LATEST NEWS
7 ದಿನದ ಕಂದಮ್ಮನಿಗೆ ಕೊರೊನಾ ಸೊಂಕು
ಮಂಗಳೂರು, ಜುಲೈ 02: ದಕ್ಷಿಣಕನ್ನಡ ಜಿಲ್ಲೆಯಲ್ಲಿ ಕೊರೊನಾ ದಿನದಿಂದ ದಿನಕ್ಕೆ ತನ್ನ ಕಂಬಂಧ ಬಾಹುವನ್ನು ಚಾಚುತ್ತಲೇ ಇದ್ದು , ಜಿಲ್ಲೆಯಲ್ಲಿ 7 ದಿನದ ಕಂದಮ್ಮನಲ್ಲೂ ಕೊರೊನಾ ಸೋಂಕು ದೃಢಪಟ್ಟಿದೆ.
ಮಂಗಳೂರಿನ ಖಾಸಗಿ ಆಸ್ಪತ್ರೆಯೊಂದರಲ್ಲಿ ಜನಿಸಿದ ಈ ಮಗುವಿನ ತಾಯಿಗೆ ಜೂನ್ 28 ರಂದು ಕೊರೊನಾ ಸೊಂಕು ಇರುವುದು ದೃಢಪಟ್ಟಿತ್ತು. ಈಗ ತಾಯಿಯ ಸಂಪರ್ಕದಿಂದಲೇ 7 ದಿನದ ಕಂದಮ್ಮನಿಗೂ ಕೊರೊನಾ ಸೊಂಕು ಬಂದಿದೆ. ಇದೀಗ ಕಂದಮ್ಮನನ್ನು ಕೋವಿಡ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.
ನಿನ್ನೆ ದಕ್ಷಿಣಕನ್ನಡ ಜಿಲ್ಲೆಯಲ್ಲಿ ಪತ್ತೆಯಾದ 84 ಪ್ರಕರಣಗಳಲ್ಲಿ ಶಾರ್ಜಾದಿಂದ ಬಂದ 6 ಮಂದಿ, ಹೊರರಾಜ್ಯದಿಂದ ಬಂದ ಒಬ್ಬರಿಗೆ ಸೋಂಕು ದೃಢಪಟ್ಟಿದೆ. ಇದರಲ್ಲಿ ಆತಂಕಕ್ಕೆ ಕಾರಣವಾಗಿರುವುದು 28 ಐಎಲ್ಐ ಪ್ರಕರಣ. 38 ಪ್ರಾಥಮಿಕ ಸಂಪರ್ಕದಿಂದ ಹರಡಿದ ಸೋಂಕು ಮತ್ತು 11 ಮಂದಿಯ ಸಂಪರ್ಕವೇ ತಿಳಿದುಬಂದಿಲ್ಲ.
You must be logged in to post a comment Login