ನ್ಯೂಯಾರ್ಕ್, ಮಾರ್ಚ್ 24: ಲ್ಯಾಂಡಿಂಗ್ ವೇಳೆ ಸಂಭವಿಸಿದ ಭೀಕರ ವಿಮಾನ ಅಪಘಾತದಲ್ಲಿ ಸುಮಾರು 330 ಅಡಿ ದೂರಕ್ಕೆ ಎಸೆಯಲ್ಪಟ್ಟಿದ್ದರೂ ಜೀವಂತವಾಗಿ ಪಾರಾದ ವಿಮಾನ ಸಿಬ್ಬಂದಿಯ ಘಟನೆ ಜಾಗತಿಕ ವಾಯುಯಾನ ಕ್ಷೇತ್ರದಲ್ಲಿ ಸಂಚಲನ ಮೂಡಿಸಿದೆ.
Air Canada Expressಗೆ ಸೇರಿದ ವಿಮಾನವು ರನ್ವೇನಲ್ಲಿ ಅಗ್ನಿಶಾಮಕ ದಳದ ವಾಹನಕ್ಕೆ ಡಿಕ್ಕಿ ಹೊಡೆದ ಪರಿಣಾಮ, ವಿಮಾನದ ಮುಂಭಾಗ ಕ್ಷಣಾರ್ಧದಲ್ಲಿ ತುಂಡಾಗಿ ದೂರಕ್ಕೆ ಎಸೆಯಲ್ಪಟ್ಟಿತು. ಅಪಘಾತದ ತೀವ್ರತೆಯಿಂದ ಕಾಕ್ಪಿಟ್ನಲ್ಲಿದ್ದ ಇಬ್ಬರು ಪೈಲಟ್ಗಳು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಇದೇ ವೇಳೆ, ಕಾಕ್ಪಿಟ್ ಹಿಂಭಾಗದ ‘ಜಂಪ್ ಸೀಟ್’ನಲ್ಲಿ ಕುಳಿತಿದ್ದ ಸಿಬ್ಬಂದಿ ಸದಸ್ಯೆ Solange Tremblay ನಾಲ್ಕು ಪಾಯಿಂಟ್ ಸುರಕ್ಷತಾ ಬೆಲ್ಟ್ ಧರಿಸಿದ್ದರಿಂದ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ವಿಮಾನದ ಮುಂಭಾಗ ಬೇರ್ಪಟ್ಟು ದೂರಕ್ಕೆ ಎಸೆಯಲ್ಪಟ್ಟಾಗಲೂ ಅವರು ಸೀಟಿನಿಂದ ಹೊರಗೆ ಬೀಳದೆ ಅದರಲ್ಲಿ ಭದ್ರವಾಗಿ ಉಳಿದಿದ್ದರು. ಅವಶೇಷಗಳು ಭೂಮಿಗೆ ಅಪ್ಪಳಿಸಿದಾಗ ಉಂಟಾದ ಭೀಕರ ಆಘಾತವನ್ನೂ ಸೀಟಿನ ವಿನ್ಯಾಸವೇ ತಡೆದಿದೆ.
ಪ್ರಾಥಮಿಕ ತನಿಖೆಯ ಪ್ರಕಾರ, ರನ್ವೇನಲ್ಲಿ ಅಗ್ನಿಶಾಮಕ ವಾಹನ ತಪ್ಪಾದ ಸಮಯದಲ್ಲಿ ಪ್ರವೇಶಿಸಿರುವುದೇ ಅಪಘಾತಕ್ಕೆ ಕಾರಣವಾಗಿರಬಹುದು ಎಂದು ತಿಳಿದುಬಂದಿದೆ. ಇಂತಹ ಭೀಕರ ಪರಿಸ್ಥಿತಿಯಲ್ಲೂ ಸಿಬ್ಬಂದಿ ಬದುಕುಳಿದಿರುವುದು ವಿಮಾನಗಳ ಸುರಕ್ಷತಾ ವ್ಯವಸ್ಥೆಗಳ ಸಾಮರ್ಥ್ಯವನ್ನು ಸ್ಪಷ್ಟಪಡಿಸಿದೆ. ಪ್ರಸ್ತುತ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಸೊಲಾಂಜ್ ಟ್ರೆಂಬ್ಲೆ ಚೇತರಿಸಿಕೊಳ್ಳುತ್ತಿದ್ದು, ಅವರ ಧೈರ್ಯ ಹಾಗೂ ಅದೃಷ್ಟಕ್ಕೆ ವಿಶ್ವದಾದ್ಯಂತ ಶ್ಲಾಘನೆ ವ್ಯಕ್ತವಾಗುತ್ತಿದೆ.