ಗುಜರಾತ್, ಮಾರ್ಚ್ 20: ಗುಜರಾತ್ನ ಸೂರತ್ನಲ್ಲಿ 10,000 ರೂ. ಹಣ ವಿತ್ಡ್ರಾ ಮಾಡಲು ಹೋದ ವ್ಯಕ್ತಿಗೆ ಎಟಿಎಂ ದೋಷದಿಂದ 3 ಲಕ್ಷ ರೂ. ಸಿಕ್ಕಿರುವ ಘಟನೆ ನಡೆದಿದೆ.
ಒಂಬತ್ತು ವರ್ಷಗಳು, ಲೆಕ್ಕವಿಲ್ಲದಷ್ಟು ಇಮೇಲ್ಗಳು ಮತ್ತು ದೂರುಗಳ ದೀರ್ಘ ಹೋರಾಟದ ನಂತರ, ಬ್ಯಾಂಕ್ ಆಫ್ ಬರೋಡಾ ಈಗ ಮೂಲ ಮೊತ್ತದ ಸುಮಾರು 30 ಪಟ್ಟು ಪಾವತಿಸಬೇಕಾದ ಪರಿಸ್ಥಿತಿ ಎದುರಾಗಿದೆ. ಈ ಪ್ರಕರಣ 2017ರ ಫೆ.18 ರಂದು ನಡೆದಿತ್ತು. ಸೂರತ್ನ ಉಧ್ನಾ ಪ್ರದೇಶದ ಗ್ರಾಹಕರೊಬ್ಬರು ಎಸ್ಬಿಐ ಎಟಿಎಂನಿಂದ 10,000 ರೂ. ವಿತ್ಡ್ರಾ ಮಾಡಲು ಹೋಗಿದ್ದರು. ಆದರೆ, ಯಂತ್ರವು ಹಣವನ್ನು ನೀಡಲಿಲ್ಲ. ರಶೀದಿಯನ್ನೂ ಮುದ್ರಿಸಲಿಲ್ಲ. ಕೆಲವು ಕ್ಷಣಗಳ ನಂತರ, ಅವರ ಖಾತೆಯಿಂದ 10,000 ರೂ. ಡೆಬಿಟ್ ಮಾಡಲಾಗಿದೆ ಎಂದು ಸಂದೇಶ ಬಂದಿತು.
ಇದರಿಂದ ಗಾಬರಿಗೊಂಡ ಗ್ರಾಹಕ ಫೆ.21 ರಂದು ಬ್ಯಾಂಕ್ ಆಫ್ ಬರೋಡಾದ ದುಂಭಾಲ್ ಶಾಖೆಯಲ್ಲಿ ಲಿಖಿತ ದೂರು ದಾಖಲಿಸಿದರು. 2017ರ ಮಾರ್ಚ್ನಿಂದ ಮೇ ರವರೆಗೆ, ಅವರು ಇಮೇಲ್ ಮೂಲಕ ಹಲವಾರು ಬಾರಿ ದೂರು ದಾಖಲಿಸಿದರು. ಆರ್ಬಿಐ ಮತ್ತು ಇತರ ಅಧಿಕಾರಿಗಳನ್ನು ಸಹ ಸಂಪರ್ಕಿಸಿದರು. ಇದಲ್ಲದೆ, ಅವರು ಸಿಸಿಟಿವಿ ದೃಶ್ಯಾವಳಿಗಳನ್ನು ಪಡೆಯಲು ಎಸ್ಬಿಐನಲ್ಲಿ ಆರ್ಟಿಐ ವಿನಂತಿಯನ್ನು ಸಲ್ಲಿಸಿದರು. ಆದಾಗ್ಯೂ, ಯಾವುದೇ ಪ್ರಾಧಿಕಾರವು ಅವರಿಗೆ ತೃಪ್ತಿದಾಯಕ ಪ್ರತಿಕ್ರಿಯೆ ನೀಡಲಿಲ್ಲ. ಕೊನೆಗೆ 2017ರ ಡಿಸೆಂಬರ್ನಲ್ಲಿ ಗ್ರಾಹಕ ವೇದಿಕೆಯನ್ನು ಸಂಪರ್ಕಿಸಿದರು.
