ಪತ್ನಿಯಿಂದ ‘ಬ್ಲೂ ಡ್ರಮ್’ ಬೆದರಿಕೆ: ಪ್ರಾಣಕ್ಕೆ ಹೆದರಿ ಪತ್ನಿಯನ್ನು ಪ್ರಿಯಕರನಿಗೆ ಒಪ್ಪಿಸಿದ ಪತಿ!

ಕೆಲ ದಿನಗಳ ಹಿಂದೆ ಪತ್ನಿಯ ಫೋನ್ ಪರಿಶೀಲಿಸಿದ ರಾಜ್‌ಕುಮಾರ್‌ಗೆ ಆಕೆ ತನ್ನ ಪ್ರಿಯಕರನ ಜೊತೆಗಿದ್ದ ಫೋಟೋಗಳು ಸಿಕ್ಕಿದ್ದವು. ಅಷ್ಟೇ ಅಲ್ಲದೆ, ಆಕೆ ಫೇಸ್‌ಬುಕ್‌ನಲ್ಲಿ ಸಿಮೆಂಟ್ ಮತ್ತು ನೀಲಿ ಡ್ರಮ್ ಎಂಬ ಕ್ಯಾಪ್ಷನ್‌ನೊಂದಿಗೆ ಪೋಸ್ಟ್ ಒಂದನ್ನು ಹಾಕಿದ್ದಳು. ಇದನ್ನು ಕಂಡು ಗಾಬರಿಯಾದ ರಾಜ್‌ಕುಮಾರ್ ಪತ್ನಿಯನ್ನು ಪ್ರಶ್ನಿಸಿದಾಗ, ಆಕೆ ರಾಜ್‌ಕುಮಾರ್ ಮತ್ತು ಆತನ ಸಹೋದರರ ಮುಗಿಸೋದಾಗಿ ಬೆದರಿಕೆ ಹಾಕಿದ್ದಳು.

ಪತ್ನಿಯ ಬೆದರಿಕೆಯಿಂದ ಹೆದರಿದ ರಾಜ್‌ಕುಮಾರ್ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದರು. ಪ್ರಕರಣವನ್ನು ಮಹಿಳಾ ಸಂಧಾನ ಕೇಂದ್ರಕ್ಕೆ ವರ್ಗಾಯಿಸಲಾಯಿತು. ಸಂಧಾನದ ವೇಳೆ ಪತ್ನಿ, ಆಕೆಯ ಪ್ರಿಯಕರ ಮತ್ತು ರಾಜ್‌ಕುಮಾರ್ ಕುಟುಂಬದವರು ಹಾಜರಿದ್ದರು. ಅಲ್ಲಿಯೂ ಸಹ ಪತ್ನಿ ತಾನು ಪ್ರಿಯಕರನ ಜೊತೆಗೇ ಹೋಗುವುದಾಗಿ ಹಠ ಹಿಡಿದಿದ್ದಾಳೆ.

“ನನಗೆ ನನ್ನ ಪ್ರಾಣ ಮುಖ್ಯ, ಅವಳು ಯಾರ ಜೊತೆಗಾದರೂ ಹೋಗಲಿ” ಎಂದು ಪತ್ನಿಯನ್ನು ಪ್ರಿಯಕರನ ಜೊತೆಗೆ ಕಳುಹಿಸಲು ಒಪ್ಪಿಕೊಂಡಿದ್ದಾರೆ. “ಆಕೆ ಮನೆಗೆಲಸ ಮಾಡುತ್ತಿರಲಿಲ್ಲ, ಮಗುವಿನ ಕೊಳೆತ ಬಟ್ಟೆಗಳನ್ನು ತೊಳೆಯುವ ಬದಲು ಎಸೆದು ಹಾಕುತ್ತಿದ್ದಳು. ಆಕೆಗೆ ಪ್ರಿಯಕರನೇ ಬೇಕು ಅಂದ ಮೇಲೆ ನಾನು ಏನೂ ಮಾಡಲು ಸಾಧ್ಯವಿಲ್ಲ” ಎಂದು ರಾಜ್‌ಕುಮಾರ್ ನೋವು ತೋಡಿಕೊಂಡಿದ್ದಾರೆ. ಯಾವುದೇ ಕ್ರಿಮಿನಲ್ ಕೇಸ್ ದಾಖಲಾಗದಿದ್ದರೂ ಪೊಲೀಸರ ಸಮ್ಮುಖದಲ್ಲಿ ವಿಚಿತ್ರ ‘ಬಿಡುಗಡೆ’ ಪ್ರಕ್ರಿಯೆ ನಡೆದಿದೆ.