Connect with us

FILM

ಬಾಹುಬಲಿ ದಾಖಲೆ ಮುರಿದ ಕೆಜಿಎಫ್ ಚಾಪ್ಟರ್ 2

ಬೆಂಗಳೂರು, ಜನವರಿ 12: ಬಹು ನಿರೀಕ್ಷಿತ ರಾಕಿಂಗ್ ಸ್ಟಾರ್ ಯಶ್ ನಟನೆಯಲ್ಲಿ ಮೂಡಿಬರುತ್ತಿರುವ ಕೆಜಿಎಫ್ ಚಾಪ್ಟರ್ 2 ಟೀಸರ್ ಈ ಹಿಂದಿನ ಎಲ್ಲಾ ದಾಖಲೆಗಳನ್ನು ಮುರಿದು ಹಾಕಿದೆ. ದಕ್ಷಿಣ ಭಾರತದ ಪಾಲಿಗೆ ಯ್ಯೂಟ್ಯೂಬ್‌ನಲ್ಲಿ ಅತಿ ಹೆಚ್ಚು ವೀಕ್ಷಣೆ ಕಂಡಿರುವ ಟೀಸರ್ ಅಥವಾ ಟ್ರೈಲರ್ ಕೆಜಿಎಫ್ ಎನಿಸಿಕೊಂಡಿದೆ.

ದಕ್ಷಿಣ ಭಾರತದಲ್ಲಿ ಅತಿ ಹೆಚ್ಚು ವೀಕ್ಷಣೆ ಕಂಡ ಟ್ರೈಲರ್ ಎಂಬ ದಾಖಲೆ ಬರೆದಿದ್ದು ಬಾಹುಬಲಿ. ಈ ಪಟ್ಟಿಯಲ್ಲಿ ಬಾಹುಬಲಿ ಮೊದಲ ಸ್ಥಾನದಲ್ಲಿತ್ತು. ಬಾಹುಬಲಿ ತೆಲುಗು ಟ್ರೈಲರ್ 64 ಮಿಲಿಯನ್ (64,121,750) ವೀಕ್ಷಣೆ ಕಂಡಿದೆ. ಆದ್ರೀಗ, ಕೆಜಿಎಫ್ ಟೀಸರ್ 2 ಟೀಸರ್ 133 ಮಿಲಿಯನ್ (133,748,761) ವೀಕ್ಷಣೆ ಕಂಡಿದೆ.

ಭಾರತೀಯ ಚಿತ್ರರಂಗದಲ್ಲೂ ಕೆಜಿಎಫ್ ಟೀಸರ್ ಇತಿಹಾಸ ಸೃಷ್ಟಿಸಿದೆ. ಅತಿ ಹೆಚ್ಚು ವೀಕ್ಷಣೆ ಕಂಡ ಭಾರತದ ಮೊದಲ ಟೀಸರ್ ಅಥವಾ ಟ್ರೈಲರ್ ಎಂಬ ಹೆಗ್ಗಳಿಕೆಗೂ ಪಾತ್ರವಾಗಿದೆ.

ಭಾರತದಲ್ಲಿ ಇದುವರೆಗೂ ಬಾಹುಬಲಿ 2 ಹಿಂದಿ ವರ್ಷನ್ ಟ್ರೈಲರ್ ಹೆಚ್ಚು ವೀಕ್ಷಣೆ ಕಂಡಿತ್ತು. ಬಾಹುಬಲಿ ಹಿಂದಿ ಟ್ರೈಲರ್ 118 ಮಿಲಿಯನ್ (118,160,358) ವೀಕ್ಷಣೆ ಕಂಡಿದೆ. ಈ ರೆಕಾರ್ಡ್ ಬ್ರೇಕ್ ಮಾಡಿರುವ ಕೆಜಿಎಫ್ ಟೀಸರ್ 133 ಮಿಲಿಯನ್ ವೀಕ್ಷಣೆ ಕಂಡಿದೆ.

ಯ್ಯೂಟ್ಯೂಬ್ ಪಾಲಿಗೆ ಭಾರತದಲ್ಲಿ ಅತಿ ಹೆಚ್ಚು ವೀಕ್ಷಣೆ ಕಂಡ ಟೀಸರ್ ಎಂಬ ದಾಖಲೆ ಈಗ ಕೆಜಿಎಫ್ ಟೀಸರ್ ಹೆಸರಿನಲ್ಲಿದೆ.

Advertisement
Click to comment

You must be logged in to post a comment Login

Leave a Reply