ವಿಚಾರಣೆಯ ಸಮಯದಲ್ಲಿ ಬ್ಯಾಂಕ್ ಆಫ್ ಬರೋಡಾ, ಎಟಿಎಂ ಎಸ್ಬಿಐಗೆ ಸೇರಿದ್ದು. ವಹಿವಾಟಿನಲ್ಲಿ ದಾಖಲೆಯ ಯಶಸ್ಸು ಕಂಡಿದೆ. ಆದ್ದರಿಂದ ಬ್ಯಾಂಕ್ ಜವಾಬ್ದಾರನಾಗಿರುವುದಿಲ್ಲ ಎಂದು ವಾದಿಸಿತು. ಬ್ಯಾಂಕ್ನ ವಾದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ ಗ್ರಾಹಕ ಆಯೋಗವು, ಈ ವಾದವನ್ನು ತಳ್ಳಿಹಾಕಿ, ವಹಿವಾಟಿಗೆ ಸಂಬಂಧಿಸಿದ ದೃಢವಾದ ಪುರಾವೆಗಳನ್ನು ಬ್ಯಾಂಕ್ ಒದಗಿಸಬೇಕು ಎಂದು ಹೇಳಿದೆ. ಆರ್ಬಿಐ ನಿಯಮಗಳ ಪ್ರಕಾರ, ಐದು ದಿನಗಳಲ್ಲಿ ಮೊತ್ತವನ್ನು ಮರುಪಾವತಿಸಬೇಕಾಗಿತ್ತು, ಆದರೆ ಬ್ಯಾಂಕ್ ಹಾಗೆ ಮಾಡಲು ವಿಫಲವಾಗಿದೆ ಎಂದು ಆಯೋಗವು ಗಮನಿಸಿದೆ.
ಗ್ರಾಹಕ ಆಯೋಗವು ಈ ವಾದವನ್ನು ತಳ್ಳಿಹಾಕಿ, ವಹಿವಾಟಿಗೆ ಸಂಬಂಧಿಸಿದ ದೃಢವಾದ ಪುರಾವೆಗಳನ್ನು ಬ್ಯಾಂಕ್ ಒದಗಿಸಬೇಕು ಎಂದು ಹೇಳಿದೆ. ಆರ್ಬಿಐ ನಿಯಮಗಳ ಪ್ರಕಾರ, ಐದು ದಿನಗಳಲ್ಲಿ ಮೊತ್ತವನ್ನು ಮರುಪಾವತಿಸಬೇಕಾಗಿತ್ತು. ಆದರೆ ಬ್ಯಾಂಕ್ ಹಾಗೆ ಮಾಡಲು ವಿಫಲವಾಗಿದೆ ಎಂದು ಆಯೋಗವು ಗಮನಿಸಿದೆ. ವಾದ-ಪ್ರತಿವಾದ ಆಲಿಸಿದ ಕೋರ್ಟ್, 9% ವಾರ್ಷಿಕ ಬಡ್ಡಿಯೊಂದಿಗೆ ಮೂಲ 10,000 ರೂ ಮರುಪಾವತಿಸಿ ಎಂದು ತೀರ್ಪು ನೀಡಿದೆ. ಇಲ್ಲಿವರೆಗೆ ವಿಳಂಬ ಮಾಡಿದ್ದರಿಂದ ದಿನಕ್ಕೆ 100 ರೂ. ಪರಿಹಾರ ನೀಡಬೇಕು ಎಂದು ಕೋರ್ಟ್ ಆದೇಶಿಸಿದೆ.
ಪ್ರಕರಣ ನಡೆದು 2026, ಫೆಬ್ರವರಿ 26ರ ಹೊತ್ತಿಗೆ 3,288 ದಿನಗಳನ್ನು ಕಳೆದಿದೆ. ಇದರಿಂದಾಗಿ ಪರಿಹಾರದ ಮೊತ್ತವು 3,28,800 ರೂ.ಗೆ ಏರಿಕೆಯಾಗಿದೆ. ಮಾನಸಿಕ ಕಿರುಕುಳಕ್ಕಾಗಿ ಬ್ಯಾಂಕ್ಗೆ 3,000 ರೂ. ಮತ್ತು ಕಾನೂನು ವೆಚ್ಚಗಳಿಗಾಗಿ 2,000 ರೂ. ಪಾವತಿಸಲು ಸಹ ಆದೇಶಿಸಲಾಯಿತು.