ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ವಿಡಿಯೋವೊಂದು ನೆಟ್ಟಿಗರ ಆಕ್ರೋಶಕ್ಕೆ ಕಾರಣವಾಗಿದೆ. ತನ್ನ ಪುಟ್ಟ ಮಗುವನ್ನು ಸ್ಕೂಟರ್ನ ಸೀಟ್ ಕೆಳಗಿನ ಡಿಕ್ಕಿಯಲ್ಲಿ (Storage space) ಮಲಗಿಸಿ, ಸೀಟನ್ನು ಲಾಕ್ ಮಾಡಿ ಮಹಿಳೆಯೊಬ್ಬರು ಸವಾರಿ ಮಾಡಿರುವ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ವೈರಲ್ ಆಗಿರುವ ವಿಡಿಯೋ ಕ್ಲಿಪ್ನಲ್ಲಿ ಮಹಿಳೆಯೊಬ್ಬರು ಮನೆಯ ಮುಂದೆ ಸ್ಕೂಟರ್ ನಿಲ್ಲಿಸಿ ಮಗುವನ್ನು ಎತ್ತಿಕೊಂಡಿರುವುದನ್ನು ಕಾಣಬಹುದು. ನಂತರ ಸ್ಕೂಟರ್ ಸೀಟ್ ಎತ್ತಿ, ಹೆಲ್ಮೆಟ್ ಇಡುವ ಜಾಗದಲ್ಲಿ ಮಗುವನ್ನು ಮಲಗಿಸುತ್ತಾರೆ. ಮಗು ಯಾವುದೇ ಪ್ರತಿರೋಧ ತೋರದೆ ಶಾಂತವಾಗಿ ಮಲಗಿದ ತಕ್ಷಣ, ಮಹಿಳೆ ನಿರ್ದಯವಾಗಿ ಸೀಟನ್ನು ಮುಚ್ಚಿ ಅದರ ಮೇಲೆ ಕುಳಿತು ಸವಾರಿ ಮಾಡುತ್ತಾರೆ. ಸೀಟು ಮುಚ್ಚಿದ ಮೇಲೆ ಮಗು ಪೂರ್ಣವಾಗಿ ಮರೆಯಾಗುತ್ತದೆ.
ಸ್ಕೂಟರ್ನ ನಂಬರ್ ಪ್ಲೇಟ್ ‘MP’ (ಮಧ್ಯಪ್ರದೇಶ) ಎಂದು ಆರಂಭವಾಗುತ್ತಿದ್ದು, ಈ ಘಟನೆ ಅಲ್ಲಿಯೇ ನಡೆದಿರಬಹುದು ಎಂದು ಅಂದಾಜಿಸಲಾಗಿದೆ. ಆದರೆ ಈ ವಿಡಿಯೋ ಯಾವ ನಗರದ್ದು ಅಥವಾ ಯಾವಾಗ ಚಿತ್ರೀಕರಿಸಲಾಗಿದೆ ಎಂಬ ನಿಖರ ಮಾಹಿತಿ ಲಭ್ಯವಾಗಿಲ್ಲ.
ಇದು ಪೋಷಕತ್ವವಲ್ಲ, ಪೈಶಾಚಿಕ ಕೃತ್ಯ” ಎಂದು ನೆಟ್ಟಿಗರು ಕಮೆಂಟ್ ಮಾಡುತ್ತಿದ್ದಾರೆ. ಸ್ಕೂಟರ್ ಡಿಕ್ಕಿಯಲ್ಲಿ ಗಾಳಿಯ ಸಂಚಾರವಿರುವುದಿಲ್ಲ (Air-tight), ಇಂಜಿನ್ ಶಾಖದಿಂದಾಗಿ ಅಲ್ಲಿ ಉಸಿರುಗಟ್ಟುವ ಸಾಧ್ಯತೆ ಹೆಚ್ಚಿರುತ್ತದೆ. ಕೇವಲ ಒಂದು ಹೆಲ್ಮೆಟ್ ಅಥವಾ ಬ್ಯಾಗ್ ಇಡಲು ಬಳಸುವ ಜಾಗದಲ್ಲಿ ಜೀವಂತ ಮಗುವನ್ನು ಇರಿಸಿರುವುದು ಕಾನೂನುಬಾಹಿರ ಮತ್ತು ಅಪಾಯಕಾರಿ ಎಂದು ಜನರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
A mother put her baby in the scooter’s storage box like luggage, on just a pillow, then drove off.
Heartbreaking and dangerous, what if there’s an accident? That tiny life is everything.
Please, protect our kids. This can’t be “content.” 😢 pic.twitter.com/HKXhQ8UgKL
— Sachya (@sachya2002) March 11, 2026