬ್ಡೋ ಪತ್ರಿಕೆ ತನ್ನ ಮುಖಪುಟದಲ್ಲಿ ಮಹಮ್ಮದ್ ಪೈಗಂಬರ್ ಕುರಿತು ಕಾರ್ಟೂನ್ ಒಂದನ್ನು ಪ್ರಕಟಿಸಿತ್ತು.
ಈ ಕಾರ್ಟೂನ್ ಗೆ ವಿರೋಧ ವ್ಯಕ್ತಪಡಿಸಿದ ಮುಸ್ಲಿ ಮೂಲಭೂತವಾದಿಗಳು ಪತ್ರಿಕಾ ಕಛೇರಿ ಮೇಲೆ ದಾಳಿ ಮಾಡುವ ಬೆದರಿಕೆ ಹಾಕಿದ್ದರು.
ಬೆದರಿಕೆಯ ನಡುವೆಯೇ ಕಛೇರಿ ಮೇಲೆ ದಾಳಿ ಮಾಡಿದ ಮುಸ್ಲಿಂ ಮೂಲಭೂತವಾದ ಸಂಘಟನೆಗೆ ಸೇರಿದ ಉಗ್ರರು ಕಛೇರಿಯಲ್ಲಿದ್ದ 12 ಸಿಬ್ಬಂದಿಗಳನ್ನು ಗುಂಡಿಕ್ಕಿ ಕೊಂದಿದ್ದರು.
ಈ ಹಿನ್ನಲೆಯಲ್ಲಿ ಇತ್ತೀಚೆಗೆ ಈ ಕೃತ್ಯದಲ್ಲಿ ಭಾಗಿಯಾದ ಉಗ್ರರಿಗೆ ನೆರವು ಮಾಡಿದ್ದ ಹಲವರ ವಿಚಾರಣೆಯು ಇತ್ತೀಚೆಗಷ್ಟೇ ಆರಂಭಗೊಂಡಿತ್ತು.
ನ್ಯಾಯಾಲಯ ವಿಚಾರಣೆ ಕೈಗೆತ್ತಿಕೊಂಡ ದಿನದಂದು ಪತ್ರಿಕೆಯ ಮುಖಪುಟದಲ್ಲಿ ಮತ್ತೆ ಅದೇ ಕಾರ್ಟೂನನ್ನು ಪ್ರಕಟಿಸಲಾಗಿತ್ತು.
ಪತ್ರಿಕೆಯ ಈ ನಿರ್ಧಾರಕ್ಕೆ ಮತ್ತೆ ಮುಸ್ಲಿಂ ಮೂಲಭೂತವಾದಿಗಳಿಂದ ಬೆದರಿಕೆಯು ಬರಲಾರಂಭಿಸಿತ್ತು.
ಈ ನಡುವೆ ಇಂದು ಪತ್ರಿಕಾ ಕಛೇರಿಗೆ ನುಗ್ಗಿದ ತಂಡ ಕಛೇರಿಯಲ್ಲಿದ್ದ ನಾಲ್ವರ ಮೇಲೆ ತಲವಾರು ದಾಳಿ ನಡೆಸಿದೆ. ದಾಳಿಯಲ್ಲಿ ಇಬ್ಬರು ಗಂಭೀರವಾಗಿ ಗಾಯಗೊಂಡಿರುವ ಬಗ್ಗೆ ಮಾಹಿತಿ ಲಭ್ಯವಾಗಿದೆ.
ಪೋಲೀಸರು ಇದೀಗ ಘಟನೆ ನಡೆದ ಸ್ಥಳದಲ್ಲಿ ಭಾರೀ ಬಂದೋಬಸ್ತ್ ಏರ್ಪಡಿಸಿದ್ದು, ಆರೋಪಿಗಳಿಗಾಗಿ ಹುಡುಕಾಟ ಆರಂಭಿಸಿದ್ದಾರೆ
You must be logged in to post a comment Login